Peichen Itenapen ekkewe ewe Puken Mormon
me mwan mwirin

Ewe
Puken Mormon

Ew Uruo a Mak me ren
Poun Mormon
won ekkewe Seleich
Ra Angei seni ekkewe Seleich an Nifai

Ina minne, iei ew ammwochun ewe uruon ekkewe aramasen Nifai, me pwan ekkewe chon Leiman—A mak ngeni ekkewe chon Leiman, ekkewe ir ew tappin ewe imwen Israel; me pwan ngeni ekkewe chon Jew me ekkewe chon Gentile—Ra makketiw non napanapan kapas annuk, me pwan seni ewe ngunun osini me pwarata—Ra makketiw me eppunguno, me kopono ngeni ewe Samon, ren ar resap tano—Pwe repwe feito me ren ewe niffang me manamanen Kot ngeni awewen kapasan—Eppunguno me ren poun Moronai, me a kopono ngeni ewe Samon, pwe repwe feito non ewe fansoun pung seni ekkewe chon Gentile—Ewe awewen kapasan seni ewe niffangen Kot.

Ew ammwochun uruo ra pwan angei seni ewe Puken Ether, minne a uruoni ekkewe aramasen Jared, ir ekkewe mi toropas fetan non ewe fansoun ewe Samon a aruka kapasen ekkewe aramas, nupwen ra aueta ew tower pwe repwe tori nang—Minne epwe pwar ngeni ekkewe mwirimwirin chon ewe imwen Israel ekkewe mettoch mi napanap ewe Samon a fori ngeni semer kewe; pwe repwe sinei ekkewe pwon mi pin an ewe Samon, pwe resap poutano feinfeino chok—Me pwan esinengeni ekkewe chon Jew me chon Gentile pwe Jises I ewe Kraist, ewe Kot esemuch, a pwarano inisin ngeni muu meinisin—Iwe iei, are mi wor ekkoch mettoch mi muan epwene mwanin aramas; ina minne, ousap etipisi mettochun Kot, pwe oupwe nimenimoch me mwen ewe nenien mwottun kapung an Kraist.

Aewin awewen kapas seni ekkewe seleich ngeni Kapasen Merika
seni Joseph Smith, ewe Nau