1 Yalishca jipa Jaredpaj huauqui, (cunan barcocuna imata preparashca carca iscun carca) urcuman rirca, imata paicuna shutichirca Shelempaj urcu, ninan jatun caimanda, shuj rumimanda chunga sujta uchilla rumicunata yacuyachirca; yurajcuna carca, claro, chaishu ladota ricunalla cristal laya; pai apamurca paipaj maquicunapi urcu jahuamanda, cutin mañarca Apunchijta, nishpa:

2 Oh Apunchij, quiquin nishcangui yacu jundahuan muyushca cashun. Cunan riqui, Oh Apunchij, ama fiñaichu quiquinba sirvij runahuan quiquinba ñaupapi irqui caimanda; ñucanchi yachanchi quiquin achil cangui jahua pachapi causangui, ñucanchi quiquinba ñaupapi na alita rurajcuna canchi; ñucanchi urmana canamanda na aliman tigrashca punllan punllan; shina cajpipash, Oh Apunchij ñucanchiman cushcangui shuj rurachunbacha saquishcata ñucanchi quiquinda mañachun, quiquinbamanda ñucanchi chasquishun ñucanchipaj munaicunata.

3 Riqui, Oh Apunchij, quiquin ñucanchita llaquichishcangui ñucanchipaj na ali ruraicunamanda, calpachishcangui cai tauca huatacunata jichushca pambapi cashcanchi; shina cajpipash, quiquin ñucanchita shungumanda llaquishcangui. Oh Apunchij, llaquihuai, anchuchi quiquinba fiñaita cai quiquinba llactapuracunamanda, ama saqui yalichun cai millai huaicuta yanapi; ashtahuangari ricui cai cuzascuna imata rumimanda yacuyachishcani.

4 Ñuca yachani, Oh Apunchij, quiquin charingui tucui ushaita, imatapash rurai ushangui quiquin munashcata runapa ali cachun; chaimanda tacari cai rumicunata, Oh Apunchij, quiquinba dedohuan, preparapai yanapi punchallayachichun; ñucanchita punchayachichun barcocunapi imata ñucanchi preparashcanchi, ñucanchi michata charingapa jatun mama cochata yalinajushpa.

5 Riqui, Oh Apunchij, quiquin caita rurai ushangui. Ñucanchi yachanchi ricuchi ushangui quiquinba jatun ushaita, ima uchilla ricurin runacunapaj yuyaipi.

6 Yalishca jipa imaura Jaredpaj huauqui cai shimicunata nishca cajpi, riqui, Apunchij paipaj maquita chutarca tacarircapash rumicunata shujllangaman paipaj dedohuan. Velo anchurirca Jaredpaj huauquipaj ñavicunamanda, pai ricurca Apunchijpaj dedota; cai carca shuj runapaj dedo laya, aicha, yahuarhuan; Jaredpaj huauqui urmarca Apunchijpaj ñaupapi, imashpa pai manllaihuan mishashca carca.

7 Apunchij ricurca Jaredpaj huauqui alpaman urmashcata; Apunchij paita nirca: Jatari, imashpata urmangui?

8 Pai Apunchijta nirca: Ñuca ricurcani Apunchijpaj dedota, ñuca manllarcani chugrichinata; ñuca na yacharcani Apunchij aichata yahuartapash charijta.

9 Apunchij nirca paiman: Quiquinba femanda ricushcangui ñuca japigrijujta aichata, yahuarta; nimaura runa ñuca ñaupaman shamushca shina ninan fehuan quiquinshna; na shina cashpaca na ricui ushanguiman carca ñuca dedota. Quiquin ricurcanguichu ashtahuan caita yalita?

10 Pai tigrachirca: Na; Apunchij, ñucaman ricurimuhuai.

11 Apunchij nirca paiman: Cringuicha ñuca parlagrijuj shimicunata?

12 Pai tigrachirca: Ari, Apunchij, ñuca yachani quiquin ciertopachata parlangui, quiquin cangui ciertopachapaj Dios, na llullai ushanguipash.

13 Imaura pai nirca cai shimicunata, riqui, Apunchij ricurimurca paiman, nirca: Quiquin yachangui cai cuzascunata quiquin jatun causachishca cangui urmaimanda; chaimanda quiquin ñuca ñaupaman tigrachimushca cangui; chaimanda ñuca quiquinman ricurimuni.

