1 ^aFasin we ol ^belda mo pris blong olgeta oli stap blesem mo pasem mit mo blad blong Kraes i go long jos; mo oli ^dblesem mo pasem sakramen folem ol komanmen blong Kraes; taswe, mifala i save se fasin ia i stretwan; mo elda o pris i bin blesem mo pasem sakramen—

2 Mo oli nildaon wetem jos, mo prea long Papa long nem blong Kraes, oli talem:

3 “O God, yu yu Papa we I No Save Finis, mifala i askem yu, long nem blong Pikinini blong yu, Jisas Kraes, blong blesem mo mekem tabu hemia ^abred, long sol blong olgeta evriwan we oli tekem mo kakae bred ia; blong oli tekem mo kakae blong ^btingbaot bodi blong Pikinini blong yu, mo testifae long yu, O God, yu yu Papa we I No Save Finis, se oli rere gud blong tekem long olgeta, ^dnem blong Pikinini blong yu, mo oltaem tingbaot hem, mo stap obei long ol komanmen blong hem we hem i bin givim long olgeta, mekem se oltaem, oli gat ^eSpirit blong hem i stap wetem olgeta. Amen.”