1 Ma o lenei o a’u, o Moronae, ou te faasolo ina faaiu la’u talafaamaumau e uiga i le faaumatiaga o le nuu o ē ua ou tusiaina.

2 Auā faauta, sa latou teena upu uma a Eteru; auā sa ia ta’u tonu atu lava ia te i latou e uiga i mea uma, mai le amataga o tagata; ma e faapea ina ua uma ona ^amaui atu o le vai mai luga o lenei laueleele sa avea ma laueleele silisili ona lelei nai lo isi laueleele uma, o se laueleele filifilia o le Alii; o le mea lea ua finagalo ai le Alii ia ^eauauna atu ia te ia tagata uma o ē o nonofo ai;

3 Ma o le nofoaga lea o le ^aIerusalema Fou, lea o le a ^ealu ifo mai le lagi, ma o le afioaga paia lea o le Alii.

4 Faauta, sa vaai Eteru i aso o Keriso, ma sa ia tautala e uiga i se ^aIerusalema Fou i luga o lenei laueleele.

5 Ma sa ia tautala foi e uiga i le aiga o Isaraelu, ma le ^aIerusalema lea o le a sau ai ^eLiae—e faapea a uma ona faaumatiaina o le a toe atia’e, e avea o se ⁱaai paia i le Alii; o le mea lea, e le mafai ai ona avea ma se Ierusalema fou ona sa i ai i se taimi anamua; ae o le a toe atia’e, ma avea o se aai paia i le Alii; ma o le a atia’e mo le aiga o Isaraelu—

6 Ma e faapea o le a atia’e se ^aIerusalema Fou i luga o le laueleele lenei, mo le vaega o totoe o le fanau a ^eIosefa, o ni mea ua i ai se ⁱfaatusa.

7 Auā e pei ona aumai e Iosefa lona tamā i le laueleele o ^aAikupito, sa faapea lava ona maliu ai o ia iina; o le mea lea, na aumai ai e le Alii mai le laueleele o Ierusalema se vaega o totoe o le fanauga a Iosefa, ina ia alofa mutimutivale o ia i le fanau a Iosefa ina ia latou le ^efano, e pei ona ia alofa mutimutivale i le tamā o Iosefa ina ia le fano o ia.

8 O le mea lea, o le a atia’e i luga o le ^alaueleele lenei le vaega o totoe o le aiga o Iosefa; ma o le a avea o se laueleele o lo latou tofi; ma o le a latou atia’e se aai paia i le Alii, e pei o le Ierusalema tuai; ma o le a ^ele toe faafememea’iina i latou, seia o’o mai le iuga pe a mavae atu le lalolagi.

9 Ma o le a i ai se lagi ^afou ma se lalolagi fou; ma o le a pei o le lagi tuai ma le lalolagi tuai vagana ai o mea tuai ua mavae atu, ma ua faafouina mea uma.

10 Ma ona oo mai ai lea o le Ierusalema Fou; ma amuia lava i latou o ē e nonofo ai, auā o i latou ia o ē ua ^asinasina o latou ofu i le toto o le Tamai Mamoe; ma o i latou ia o ē ua faitauina i totonu o le vaega o totoe o le fanau a Iosefa, o ē o le aiga o Isaraelu.

11 Ma ona oo mai ai foi lea o le Ierusalema tuai; ma ona tagata, amuia lava i latou, ona ua faamamāina i latou i le toto o le Tamai Mamoe; ma o i latou ia o ē sa faataapeape ma ua ^afaapotopoto mai i itu e fa o le lalolagi, ma mai ^eatunuu i matu, ma o ē ua faatofusia i le faataunuuina o le feagaiga lea na faia e le Atua ma lo latou tamā, o ⁱAperaamo.

12 Ma pe a oo mai nei mea, ona faataunuuina ai lea o le mau ua fai mai, e i ai i latou o ē sa ^amuamua, o ē o le a avea ma mulimuli; ma e i ai i latou o ē sa mulimuli, o ē o le a avea ma muamua.

13 Ma sa faapea o le a ou tusi ni isi mea e tele, peitai sa faasaina a’u; ae sa maoae ma ofoofogia lava valoaga a Eteru; peitai sa latou manatu ia te ia o se meanoa, ma tuli ese o ia i fafo; ma sa lafi o ia i le ava o se papa i le ao, ma i le po sa alu atu o ia ma vaai i mea o le a o’o mai i luga o tagata.

