Ol Skripja
Jekob 1


Buk blong Jekob
Brata blong Nifae

Ol toktok blong hem long ol brata blong hem. Hem i blokem wan man we i lukaotem blong prapa spolem gud doktrin blong Kraes. Smol toktok blong ol samting long saed blong histri blong ol pipol blong Nifae.

Japta 1

Jekob mo Josef, tufala i traem blong winim tingting blong ol man blong biliv long Kraes mo obei ol komanmen blong Hem—Nifae i ded—Fasin nogud i stap win long medel blong Ol Man blong Nifae. Raonabaot 544–421 B.K.B.

1 From luk, i bin hapen se fifti mo faef yia i bin pas finis long taem we Lihae i aot long Jerusalem; taswe, Nifae i bin givim long mi, aJekob, wan bkomanmen long saed blong ol dsmol buk we oli raetem olgeta samting ia long olgeta.

2 Mo hem i bin givim long mi, Jekob, wan komanmen, se mi mas raet long ol buk ia samfala samting we mi bin ting se oli gud tumas, we mi no mas tajem, be raetem lelebet nomo, long saed blong histri blong ol pipol ia we oli singaotem olgeta ol pipol blong Nifae.

3 From hem i bin talem se bae oli raetem histri blong ol pipol blong hem long ol narafala buk blong hem, mo se mi mas sevem ol buk ia mo pasem i go daon long ol pikinini blong mi, stat long wan jeneresen i go long narafala jeneresen.

4 Mo sapos i gat ol toktok we oli tabu, o revelesen we i bigwan, o profesi, mi mas raetem ol aimpoten samting long saed blong olgeta samting ia long ol buk ia, mo raetem plante samting long saed blong olgeta olsem we i save hapen, blong gud blong Kraes, mo blong helpem ol pipol blong yumi.

5 From fet mo bigfala wari, i tru we oli bin soemaot long mifala long saed blong ol pipol blong mifala, wanem nao sam samting we bae i ahapen long olgeta.

6 Mo mifala tu i bin kasem plante revelesen, mo spirit blong plante profesi; taswe, mifala i bin save long aKraes mo kingdom blong hem, we bae i kam.

7 Taswe, mifala i bin wok strong wetem strong tingting long medel blong ol pipol blong mifala, blong mekem se mifala i save winim tingting blong olgeta blong akam long Kraes, mo tekem pat blong gud fasin blong God, blong oli save go insaed long bkingdom blong hem, hem i fraet se bae hem i jaj long kros blong hem se bae oli no dgo insaed, semmak long ol dei blong erao mo temtesen taem we olgeta pikinini blong Isrel oli bin stap long fwaelples.

8 Taswe, mifala i wantem tumas long God se mifala i save winim tingting blong evri man blong oli no ago agensem God, blong no bmekem hem i kros, be blong evri man bae oli biliv long Kraes, mo tingbaot ded blong hem, mo safa blong karem dkros blong hem mo blong tekem sem blong wol; taswe, mi, Jekob, mi tekem long mi blong mekem komanmen we i go long brata blong mi, Nifae, i hapen.

9 Nao Nifae i bin stat blong kam olfala, mo hem i bin luk se bae hem i mas aded i no longtaem; taswe, hem i bin banoentem wan man blong kam wan king mo wan man blong rul ova long ol pipol blong hem naoia, folem ol rul blong ol dking.

10 From ol pipol i bin lavem Nifae tumas, from hem i bin wan bigfala man we i stap lukaotem gud olgeta, from hem i bin yusum anaef blong faet blong Leban blong difendem olgeta, mo from hem i bin wok evri dei long laef blong hem from gudfala laef blong olgeta—

11 Taswe, ol pipol oli wantem blong tingbaot nem blong hem. Mo eni man we bae i rul long ples blong hem, ol pipol oli singaotem olgeta, nambatu Nifae, nambatri Nifae, mo i go olsem ia nao, folem ol rul blong ol king; mo olsem ia nao ol pipol oli bin singaotem olgeta, i nomata wanem nao nem blong olgeta.

12 Mo i bin hapen se Nifae i bin ded.

13 Nao ol pipol we oli no Ol aMan blong Leman, oli Ol bMan blong Nifae; be, oli bin singaotem olgeta ol laen blong Nifae, ol laen blong Jekob, ol laen blong Josef, ol dlaen blong Soram, ol laen blong Leman, ol laen blong Lemyul, mo ol laen blong Ismael.

14 Be mi, Jekob, afta long taem ia bae mi no singaotem olgeta wetem ol nem ia, be bae mi asingaotem olgeta Ol Man blong Leman we oli stap lukaotem blong prapa spolem gud ol pipol blong Nifae, mo olgeta we oli mekem gud fren wetem Nifae, bae mi singaotem olgeta Ol bMan blong Nifae, o ol dpipol blong Nifae, folem ol rul blong ol king.

15 Mo nao i hapen se ol pipol blong Nifae, long taem we nambatu king i stap rul, i bin stat blong gro mo kam strong long hat blong olgeta, mo oli bin letem olgeta lelebet long ol fasin nogud, olsem Deved long bifo we i bin wantem plante awaef blong hem mo ol narafala woman blong hem, mo tu, Solomon, boe blong hem.

16 Yes, mo tu, oli bin stat blong lukaotem plante gol mo silva, mo oli bin stat blong kam antap lelebet wetem hae tingting.

17 Taswe mi, Jekob, mi bin givim long olgeta ol toktok ia taem we mi bin tijim olgeta long atempol, be fastaem mi bin kasem bwok blong mi long Lod.

18 From Nifae i bin akonsekretem mi, Jekob, mo brata blong mi, Josef, i kam olsem ol pris mo ol tija blong ol pipol ia, wetem han blong hem.

19 Mo mitufala i bin givim ona mo wok strong long aofis blong mitufala i go long Lod, mo mitufala i bin tekem long mitufala bstret wok ia, mo tekem ol panis blong ol sin blong ol pipol antap long hed blong mitufala sapos mitufala i no bin tijim gud olgeta long toktok blong God wetem strong tingting oltaem; taswe, taem mitufala i stap wok strong wetem paoa blong mitufala, dblad blong olgeta bae i no save kam long ol klos blong mitufala; sapos no, blad blong olgeta bae i kam long ol klos blong mitufala, mo bae oli no faenem se mitufala i no gat mak long las dei.