1 Im kiiō lo, ij ba n̄an kom̧ bwe n̄e Irooj enaaj lo ekkar, ilo An ļoļātāt, bwe ennaan kein ren naaj ^aitok n̄an ro riAelōn̄ ko ekkar n̄an An innaan, innām kom̧ maron̄ jeļā bwe ^bbujen eo Jemān eaar kōm̧m̧ane ippān ro nejin Israel, kōn jepļaaktok eo aer n̄an āne ko āneen aer jolōt, e dedeļo̧k an jino in kūrm̧ool.

2 Im kom̧ maron̄ jeļā bwe naan ko an Irooj, ko kar kōnono jān rikanaan ro rekwōjarjar, naaj aolep kūrm̧ool; im kom̧ aikuj jab ba bwe Irooj ej ^akarum̧wijļo̧k itok eo An n̄an ro nejin Israel.

3 Im kom̧ aikuj jab ļōmņake ilo būruōmi bwe naan ko kar kōnono rewaan, bwe lo, Irooj enaaj keememej bujen eo An eo Eaar kōm̧m̧an n̄an armej ro An m̧weo im̧ōn Israel.

4 Im n̄e renaaj lo ennaan kein rej waļo̧ktok ilubwiljimi, innām kom̧ aikuj jab ļo̧k wōt kōrraati kōm̧m̧an ko an Irooj, bwe ^ajāje in an ^bekajet ej ilo pein anbwijmaron̄; im lo, ilo raan eo, eļan̄n̄e kom̧ naaj kōrraati kōm̧m̧an ko An Enaaj kōm̧m̧an bwe en naaj bun̄ ioomi.

5 ^aWo n̄an eo ej ^bkōrraat e kōm̧m̧an ko an Irooj; aaet, wo n̄an e eo enaaj ^ckaarmejjete Kraist im jerbal ko An!

6 Aaet, ^awo n̄an e eo enaaj kaarmejjete revelesōn ko an Irooj, im eo enaaj ba Irooj e bōjrak An jerbal kōn revelesōn, ak kōn kanaan, ak kōn mennin ^bletok ko, ak kōn lo ko, ak kōn kōmour ko, ak kōn kajoor eo an Jetōb Kwōjarjar!

7 Aaet, im wo n̄an e eo enaaj ba ilo raan en, n̄an bōk ^aļapļo̧k, bwe ^bejamin wōr mennin bwilōn̄ Jisōs Kraist emaron̄ jerbale; bwe e eo enaaj kōm̧m̧ane men in naaj erom āinwōt eo ^cnejin ko̧kkure, bwe n̄an e ekar ejjeļo̧k tūriam̧o, ekkar n̄an naan eo an Kraist!

8 Aaet, im kom̧ij jab aikuj jab ^aellotaanļo̧k wōt, ak ^bkōrraat, ak kōm̧m̧an ikkure kōn ^cruJu ro, ak jabdewōt iaan ro m̧ōttan in m̧weo im̧ōn Israel; bwe lo, Irooj ej keememej bujen eo An n̄an er, im Enaaj kōm̧m̧an n̄an er ekkar n̄an ta eo Eaar kanejnej.

9 Kōn menin kom̧ij jab aikuj ļōmņak bwe kom̧ maron̄ kajeor pein anbwijmaron̄ in Irooj n̄an anmiin̄, bwe E en maron̄ jab kurm̧ool ekajet n̄an kakūrm̧ool bujen eo Eaar kōm̧m̧ane n̄an m̧weo im̧ōn Israel.