1 Cunan tiai callarirca shuj jatun llaqui tucui alpapi llactapuracunapaj na ali ruraicunamanda, chaipi, shuj runa saquijpi imatapash rurana jirrucunata nacashpa espadata paipaj alichij pushtupi, nacashpa caita alichi ushana pushtupi, riqui, caya tutamanda, caita na tari ushan, shina jatun carca ninan llaqui alpapi.

2 Chaimanda tucui runa japirca ima paipaj cashcata, paipaj maquicunahuan, pitapash na mañachihuai nirca, mañachitapash na, tucui runa espada alichinata alichirca paipaj ali lado maquipi, paipaj charishcata huacaichingapa, paipaj propio causaitapash, paipaj huarmicunapaj, huahuacunapajpash.

3 Cunan, ishcai huata jipa, Sharedpaj huañushca jipa, riqui, Sharedpaj huauqui jatarirca, Coriántumrhuan macanajurca, chaipi Coriántumr misharca, catircapash Akishpaj jichushca pambacaman.

4 Yalishca jipa Sharedpaj huauqui Akishpaj jichushca pambapi macanajurca; macanajui ninan manllanayaiman tigrarca, tauca huarangacuna espadamanda urmarca.

5 Yalishca jipa Coriántumr jichushca pambapi chaupipi churarca; Sharedpaj huauqui tuta jichushca pambamanda llujshishpa rirca, Coriántumrpaj macanajuj runacunapaj huaquingunata huañuchirca paicuna machashca cajpi.

6 Chayagrirca Morónpaj alpaman, paillata shayarirca Coriántumrpaj tiarinapi.

7 Yalishca jipa Coriántumr causarca paipaj macanajuj runacunahuan jichushca pambapi ishcai huatacunata, chaipi pai chasquirca jatun shinllicaita paipaj macanajuj runacunapa.

8 Cunan Sharedpaj huauqui, paipaj shuti carca Gilead, chasquircapash jatun shinllicaita paipaj macanajuj runacunapa, pacalla tandanajunacunamanda.

9 Yalishca jipa paipaj sumo sacerdote paita huañuchirca paipaj tiarinapi tiajujpi.

10 Yalishca jipa paita shuj pacalla tandanajunacunamanda huañuchirca pacalla yalinapi, chasquirca reinota paipallata; paipaj shuti carca Lib; Lib carca jatun viñai runa, cutishuj runacunata yali tucui llactapuracunamanda.

11 Yalishca jipa Libpaj callari huatapi, Coriántumr vichai rirca Morónpaj alpaman, Libhuan macanajurca.

12 Yalishca jipa Libhuan macanajurca, chaipi Lib huajtarca paipaj rigrapi chugrichishpa saquirca; shina cashpapash, Coriántumrpaj macanajuj runacuna Libpaj contra huashamanda macanajurca, pai calparca jatun mama cocha manñacunaman.

13 Yalishca jipa Coriántumr paita catirca; Lib macanajurca jatun mama cocha manñapi.

14 Yalishca jipa Lib chugrichirca Coriántumrpaj macanajuj runacunata, paicuna calparca cutin Akishpaj jichushca pambaman.

15 Yalishca jipa Lib catirca imaura Agoshpaj pugrucunacaman chayangacaman. Coriántumr apashca carca tucui llactapuracunata paihuan, imashna pai calpajushpa Libpaj ñaupamanda maipi chai alpata pai calparca.

16 Imaura Agoshpaj pugrucunaman shamushpa Libhuan macanajurca, chugrichirca huañungacaman; shina cashpapash, Libpaj huauqui Coriántumrpaj contra shamurca paipaj pushtupi, macanajui ninan manllanayaiman tigrarca, chaipi Coriántumr cutin calparca Libpaj huauquipaj macanajuj runacunapaj ñaupamanda.

17 Cunan Libpaj huauquipaj shuti carca Shiz. Yalishca jipa Shiz Coriántumrta catirca, tucuchirca tauca llactacunata, pai huañuchirca huarmicunata, huahuacunatapash, llactacunatapash rupachirca.

