Dagiti Nasantuan a Kasuratan
Jacob 6


Kapitulo 6

Ummongento ti Apo ti Israel inton maudi nga al-aldaw—Mapuoranto ti lubong—Nasken a sumurot dagiti tattao ken ni Cristo tapno mailiklikda iti dan-aw ti apuy ken asupre. Agarup 544–421 B.C.

1 Ket ita, kitaen, kakabsatko, sipud idi imbagak kadakayo a mangipadtoak, kitaen, daytoy ti padtok—a dagiti bambanag nga insao daytoy a propeta a aZenos, a maipanggep iti balay ti Israel, nga inyarigna ida iti napatanor a kayo ti olibo, sigurado a nasken a mapasamakto.

2 Ket iti aldaw nga isagsaganana a rugian manen iti maikadua a gundaway a amangpasubli kadagiti taona, isunto ti aldaw, wen, isunton ti maudi a gundaway, a sumurotto dagiti bkatulongan ti Apo iti cbilegna, a dmangtaraon ken mangarbas iti ebangkagna; ket kalpasan dayta umayto iti mabiit ti fpanungpalan.

3 Ket anian ti pannakabendision unay dagiti nagtrabaho a sipapasnek iti bangkagna; ken anian ti pannakailunod dagiti maipuruakto iti lugar a naituding kadakuada! Ket amapuoranto ti lubong.

4 Ket anian ti kinamanangngaasi ti Dios kadatayo, agsipud ta laglagipenna ti balay ti aIsrael, dagiti ramut ken dagiti sanga; ket un-unnatenna dagiti bimana kadakuada iti agmalem; ket cnasukirda ken mannuppiatda a tattao; ngem kas iti kaadunto dagiti saan a mangpatangken kadagiti pusoda ti maisalakanto iti pagarian ti Dios.

5 Gapuna, patpatgek a kakabsatko, dawatek kadakayo a sipaparbeng a nasken nga agbabawikayo, ket umasidegkayo a sipupudno iti amin a pusoyo, ket akumpetkayo iti Dios a kas iti ikakapetna kadakayo. Ket bayat ti pannakayunnat ti naasi a btakiagna kadakayo iti lawag ti aldaw, saanyo koma patangkenen dagiti pusoyo.

6 Wen, ita nga aldaw, no mangngegyo ti timekna, saanyo a patangkenen dagiti pusoyo; ta apay koma a amataykayo?

7 Ta kitaen, kalpasan a nataraonankayon babaen iti napintas a balikas ti Dios iti agmalem, mangtedkayonto kadi iti dakes a bunga, ta nasken a amapukankayo ken maipuruak iti apuy?

8 Kitaen, ilaksidyo kadi dagitoy a balikas? Ilaksidyo kadi ti balbalikas dagiti propeta; ken ilaksidyo kadi amin a balikas a nasaon maipanggep ken ni Cristo, kalpasan ti adu a nagsaon maipanggep kenkuana; ket ilibakyo dagiti naimbag a balikas ni Cristo, ken ti bileg ti Dios, ken ti asagut ti Espiritu Santo, ket lapdanyo ti Nasantuan nga Espiritu, ket laisenyo kadi ti naindaklan a plano ti pannakasubbot, a naaramiden para kadakayo?

9 Saanyo kadi ammo a no aramidenyo dagitoy a bambanag, a ti bileg ti pannubbot ken panagungar, nga adda ken ni Cristo, iturongnakayto nga agtakder nga addaan bain ken nakaam-ames a abasol iti sango ti bpangukoman ti Dios?

10 Ken mayannurot iti bileg ti alinteg, ta saan a mailibak ti linteg, nasken a mapankayto iti dayta a bdan-aw ti apuy ken asupre, a saan a masebseban ti gil-ayabna, ket agnanayonto nga agpangato ti asukna, ti dan-aw ti apuy ken asupre nga isu ti cawan patinggana a dpanagtutuok.

11 O ngarud, patpatgek a kakabsatko, agbabawikayo, ket sumrekkayo iti anailet a ruangan, ket ituloyyo ti magna iti dalan nga akikid, agingga a magun-odyo ti agnanayon a biag.

12 O aagmasiribkayo; ania pay ti mabalinko nga ibaga?

13 Kamaudiananna, agpakadaakon, agingga nga agkikitatayto iti makaay-ayo a pangukoman ti Dios, pangukoman a mangaring iti panunot ti dakes iti anakaam-ames nga amak ken buteng. Amen.