1 Ang paagi nga ang mga disipulo, nga gintawag nga mga elder sang simbahan, nag-ordin sang mga pari kag mga manunudlo—

2 Pagkatapos nga nakapangamuyo sila sa Amay sa ngalan ni Cristo, gintakdongan nila sila sang ila mga kamot, kag nagsiling:

3 Sa ngalan ni Jesucristo ginaordin ko ikaw nga mangin isa ka pari (ukon kon isa sia ka manunudlo, ginaordin ko ikaw nga mangin isa ka manunudlo) nga magwali sang paghinulsol kag kapatawaran sang mga sala paagi kay Jesucristo, paagi sa pagpadayon sang pagtuo sa iya ngalan tubtob sa katapusan. Amen.

4 Kag suno sa sini nga paagi nag-ordin sila sang mga pari kag mga manunudlo, suno sa mga dulot kag pagtawag sang Dios sa mga tawo; kag gin-ordin nila sila paagi sa gahum sang Balaan nga Espiritu nga yara sa ila.