18 Shizta manllai rirca tucui alpaman; ari, tucui alpapi capari uyarirca—Pita ushan Shizpaj macanajuj runacunapaj ñaupapi shayarita? Riqui, pai fichan alpata maita yalishcata!

19 Yalishca jipa llactapuracuna tandanajui callarirca macanajuna runacunahuan, tucui alpa jahuallapi.

20 Paicuna chaupirishca carca; huaquinguna Shizpaj macanajuj runacunapaman calparca, cutishujcuna Coriántumrpaj macanajuj runacunapaman calparca.

21 Shina jatun unaipacha macanajui carca, shina unaipacha cashcarca ricuna yahuar jichai, huañuchishpa tucuchina, tucui alpa jahualla quilpashca carca huañushca cuerpocunahuan.

22 Shina ñapash, utsialla carca macanajui pipash na tiarca huañushcata pambangapa, ashtahuangari rinajurca yahuar jichaimanda shuj yahuar jichaiman, cuerpocunata saquishpa jaricunapaj, huarmicunapaj, huahuacunapajpash alpa jahuallapi shitashpa, micunaman tigrachun aicha jurucunapa.

23 Ashnai tucui alpa jahuaman rirca, tucui alpa jahuallaman; chaimanda llactapuracunapaj llaquiman tigrarca tutai punlla, ashnaimanda.

24 Shina cashpapash, Shiz na saquirca Coriántumrta catita; pai jurashca carca shinallata rurangapa Coriántumrta paipaj huauquipaj yahuarmanda, pimi huañuchishca carca, Apunchijpaj shimi Éterpaman chayamushca carca Coriántumr na urmashca cagrijta espadahuan.

25 Shina ñucanchi ricunchi Apunchij paicunata ricuj shamun paipaj tucuilla fiñaipi, paicunapaj na ali ruraicuna, millanayaicuna preparashca carca shuj ñanda paicunapa mana tucurina tucuchinata.

26 Yalishca jipa Shiz Coriántumrta catirca indi llujshij ladoman, manñacunaman jatun mama cocha pataman, Shiz-huan macanajurca quimsa punllacunata.

27 Shina manllanayai tucuri carca Shizpaj macanajuj runacunahuan, llactapuracuna manllaita chari callarirca, calpai callarirca Coriántumrpaj macanajuj runacunapaj ñaupamanda; paicuna calparca Corihorpaj alpaman, tucuchitapacha tucuchirca causajcunata paicunapaj ñaupapi, tucuilla paicunahuan na tandanajungapa munarca.

28 Paicuna shayachirca paicunapaj facha huasicunata Corihorpaj pugru pambapi; Coriántumr paipaj facha huasicunata Shurrpaj pugru pambapi shayachirca. Cunan Shurrpaj pugru pamba Comnor uchilla urcu ladopi carca; chaimanda, Coriántumr paipaj macanajuj runacunata tandachirca Comnor uchilla urcupi, uyachirca shuj trompetata Shizpaj macanajuj runacunaman cumbidangapa paicunata macanajungapa shamuchun.

29 Yalishca jipa paicuna shamurca, ashtahuangari cutin tigrachi tucurca; paicuna ishcai viaje shamurca, paicuna cutin tigrachi tucurca ishcai viaje. Yalishca jipa paicuna cutin shamurca quimsa viaje, macanajui ninan manllanayaiman tigrarca.

30 Yalishca jipa Shiz Coriántumrta chugrichirca ashtaca ucuman chugrichirca, Coriántumr, paipaj yahuarta jichashcamanda, juizu chingarca, apashca carca huañushcatashna.

31 Cunan chingaita runacunapaj, huarmicunapaj, huahuacunapash ishcandi ladomanda jatun carca shinamanda Shiz mandarca paipaj llactapuracunata ama catichun Coriántumrpaj macanajuj runacunata; chaimanda, paicunapaj causanaman tigrarca.