Helaman

Ebʼ li loqʼlaj hu

Lix Hu laj Mormon

Li wan chi saʼ
Xtikib’ankil ut Eb’ laj Yehol Nawom
1 Nefi
2 Nefi
Jakob
Enos
Jarom
Omni
Raatin laj Mormon
Mosiah
Alma
Helaman
3 Nefi
4 Nefi
Mormon
Eter
Moroni
Li ajlank sa’ lix Hu laj Mormon

Helaman

Ch’ol 1
Na’ok laj Pahoran alalb’ej choq’ xb’eenil aj raqol aatin, ut nakamsiik xb’aan laj Kixkumen—Laj Pakumeni na’ok sa’ li raqleb’aal aatin—Laj Koriantumr naxjolomiheb’ li teep aj pleet reheb’ laj Lamanita, naxchap Tzarahemla, ut naxkamsi laj Pakumeni—Laj Moronihah naxq’axeb’ ru laj Lamanita ut naxchap wi’chik Tzarahemla, ut nakamsiik laj Koriantumr. Wan na 52–50 chihab’ ma nayo’la li Kristo.
Ch’ol 2
Laj Helaman, ralal laj Helaman, na’ok choq’ xb’eenil aj raqol aatin—Laj Gadianton naxjolomi lix molam laj Kixkumen—Lix moos laj Helaman naxkamsi laj Kixkumen, ut neke’eelelik lix molam laj Gadianton sa’ li yamyookil ch’och’. Wan na 50–49 chihab’ ma nayo’la li Kristo.
Ch’ol 3
Naab’al reheb’ laj Nefita neke’q’axon sa’ li ch’och’ sa’ xjayal lix nim li saq’e—Neke’xyiib’ li kab’l rik’in chun ut neke’xtz’iib’a k’iila tz’iib’anb’il esil—Neke’xjal xch’ool chi lajetq mil ut neke’kub’e xha’—Li raatin li Dios naxk’ameb’ li winq sa’ li kolb’a-ib’—Laj Nefi ralal laj Helaman na’ok sa’ li raqleb’aal aatin. Wan na 49–39 chihab’ ma nayo’la li Kristo.
Ch’ol 4
Eb’ laj Nefita li risihomeb’ chaq rib’ neke’xjunaji rib’ rik’ineb’ laj Lamanita ut neke’xchap li ch’och’ Tzarahemla—Neke’q’axe’ ru laj Nefita xb’aan xmaa’usilaleb’—Nalaj ru li Iglees, ut eb’ li tenamit neke’q’uno’ xmetz’ew jo’eb’ laj Lamanita. Wan na 38–30 chihab’ ma nayo’la li Kristo.
Ch’ol 5
Laj Nefi ut laj Lehi neke’xk’e rib’ chi jultikank aatin—Xb’aan lix k’ab’a’eb’, na’aje’ chiruheb’ xb’aanunkil sa’ xyu’ameb’ jo’ chanru lix najter yuwa’eb’—Li Kristo naxtojeb’ rix li neke’xjal xk’a’uxl—Laj Nefi ut laj Lehi neke’xjal xch’ool naab’al ut neke’k’ehe’ sa’ tz’alam, ut li xam naxsutiheb’ rix—Jun choql re q’ojyin naxmoy oxib’ cient chi winq—Nachiiq’an li ch’och’, ut jun xyaab’ kuxej naxtaqlaheb’ li winq chixjalb’aleb’ xk’a’uxl—Laj Nefi ut laj Lehi neke’aatinak rik’ineb’ li anjel, ut neke’sutiik rix li ch’utch’uukil tenamit rik’in xam. Wan na 30 chihab’ ma nayo’la li Kristo.
Ch’ol 6
Eb’ laj Lamanita li tiikeb’ xch’ool neke’jultikan aatin chiruheb’ laj Nefita aj maak—Xkab’ichaleb’ li tenamit neke’usa sa’ xq’ehil li tuqtuukilal ut li naab’alil—Laj Lucifer, laj yoob’ahom re li maak, nareek’asiheb’ xch’ool laj maak ut xch’ooleb’ laj elq’ xkomon laj Gadianton re xb’aanunkil li kamsink ut li maa’usilal—Eb’ laj elq’ neke’reechani xjolomil xtenamiteb’ laj Nefita. Wan na 29–23 chihab’ ma nayo’la li Kristo.
Ch’ol 7
Laj Nefi natz’eqtaanaak sa’ xnim li saq’e ut nasutq’i Tzarahemla—Natijok sa’ xnajt xteramil kab’l sa’ rawimq ut naxye reheb’ li tenamit naq che’xjal xk’a’uxl malaj ut te’oso’q. Wan na 23–21 chihab’ ma nayo’la li Kristo.
Ch’ol 8
