1 Im kiiō ālikin men kein ke em̧ōj an Jisōs kar ba men kein Eaar tipdiki n̄an jarlepju eo; im Eaar tipdiki men ko otemjej n̄an er, jim̧or ļap im dik.

2 Im Eba: ^aJeje ko rekwōjarjar, ko raar jab pād ippemi, Jema eaar jiron̄ bwe In liwōj n̄an kom̧; bwe eaar ļoļātāt ilo E bwe ren aikuj liwōj n̄an epepen ko tokālik.

3 Im Eaar tipdiki men ko otemjej, em̧ool jān jinoin n̄an iien eo Enaaj itok ilo ^aaiboojoj—aaet, em̧ool men ko otemjej ko renaaj itok ilo mejān laļ, em̧ool m̧ae ^bmen ko kobban ren ōnļo̧k kōn bwil, im laļ en ^clemlem ippān doon āinwōt juon lemlem doulul, im lan̄ ko im laļ renaaj jako;

4 Im em̧ool m̧ae ^araan eo eļap im āliktata, n̄e armej otemjej, im aolep nukwin ko, im laļ ko otemjej im lo ko renaaj ^bjutak im̧aan Anij, n̄an ekajet kōn jerbal ko aer, eļan̄n̄e rej em̧m̧an ak eļan̄n̄e rej nana—

5 Eļan̄n̄e rej em̧m̧an, n̄an ^ajerkakpeje in mour indeeo; im eļan̄n̄e rej naan, n̄an jerkakpeje in mej; ko rej āier wōt juon, juon irājet im eo juon bar irājet, ekkar n̄an tūriam̧okake eo, im ^bjim̧we eo, im ekwōjarjar eo ej ilo Kraist, eo eaar ^cm̧okta jān kar jino in laļ.

6 Im kiiō e jamin kar jeje ilo bok in em̧ool juon ^am̧ōttan bukwi in men ko Jisōs em̧ool eaar katakin n̄an armej ro;

7 A lo ^apileij ko an Nipai ewōr ie eļapļo̧k m̧ōttan in men ko Eaar katakin armej ro.

8 Im men kein Iaar jeje, ko rej m̧ōttan eo edikļo̧k in men ko Eaar katakin armej ro; im Iaar jei n̄an jibadbad in bwe ren maron̄ bar būki tok n̄an armej rein, ^ajān ro riAelōn̄ ko, ekkar n̄an naan ko Jisōs eaar kōnono.

9 Im n̄e renaaj bōk men in, eo ej aorōk bwe ren bōk m̧okta, n̄an mālejjon̄ e aer tōmak, im eļan̄n̄e enaaj āindein bwe ren naaj tōmak men kein innām ^amen ko reļļap naaj kwaļo̧ki n̄an er.

10 Im eļan̄n̄e āindein bwe ren naaj jab tōmak men kein, innām men ko reļļap naaj ^adāpij jān er, n̄an liaakeļo̧k eo aer.

11 Lo, Iaar nan̄in jei, aolep ko kar m̧wijiti ioon pileij ko an Nipai, a Irooj eaar bōbrae e, im ba: Inaaj ^amālejjon̄e tōmak eo an armej ro Aō.

12 Kōn menin n̄a, Mormon, ij jeje men kein ko kar jiron̄ eō jān Irooj. Im kiiō N̄a, Mormon, kōm̧m̧an jem̧ļo̧k in ennaan kein aō, im wōnm̧aanļo̧k n̄an jeje men kein ko kar jiron̄ Eō.

13 Kōn menin, I kōņaan bwe kom̧in lo bwe Irooj em̧ool eaar katakin armej ro, bwe ium̧win tōrean eo jilu raan; im ālikin Eaar ^akwaļo̧k E n̄an er emmakijkij, im eaar ruje ^bpilawā emmakijkij, im kōjeraam̧m̧an e, im leļo̧k e n̄an er.

14 Im ālikin men kein Eaar katakin im jerbal n̄an ro ^anejin jarlepju eo kar kōnono kake, im Eaar ^bkōtļo̧k loer, im raar kōnono n̄an jemāer men ko reļļap im kabwilōn̄lōn̄, em̧ool eļapļo̧k jān men ko Eaar kwaļo̧k n̄an armej ro; im Eaar kōtļo̧k loer bwe ren maron̄ kōnono.

15 Im ālikin men kein ālikin An kar wanlōn̄ļo̧k ilo lan̄—alen kein karuo bwe Ekar kwaļo̧ke n̄an er, im kar ilo̧k n̄an Jemān, ālikin kar ^akōmour aolep aer rinan̄inmej, im aer riakā, im kar kōpeļļo̧k mejān ripilo ro aer im karon̄ļo̧kjeņ lo̧jiln̄in rijarron̄ron̄, im em̧ool kar kōm̧m̧an wāween kōmour otemjeļo̧k ilubwiljier, im kar kōjerkak juon em̧m̧aan jān ro remej, im kar kwaļo̧k An kajoor n̄an er, im kar wanlōn̄ļo̧k n̄an Jemān—

16 Lo, ālikin men kein ilo raan eo ilju bwe jarlepju eo eaar kuktok ippān doon, im raar jim̧or lo im ron̄ rein nejier; aaet, em̧ool ^anin̄nin̄ ro raar kōpeļļo̧k lo̧n̄ier im kōnono men ko rekabwilōn̄lōn̄; im men kein ko raar kōnono kar bōbrae bwe en wōr jabdewōt armej en jei.

17 Im ālikin men kein ^arikaļoor ro Jisōs eaar kāālet raar jino jān iien eo m̧aanļo̧k n̄an ^bpeptaij im n̄an katakin jon̄an lōn̄ in wōt ro itok n̄an er; im jon̄an lōn̄ in wōt kar peptaiji ilo etan Jisōs raar obrak kōn Jetōb Kwōjarjar.

18 Im elōn̄ iaer raar lo im ron̄ men ko epen kōnono, ko kar ^ajab kōmālim bwe ren jeje.

19 Im raar katakin, im kar jipan̄ doon; im raar men ^aotemjej aer jim̧or ilo ^bejjeļo̧k kalijekļo̧k ilubwiljier, aolep armej m̧akūtkūt jim̧we, juon ippān bar juon.

20 Im ālikin men kein raar kōm̧m̧ani men ko otemjej em̧ool āinwōt Jisōs eaar jiron̄ er.

21 Im er ro raar peptaij ilo etan Jisōs kar kūr er ^akabun̄ eo an Kraist.