14 Ma a’o nofo o ia i le ava o se papa sa ia faamaea le vaega na totoe o lenei talafaamaumau, ma vaai i faafanoga ia na o’o mai i luga o tagata, i le po.

15 Ma sa oo i le tausaga lava lea na tuli ese ai o ia mai totonu o le nuu, sa amata ona tau o se taua tele i totonu o le nuu, ona sa i ai le toatele o ē na tutulai a’e, o ē o ni tagata malolosi, ma saili e faaumatia Korianetuma, e ala i a latou fuafuaga faalilolilo o le amioleaga, ia ua uma ona talatala atu.

16 Ma o lenei o Korianetuma, sa a’oa’o ia lava, i tomai uma e uiga i taua ma le atamai uma o le lalolagi, o le mea lea na ia tau ai ma i latou o ē na saili e faaumatia o ia.

17 Peitai, sa le salamo o ia, po o ona atalii aulelei po o ona afafine; po o atalii ma afafine lalelei foi o Ko’oro; po o atalii ma afafine lalelei foi o Kori’oa; ma i se aotelega atoa, sa leai ni atalii ma ni afafine lalelei i luga o le eleele atoa o ē na salamo i a latou agasala.

18 O le mea lea, sa oo i le tausaga muamua na nofo ai Eteru i le ava o se papa, sa i ai le toatele o tagata na fasiotia i le pelu a i latou o ^afaalapotopotoga faalilolilo, o ē na tau e faasaga ia Korianetuma ina ia latou maua le malo.

19 Ma sa oo ina tele ona tau o atalii o Korianetuma ma tele foi lo latou toto na masaa.

20 Ma i le tausaga lona lua na oo mai ai le afioga a le Alii ia Eteru, e tatau ona alu atu o ia ma vavalo atu ia ^aKorianetuma e faapea, afai e salamo o ia, ma lona aiga uma, o le a tuu mai e le Alii ia te ia lona malo ma faasaoina le nuu—

21 A leai o le a faaumatia i latou, ma lona aiga atoa, vagana ai o ia lava. Ma o le a na o ia e ola e vaai i le faataunuuina o valoaga ia ua uma ona fetalai i ai e uiga i se ^atasi nuu o le a latou mauaina le laueleele mo o latou tofi; ma o le a tanumia Korianetuma e i latou; ma o le a faaumatia tagata uma vagana ai ^eKorianetuma.

22 Ma sa oo ina le salamo Korianetuma, po o lona aiga, po o le nuu; ma sa le taofia taua; ma sa latou saili e fasioti Eteru, ae sa sola ese o ia mai o latou luma ma toe lafi i le ava o le papa.

23 Ma sa oo ina tulai mai Sareto, ma ia sii taua atu foi ia Korianetuma; ma sa ia faatoilaloina o ia, sa oo ina ia ave o ia faatagataotaua i le tausaga lona tolu.

24 Ma i le tausaga lona fa, sa faatoilalo ai Sareto e atalii o Korianetuma, ma toe maua mai le malo mo lo latou tamā.

25 O lenei sa amata ona tau se taua i luga o le laueleele atoa, o tagata taitoatasi ma lana vaega e tau mo mea sa ia manao i ai.

26 Ma ua i ai faomea, ma i se aotelega, sa i ai amioleaga uiga eseese uma i luga o le laueleele atoa.

27 Ma sa oo ina matuā ita tele Korianetuma ia Sareto, ma sa ia alu atu faasaga ia te ia ma ana autau e tau ma ia; ma sa latou fetaia’i ma le feitaga’i tele, ma sa latou fetaia’i i le vanu o Kilikala; ma sa matuā tugā tele le taua.

28 Ma sa oo ina tau Sareto ma ia mo le va o aso e tolu. Ma sa oo ina faatoilalo o ia e Korianetuma, ma tuliloa o ia seia oo mai i fanua laugatasi o Heselona.

29 Ma sa oo ina toe tau Sareto ma ia i luga o fanua laugatasi; faauta foi, sa ia faatoilaloina Korianetuma, ma toe tuli mai o ia i tua i le vanu o Kilikala.

30 Ma sa toe tau Korianetuma ma Sareto i le vanu o Kilikala, lea na ia faatoilalo ai Sareto ma fasioti o ia.

31 Ma sa faamanualia e Sareto ia Korianetuma i lona ogavae, lea na le toe alu atu ai o ia e tau mo le va o le lua tausaga, o se taimi lea sa faia ai e tagata uma sa i luga o le laueleele le faamasaaina o le toto, ma sa leai se tasi e taofia i latou.