Kadehde en meh Welimeno

En wehwehiong wehi koaros, keinek koaros, lokaia koaros, oh aramas koaros, ong me doadoahk wet pahn lellohng: Me Sosep Smith, Jun., me kawehwehdier doadoahk wet, kasalehiongehr kiht pileit kan me koasoiepe wiawiher, me mih ni mwomwen kohl; oh nin duwen tohtohn tehn pileit kan me Sosep Smith kawehwehdier, se doahkehkier peht kan; oh se pil kilangehr lipwen nting kan powe, soahng koaros kasalehda doadoahk en keilahn aio, oh e kaselehda doadoahk en aramas koahiek. Oh met se wiahki aht kadehde ni koasoi mehlel, me Sosep Smith kasalehiong kiht, pwe se kilangehr oh kolehr, oh ese ni mehlel me Sosep Smith alehdier pileit kan me se koasoiahier. Oh se kasalehiong sampah adat akan, pwe en kadehdehiong sampah me se kilangehr pileit ko. Oh se sohte likamw, Koht ketin mwahngih mehlel.