Tusitusiga Paia
Eteru 1


O Le Tusi a Eteru

O le talafaamaumau o sa Iaretō, na sii mai papatusi e luasefulu ma le fa ia na maua e tagata o Limae i aso o le Tupu o Mosaea.

Mataupu 1

Ua otooto e Moronae tusitusiga a Eteru—Ua faamatala mai le gafa o Eteru—Sa lei faaeseeseina le gagana a sa Iaretō i le Olo o Papelu—Ua folafola mai e le Alii o le a ia taitaia i latou i se laueleele filifilia ma faia i latou ia avea ma se malo tele.

1 Ma o lenei, o a’u, o aMoronae, ou te faaauau e tuu atu se tala e uiga ia i latou o tagata anamua o e na faaumatia e le eaao o le Alii i luga o lenei laueleele i matu.

2 Ma ou te sii mai la’u tala mai papatusi e aluasefulu ma le fa ia na maua e tagata o Limae, lea ua ta’ua o le Tusi a Eteru.

3 Ma ona ua ou manatu o le vaega muamua o lenei talafaamaumau, lea ua tautala e uiga i le foafoaga o le lalolagi, ma Atamu foi, ma o se tala mai lena taimi e oo mai lava i le aolo tele, ma soo se mea na tupu i totonu o le fanauga a tagata seia oo mai i le taimi lena, ua i ai i totonu o tagata Iutaia—

4 O lea ou te le tusia ai mea ia na tutupu mai aaso o Atamu seia oo mai i le taimi lena; ae ua i ai i latou i luga o papatusi; ma o soo se tasi na te mauaina i latou, o ia lava lea o le a i ai le mana e mafai ai ona ia maua o le tala atoa.

5 Ae faauta, ou te le tuuina atu le tala atoa, ae ou te tuuina atu se vaega o le tala, mai le olo seia oo ifo ina faaumatia i latou.

6 Ma i lenei ala ou te tuuina atu ai le tala: O le na tusia lenei talafaamaumau o aEteru, ma o ia o se e tupuga mai ia Korianetoa.

7 O Korianetoa o le atalii o Morona.

8 Ma o Morona o le atalii o Etema.

9 Ma o Etema o le atalii o Asa.

10 Ma o Asa o le atalii o Setu.

11 Ma o Setu o le atalii o Sipelona.

12 Ma o Sipelona o le atalii o Komi.

13 Ma o Komi o le atalii o Korianetumu.

14 Ma o Korianetumu o le atalii o Aminikata.

15 Ma o Aminikata o le atalii o Arona.

16 Ma o Arona o se e tupuga mai ia Hetu, o le atalii ia o Heatoma.

17 Ma o Heatoma o le atalii o Lipi.

18 Ma o Lipi o le atalii o Kiso.

19 Ma o Kiso o le atalii o Koruma.

20 Ma o Koruma o le atalii o Levi.

21 Ma o Levi o le atalii o Kimo.

22 Ma o Kimo o le atalii o Morianetona.

23 Ma o Morianetona o le suli o Ripelakiso.

24 Ma o Ripelakiso o le atalii o Sesa.

25 Ma o Sesa o le atalii o Hetu.

26 Ma o Hetu o le atalii o Komi.

27 Ma o Komi o le atalii o Korianetumu.

28 Ma o Korianetumu o le atalii o Emera.

29 Ma o Emera o le atalii o Omera.

30 Ma o Omera o le atalii o Sule.

31 Ma o Sulē o le atalii o Kipi.

32 Ma o Kipi o le atalii o Oraea, o le atalii lea o Iareto;

33 O aIareto lea na o mai ma lona uso, ma o la’ua aiga, faatasi ma isi ma o latou aiga, mai le olo tele, i le taimi na efaaeseese ai e le Alii le gagana a tagata, ma tauto ai i lona toasa o le a faataapeapeina i latou i iluga o le lalolagi atoa; ma e tusa ma le fetalaiga a le Alii, sa faataapeapeina lava tagata.

34 Ma ona o le auso o Iareto o se tagata tino ese ma malosi, ma o se tagata na alofagia tele e le Alii, sa fai atu Iareto, lona uso, ia te ia: Tagi atu i le Alii, ina ia le faafenumia’ia i tatou e ia ina ia le mafai ona tatou malamalama ia tatou upu.

35 Ma sa oo ina tagi atu le uso o Iareto i le Alii, ma sa agaalofa mai le Alii ia Iareto; o lea na le faaeseeseina ai e ia le gagana a Iareto; ma sa le faafenumia’ia Iareto ma lona uso.

36 Ona fai atu ai lea o Iareto i lona uso: Toe tagi atu i le Alii, ma atonu o le a ia liliu ese ai lona toasa mai ia te i latou o a tatou uo, ina ia le faaeseeseina e ia la latou gagana.

37 Ma sa oo ina tagi atu le uso o Iareto i le Alii, ma sa agaalofa mai le Alii ia la’ua uo, ma o latou aiga foi, sa le faafenumia’ia ai i latou.

38 Ma sa oo ina toe fai atu Iareto i lona uso, e faapea: Alu ma ole atu i le Alii, pe o le a ia tutuli ese i tatou mai le laueleele, ma afai o le a ia tutuli ese i tatou mai le laueleele, tagi atu ia te ia po o fea o le a tatou o i ai. Ma o ai na te iloa ae o le a taitaiina atu i tatou e le Alii i se laueleele ua asilisili ona lelei i luga o le lalolagi atoa? Ma afai e faapea, ia tatou faatuatua i le Alii, ina ia tatou mauaina lena laueleele e fai ma o tatou tofi.

39 Ma sa oo ina tagi atu le uso o Iareto i le Alii e tusa ma le mea na fetalaia mai i le fofoga o Iareto.

40 Ma sa oo ina faafofoga mai le Alii i le uso o Iareto, ma agaalofa mai ia te ia, ma fetalai mai ia te ia:

41 Ina alu ia ma faapotopoto faatasi au lafu manu, o manu po’a ma manu fafine, o ituaiga eseese uma; ma fatu foi o ituaiga eseese uma o le eleele; ma ou aaiga; ma lou uso foi o Iareto, ma lona aiga; ma au euo foi ma o latou aiga, ma uo a Iareto ma o latou aiga.

42 Ma a uma ona e faia lenei mea, ia e aalu atu i luma o i latou i lalo i le vanu lea e i le itu i matu. Ma o iina o le a ou feiloai ai ma oe, ma o le a ou alu atu ai i ou eluma i se laueleele ua isilisili ona lelei i luga o laueleele uma o le lalolagi.

43 Ma o iina o le a ou faamanuia ai oe ma au fanau, ma faatutuina a’e mo a’u mai au fanau, ma mai fanau a lou uso, ma mai ia i latou o e o le a o atu faatasi ma oe, se atunuu tele. Ma o le a leai se atunuu e silisili atu i lo le atunuu lea o le a ou faatuina a’e mo a’u mai lau fanau, i luga o le lalolagi atoa. Ma o le a faapea ona ou faia ia te oe ona o lenei taimi umi ua e tagi mai ai ia te a’u.