14 Riqui, ñuca cani pimi preparashca carca cai pachata rurashcamanda ñuca llactapuracunata jatun causachingapa. Riqui, ñuca cani Jesucristo. Ñuca cani Taita, Churipash. Ñucapi tucui runacuna causaita charinga, mana tucurinacaman charinga, maijan ñuca shutipi crijcunapash; paicuna tigranga ñuca churicuna, ñuca ushicuna.

15 Nimaura na ricurishcani runaman picunata ñuca rurashcani, nimaura runa ñucapi crishca quiquinshna: Ricungui quiquin rurashca cangui ñucashna rijchapacha? Ari, tucui runacuna rurashca carca callaripi ñucashna rijchapacha.

16 Riqui, cai cuerpo, imata can cunan ricungui, ñuca espíritupaj cuerpo can; runata ñuca rurashcani ñuca espíritupaj cuerpo laya; imashna ñuca quiquinman ricurishcani espíritupi ñuca ricurishami ñuca llactapuracunaman aichapi.

17 Cunan, imashna ñuca, Moroni, nishcani na rurai ushani tucui tandachishpa quilcashcata cai cuzascunamanda imata quilcashca can, chaimanda cailla ali can nini Jesús ricurimurca cai runaman espíritupi, cai laya, shinallata cuerpopishna imashna pai ricurimurca Nefitacunaman.

18 Paiman achil yachachirca imashna Nefitacunaman achil yachachirca; tucui cai, cai runa yachachun pai Dios cajta, ninan jatun ruraicunamanda imata Apunchij paiman ricuchishca cashca.

19 Cai runapaj yachaimanda pai na jarcai usharca ricuchun velo ucupi; pai ricurca Jesúspaj dedota, ima, pai imaura ricujpi, pai urmarca manllaihuan; pai yachaimanda cai cajta Apunchijpaj dedo; paipaj ñana ashtahuan fe carca, pai yacharca, nimata na dudashpa.

20 Chaimanda, cai alipacha Diospaj yachaita charishpa, pai na jarcai usharca ricuchun velo ucupi; chaimanda Jesústa ricurca; pai achil yachachirca paiman.

21 Yalishca jipa Apunchij Jaredpaj huauquita nirca: Riqui, quiquin cai cuzascuna imata can ricushcangui, uyashcanguipash cai pachaman richun ama saquingui, imaura punlla shamungacaman ñuca punchayachisha ñuca shutita aichapi; chaimanda, quiquin alichingui cuzascunata imata ricushcangui, uyashcanguipash, runaman ama ricuchingui.

22 Riqui, imaura quiquin ñucapaman shamungui, quiquin caicunata quilcangui, caicunata sellangui, pipash caicunata na tigrachi ushachun; imashpa quiquin quilcangui caicunata shuj shimirimaipi caicuna na lii ushashca cachun.

23 Riqui, cai ishcai rumicunata quiquinman ñuca cusha, caicunatapash sellangui cuzascunahuan imata quiquin quilcangui.

24 Riqui, shimirimai imapi quiquin quilcangui ñuca pandachishcani; chaimanda ñucapaj propio punllapi rurachisha cai rumicuna punchayachichun runacunapaj ñavicunata cai cuzascuna imata quiquin quilcangui.

25 Imaura Apunchij cai shimicunata nishca carca, ricuchirca Jaredpaj huauquiman tucui cai alpapaj causajcunata tiashcacunata, tucui tianacunatapash; pitapash na pacarca paipaj ricuimanda, cai alpa tucuricaman.

26 Pai nishca carca pundallata, paipi crijpica ricuchi ushanga tucui cuzascunata—cai ricuchishca canga paiman; chaimanda Apunchij nima cuzasta na pacarca, yacharca Apunchij paiman ricuchi ushajta tucui cuzascunata.

27 Apunchij paiman nirca: Quilcai cai cuzascunata sellaipash caicunata; ñuca caicunata ricuchisha ñucapaj propio punllapi runacunapaj huahuacunaman.

28 Yalishca jipa Apunchij mandarca sellachun ishcai rumicunata imata pai chasquirca, na ricuchichunbash imaura Apunchij ricuchingacaman runacunapaj huahuacunaman.