1 Jeriʼ xquitewichij ri élderes y ri tewichinelab ri u tiojil y ri u quiqʼuel ri Cristo, y xquijacho chque ri winakil re ri iglesia. Y xepatanin pa ri lokʼalaj waʼim je jas ri u sucʼ ri u takbal ri Cristo. Rumal waʼ, ketaʼm chi sucʼ ri u patanixic. Y ri élder y ri tewichinel kas xquipatanij.

2 Y xexuquiʼc cucʼ conojel ri winakil re ri iglesia, y xquiban chʼawem rucʼ ri Dios pa ri u biʼ ri Cristo, y xquibij:

3 O Dios, Junalic Tataxel, pa ri u biʼ ri Cʼojol la, ri Jesucristo, cäkatzʼonoj che la chi cätewichij la y cächʼajchʼojarisaj la we cäxlan wa che ri canimaʼ conojel ri quecʼamowic, rech cäquitijo che u natabal ri u tiojil ri Cʼojol la, y cäquikʼalajisaj chwäch la, O Dios, Junalic Tataxel, chi cäcaj cäquicʼam ri u biʼ ri Cʼojol la paquiwiʼ, y amakʼel cäquinatajisaj, y quequinimaj ri u takbal ri u yaʼom chque, rech amakʼel cäcʼojiʼ ri Ruxlabal cucʼ. Amen.