Eb’ laj raqol aatin li po’jenaqeb’ xch’ool neke’xsik’ reek’asinkileb’ xch’ool li tenamit chirix laj Nefi—Laj Abraham, laj Moises, laj Tzenos, laj Tzenok, laj Etzias, laj Isaias, laj Jeremias, laj Lehi, ut laj Nefi ke’xch’olob’ xyaalal li Kristo—Chi musiq’anb’il laj Nefi naxye resil xkamik li xb’eenil aj raqol aatin. Wan na 23–21 chihab’ ma nayo’la li Kristo.
Ch’ol 9
Eb’ laj taql neke’xtaw li xb’eenil aj raqol aatin chi kamenaq sa’ li raqleb’aal aatin—Neke’k’ehe’ sa’ tz’alam ut moqon neke’ach’ab’aak—Chi musiq’anb’il laj Nefi naxk’ut xyaalal naq laj Seantum kikamsink—Wankeb’ li neke’k’ulub’an re laj Nefi jo’ profeet. Wan na 23–21 chihab’ ma nayo’la li Kristo.
Ch’ol 10
Li Qaawa’ naxk’e re laj Nefi li wankilal re tz’apok—Nak’ehe’ xwankil chi bak’ok ut chi hitok sa’ ruchich’och’ ut sa’ choxa—Naxtaqlaheb’ li tenamit chixjalb’al xk’a’uxl malaj te’oso’q—Li Musiq’ej naxk’am a’an sa’ li junjunq tuub’ chi tenamit. Wan na 21–20 chihab’ ma nayo’la li Kristo.
Ch’ol 11
Laj Nefi naxq’unb’esi xch’ool li Qaawa’ re tixk’e li we’ej ruuchil li pleet—Naab’al li tenamit neke’oso’—Neke’xjal xk’a’uxl, ut Laj Nefi naxtz’aama li hab’ chiru li Qaawa’—Laj Nefi ut laj Lehi neke’xk’ul k’iila na’leb’ chi k’utb’esinb’il—Eb’ laj elq’ re laj Gadianton neke’xk’ojob’ rib’ sa’ li ch’och’. Wan na 26–6 chihab’ ma nayo’la li Kristo.
Ch’ol 12
Eb’ li winq chi seeb’ neke’eek’asiik, maak’a’eb’ xna’leb’ ut seeb’eb’ chixb’aanunkil li maa’usilal—Li Qaawa’ naxq’useb’ lix tenamit—Lix maak’a’il li winq nak’utman chi junpak’al lix wankil li Dios—Sa’ xkutankil li raqb’a-aatin, eb’ li winq te’xk’ul li yu’am li junelik taakanaaq, malaj li tojb’a-maak li junelik taakanaaq. Wan na 6 chihab’ ma nayo’la li Kristo.
Ch’ol 13
Laj Samuel aj Lamanita naxch’olob’ jo’ profeet lix sachlijikeb’ laj Nefita wi ink’a’ neke’xjal xk’a’uxl—Neke’majewaak, rochb’een xb’ihomaleb’—Neke’xtz’eqtaana ut neke’xkutiheb’ chi pek li profeet, neke’sutiik xb’aaneb’ li maa’us aj musiq’ej, ut neke’xsik’ xsahileb’ xch’ool rik’in xb’aanunkil maa’usilal. Wan na 6 chihab’ ma nayo’la li Kristo.
Ch’ol 14
Laj Samuel naxye chi rub’elaj resil li saqeno’k chiru q’ojyin ut jun ak’ chahim sa’ xyo’lajik li Kristo—Li Kristo naxtojeb’ chaq rix li winq chiru li kamk re li yu’am a’in ut re musiq’ej—Jo’ reetalil xkamik taawanq li aak’ab’ chiru oxib’ kutan, xjachb’aleb’ li pek, ut li ninqi sache’k sa’ li tzuul taq’a. Wan na 6 chihab’ ma nayo’la li Kristo.
Ch’ol 15
Li Qaawa’ naxq’useb’ laj Nefita xb’aan naq naxraheb’—Eb’ laj Lamanita li jalb’ileb’ xch’ool ink’a’ neke’eek’an ut xaqxookeb’ junelik sa’ li paab’aal—Li Qaawa’ taaruxtaanaheb’ ru laj Lamanita sa’ roso’jik li kutan. Wan na 6 chihab’ ma nayo’la li Kristo.
Ch’ol 16
Eb’ laj Nefita li neke’paab’ank re laj Samuel neke’kub’siik xha’ xb’aan laj Nefi—Laj Samuel ink’a’ naru nakamsiik rik’in xtzimajeb’ ut xpekeb’ laj Nefita li moko jalb’ileb’ ta xk’a’uxl—Wankeb’ li neke’xkawob’resi raameb’, ut wankeb’ chik jalan li neke’ilok reheb’ li anjel—Eb’ li ink’a’ neke’paab’an neke’xye naq maak’a’ xyaalal xpaab’ankil li Kristo ut lix k’ulunik aran Jerusalen. Wan na 6–1 chihab’ ma nayo’la li Kristo.