1 Ol toktok blong Kraes, we hem i bin talem long ol ^adisaepol blong hem, olgeta twelef we hem i bin jusum, taem we hem i putum ol han blong hem antap long hed blong olgeta—

2 Mo hem i bin singaotem olgeta long nem blong olgeta, i talem: “Yu mas askem long Papa long nem blong mi, long strongfala prea; mo afta we yu mekem samting ia, bae yu gat ^apaoa blong givim Tabu Spirit long hem we yu putum ol ^bhan blong yu antap long hed blong hem; mo long nem blong mi bae ^dyu givim samting ia, from olsem ia nao ol aposol blong mi oli stap mekem.”

3 Nao Kraes i bin talem ol toktok ia long olgeta long taem we hem i kamaot long olgeta blong fastaem; mo grup blong pipol oli no bin harem samting ia; be ol disaepol oli harem samting ia; mo long olgeta evriwan we oli ^aputum ol han blong olgeta antap long hed blong olgeta, Tabu Spirit i bin kam long olgeta.