Pwuhk Sarawih kan
Teh Oaralap en Pwuhk en Mormon


Pwuhk en Mormon

Poadoapoad ehu me ntingda sang
Pein Pehn Mormon
nan Pileit akan
me Kohsang ni Pileit en Nihpai kan

Eri, iei met oaralap en poadoapoad en aramas en Nihpai kan, oh pil Mehn Leimen kan—Ntingda ong Mehn Leimen kan, me wia kisehn luhwen peneinei en Israel; oh pil ong mehn Suhs oh Mehn Liki kan—Ntingda sang ni kosonned, oh pil sang ni ngehn en kokohp oh kaudiahl—Ntingdahr oh katengetengpenehr, oh nekineklahr rehn Kauno, pwe re sohte pahn kak ohla—pwe kawehwehpe en kohdo sang ni kisakis oh manaman en Koht—Pein pehn Moronai katengetengpenehr, oh nekineklahr rehn Kauno, pwe en kohdo sang rehn Mehn Liki kan ni ahnsou me pahn koasondi—Kawehwehpehu pahn sang ni kisakis en Koht.

Pil ehu oaralap en poadoapoad me kohsang nan Pwuhk en Ihder, me wia poadepen nein Sared aramas akan, me kohkohla ni ahnsou me Kauno ketin wekidala ahn aramas akan lokaia, ahnsou me irail kaukawada douliko pwe re en kohdahla nanleng—Me pahn kasalehiong luhwen peneinei en Israel soahng kesempwal akan me Kaunoketin wiahiongehr arail pahpa ko; oh pwe irail en ese sapwellimen Kauno inou kan, pwe irail en dehr lekidekla kohkohlahte—Oh me pahn pil kamehlelehiong mehn Suhs oh Mehn Liki kan me Sises iei Krais, Koht Soutuko, me ketin kasalehiong wehi koaros pein ih—Oh met, ma mie sapwung a e pahn wia sapwung en aramas akan; eri, dehr soikala soahng kan sang Koht, pwe kumwail en kak dierek mwakelelkel ni mwoalen kopwung en Krais.

Sosep Smith, Jun, me tepin kawehwehdi sang nan pileit ko ong lokaiahn wai