1 Ao e a koro bukina bwa a bon aki manga roko Reimwanaite ni buaka ma ngaira riki ni karokoa ae e a tia ni bane tebwina riki te ririki. Ao nooria, I a tia ni kamwakuria au botanaomata, ake Nibwaite, ni katauraoi abaia ma aia bwai ni buaka ni kaitara tain te buaka.

2 Ao e a koro bukina bwa e taku te Uea nakoiu: Takaruaea nakon te botanaomata aio—Rairinanomi, ao nako mai nakoiu, ma ni bwabetitoaki, ao manga katea au ekaretia, ao kam na kamaiuaki.

3 Ao I bon takaruaea aio nakoia te botanaomata aio, ma e bon matebuaka; ao a bon aki ataia bwa bon te Uea are e a tia ni kamaiuia, ma n anganiia aia tai ibukin rairannanoia. Ao nooria a bon kamatoatoai nanoia ni kaitara te Uea ae Atuaia.

4 Ao e a koro bukina bwa i mwin banen te katebwina n ririki aio, are e a koro iai tenibubua ao onobwi te ririki man te tai are e roko iai Kristo, ao aia uea Reimwanaite e kanakoa te reta nakoiu, are I a ataia iai bwa a katauraoi bwa a na roko riki ni buaka ma ngaira.

5 Ao e a koro bukina bwa I tua bwa a na ikotaki au botanaomata n te aba are Kamaroa, n te kaawa are e mena n te tia, i rarikin te kawai ae wariki are e kaineti nakon te aba i maiaki.

6 Ao ikekei are ti a katuka ara taanga ni buaka, bwa ti aonga ni katoka aia taanga ni buaka Reimwanaite, bwa aonga n aki tauii abara; ngaia are ti a bon kamatoatoaira ni kaaitaraia ma kaina ara taanga ni kabane.

7 Ao e a koro bukina bwa n te katenibubua ao onobwi ma teuana n ririki ao a roko Reimwanaite nakon te kaawa are Kamaroa bwa a na buaka ni kaaitaraira; ao e a koro bukina bwa n te ririki anne ao ti bon konaia, n te aro are a bon okiri abaia riki.

8 Ao n te katenibubua ao onobwi ma uoua n ririki a bon manga roko riki ni buaka. Ao ti a manga konaia riki, ao ti bon tiringia n te mwaiti ae korakora, ao a bon teweaki nako taari aia mate.

9 Ao ngkai, ibukin te bwai ae korakora are a karaoia au botanaomata aika Nibwaite, a bon ^akamoamoa n oin korakoraia, ma n tuea imatan karawa bwa a na kabooa mwiin raraaia tariia ake a a tia n tiringaki irouia aia kairiribai.

10 Ao a bon tuea nako karawa ao nakon naba ana kaintokanuea te Atua, bwa a ^ana nako ni buaka ni kaaitaraia aia taanga ni buaka, ao a na kamaunaia man te aba.

11 Ao e a koro bukina bwa Ngai, Moomon I bon rawa man te tai aei bwa N na riki bwa aia mataniwi ao aia tia kairiri te botanaomata aio, ibukin buakakaia ma aia mwakuri aika bati n ribaki.

12 Nooria, I a tia ni kairiia, e ngae ngke a buakaka I a tia ni kairiia mwaitin te tai nakon te buaka, ao I a tia n tangiriia, n aron ana ^atangira te Atua are e mena inanou, ma nanou ni koaua; ao I a tia ni bunra nako nanou n tataro nakon Atuau ni kabongnga ibukiia; ma e ngae n anne, bon ^bakea onimakinana, ibukin matoatoan nanoia.

13 Ao ai teniua te tai ae I a tia ni kainaomataia iai mai i nanon baia aia kairiribai, ao a bon tuai naba man rairinanoia ma n aia bure.

14 Ao ngke a tia n tuea ni bwaai ni kabane ake e ^atabuia ara Uea ao ara Tia Kamaiu ae Iesu Kristo, bwa a na waerakeiia aia kairiribai bwa a na buaka, ao a na kabooa mwiin raraaia tariia, nooria e roko bwanaan te Uea nakoiu ni kangai:

15 Bon au bwai te ^aira n taanga, ao N na ^bkabomwi; ao kioina ngkai te botanaomata aio a aki rairinanoia i mwin are I a tia ni kainaomataia, nooria, a na bon kamaunaki ma iaon te aonaba.

16 Ao e a koro bukina bwa I bon rawa raoi ni waerake ni kaaitaraia au kairiribai; ao I bon karaoa are e bon tuangai naba te Uea; ao I bon tei bwa te tia kakoaua ae akea te bwai ae I karaoia ni kaota nakon te aonaba bwaai ake I noori ma n ongo, n aron are e kaoti te Tamnei are e taekin koauan bwaai aika a na roko.

17 Ngaia are I koroboki ^anakoimi, Tientaire, ao nakoimi naba, te bata are Iteraera, ngkana e waaki te mwakuri, bwa kam manga riai ni katauraoi ibukin okimi nakon abami ni bwaibwai;

18 Eng, nooria, I koroboki nakon tokin aonaba; eng, nakoimi, baronga ake tengaun ma uabaronga are Iteraera, ake a na ^amotikaki taekaia ma n aia mwakuri irouia naake tengaun ma uoman ake e a tia n rineiia Iesu bwa ana reirei n te aba are Ierutarem.

19 Ao I koroboki naba nakoia nikiraia te botanaomata aio, ake a na motikaki naba taekaia irouia ake ^atengaun ma uoman ake e a tia n rineiia Iesu n te aba aio; ao naakai a na motikaki taekaia irouia ake tengaun ma uoman riki ake e rineiia Iesu n te aba are Ierutarem.

20 Ao bwaai aikai a bon kaota te Tamnei nakoiu; ngaia are I koroboki nakoimi ni kabane. Ao ibukin aio ao I koroboki nakoimi, bwa kam aonga n ataia bwa kam na bane ni kabane n tei imatan ana ^akaintekateka ni motikitaeka Kristo, eng, ni kabane te aomata ae kaaina ana ^butu Atam are aomata ni kabane; ao kam na tei ni motikaki taekami man ami mwakuri, bwa a raraoi ke a bubuaka.

21 Ao riki bwa kam na ^akakoaua ana euangkerio Iesu Kristo, are e na mena i buakomi; ao ^bIutaia naba are ana aomata ni berita ae tabu te Uea, a na karekei ^ctia kakoaua riki i rarikina are a nooria ma n ongo, bwa Iesu, are a tiringnga, ^dbon te Kristo ao bon te Atua.

22 Ao I tangiria bwa N na kona ni kairoroia ni ^akabane tokin aonaba bwa a na rairinanoia ma ni katauraoia bwa a na tauraoi n tei imatan ana kaintekateka ni motikitaeka Kristo.