1 Ma o lenei, o a’u, o Moronae, ua ou tusia upu ia na poloaiina ai a’u, e tusa ma lo’u manatua; ma ua uma ona ou ta’u atu ia te oe mea ia ua ou ^afaamaufaailogaina; o lea aua e te tago i ai ina ia e faaliliuina; ona ua faasaina lena mea ia te oe, vagana ua oo mai le taimi e tatau ai i le poto o le Atua.

2 Faauta foi, atonu o le a mafai ona e maua le avanoa e faaali atu ai papatusi ia te i ^alatou o ē o le a fesoasoani e aumaia lenei galuega;

3 Ma o le a faaali atu i latou i se ^atoatolu e le mana o le Atua; o lea o le a latou ^eiloa ai ma le mautinoa ua ⁱmoni nei mea.

4 Ma o fofoga o ^amolimau e toatolu o le a faamaumaututū ai nei mea; ma o le molimau a le toatolu, ma lenei galuega, lea o le a faaali atu ai le mana o le Atua ma lana afioga foi, lea ua molimau i ai le Tamā, ma le Alo, ma le Agaga Paia—ma o nei mea uma o le a tutulai o se molimau e faasaga i le lalolagi i le aso gataaga.

5 Ma afai e faapea o le a latou salamo ma ^ao mai i le Tamā i le suafa o Iesu, o le a taliaina i latou i le malo o le Atua.

6 Ma o lenei, afai ua leai se pule o ia te a’u mo nei mea, faamasino outou; auā o le a outou iloa ua ia te a’u le pule pe a outou vaai mai ia te a’u, ma o le a tatou tutulai i luma o le Atua i le aso gataaga. Amene.