1 Manje, bhekani, bafowethu, njengoba ngishilo kini ukuthi ngiyophrofetha, bhekani, lokhu kuyisiphrofetho sami—ukuthi izinto lomphrofethi ^auZenoshe azikhuluma, mayelana nendlu ka-Israyeli, kuzo ayeyifanisa nesihlahla somnqumo esithanjisiwe, kufanele ngempela zenzeke.

2 Futhi usuku lapho eyokwelula khona isandla sakhe futhi okwesibili ^aukubuyisa abantu bakhe, yilo usuku, yebo, ngisho isikhathi sokugcina, lapho ^bizinceku zeNkosi ziyohamba ^cngamandla ayo, ^dukondla kanye nokuthena ^eisivini sayo; futhi emva kwalokho ^fisiphetho siyoza masinyane.

3 Futhi babusiseke kangakanani labo abasebenze ngenkuthalo esivinini sayo; futhi baqalekiswe kangakanani labo abayolahlwa ngaphandle endaweni yabo! Futhi umhlaba ^auyoshiswa ngomlilo.

4 Futhi unomusa kangakanani uNkulunkulu wethu kithi, ngokuba yena uyayikhumbula indlu ka-^aIsrayeli, kokubili izimpande kanye namagatsha; futhi welulela ^bizandla zakhe kubo bonke ubude bosuku; futhi ^cbangontamolukhuni futhi bangabantu abaphikisayo; kodwa ngobuningi balabo abangayikuqinisa izinhliziyo zabo bayosindiswa embusweni kaNkulunkulu.

5 Ngalokho-ke, bafowethu abathandekayo, ngiyanincenga ngamazwi azothile ukuthi niphenduke, futhi nize ngenhloso ephelele yenhliziyo, ^aninamathele kuNkulunkulu njengoba naye enamathele kini. Futhi nangesikhathi ^bingalo yakhe yomusa yelulelwe kini ekukhanyeni kosuku, ningazenzi lukhuni izinhliziyo zenu.

6 Yebo, namuhla, uma ningalalela izwi lakhe, ningazenzi lukhuni izinhliziyo zenu; ngokuba kungani ^anizokufa na?

7 Ngokuba bhekani, emva kokuba senondliwe ngezwi elihle likaNkulunkulu bonke ubude bosuku, ngabe nizoveza isithelo esibi, kangangoba ^anizocekelwa phansi futhi nilahlwe emlilweni na?

8 Bhekani, ngabe nizowenqaba yini lamazwi na? Nizowenqaba yini amazwi abaphrofethi; futhi nizowenqaba wonke yini amazwi akhulunywa mayelana noKristu, emva kokuthi abaningi kangaka sebekhulumile mayelana naye; futhi nilenqabe izwi elihle likaKristu, namandla kaNkulunkulu, kanye ^anesipho sikaMoya oNgcwele, futhi niwuvimbele uMoya oyiNgcwele, nenze inhlekisa ngesu elikhulu lokukhululwa, elibekelwe nina na?

9 Anazi yini ukuthi uma nenza lezi zinto, ukuthi amandla okukhululwa kanye nawovuko, akuKristu, azonenza nime ninamahloni ^anokuba necala elibi phambi ^bkwesihlalo sikaNkulunkulu na?

10 Futhi ngokwamandla ^aokulunga, ngokuba ukulunga akunakwenqatshelwa, kufanele nihambe niye kulelo ^bchibi lomlilo nesibabuli, elinamalangabi angacimeki, futhi elinentuthu ekhuphukela phezulu phakade naphakade, lelo chibi lomlilo nesibabuli ^cokungubuhlungu ^dobungayikuphela.

11 O uma kunjalo-ke, bafowethu abathandekayo, phendukani, futhi ningene ^aesangweni elingumngcingo, futhi niqhubeke endleleni encane, nize nithole ukuphila okuphakade.

12 O ^ahlakaniphani; yikuphi okunye engingakusho na?

13 Okokugcina, ngiyavalelisa, ngize ngihlangane nani phambi kwesihlalo esithokozisayo sikaNkulunkulu, esishaya ababi ^angovalo olubi kanye nokwesaba. Amen.