1 Kom̧in eo̧ron̄, O kom̧ ro riAelōn̄ ko, im ron̄jaki naan ko an Jisōs Kraist, eo Nejin Anij emour, eo Eaar ^ajiron̄ eō bwe in kōnono kōn kom̧, bwe, lo Eaar jiron̄ eō bwe in jeje, im ba:

2 Kom̧in eļļo̧k, aolep kom̧ ro ^ariAelōn̄ ko, jān iaļ ko renana ami; im ^bukeļo̧k jān jerbal in ļōn̄ ko ami, im riab ko im m̧oņ ko ami, im jān kanejnej ittino ko ami, im jān anij waan ko ami, im uror ko ami, im priestcraft ko ami, im ebbanban ko ami, im juunm̧aad ko ami, im jān ami nana ko im kajjōjō otemjeļo̧k, im itok n̄an Eō, im peptaij ilo Eta, bwe kom̧in maron̄ bōk juon jeorļo̧k in jero̧wiwi ko ami, im obrak kōn Jetōb Kwōjarjar, bwe kom̧in maron̄ ^cbōnbōn ippān armej ro Aō ro rej jān m̧weo im̧ōn Israel.