Jebta 22
Ilo raan ko āliktata, Zaion im dumej ko an renaaj jutak, im Israel naaj aintok ilo tūriam̧o im meoeo—Renaaj anjo̧—Keidi Aiseia 54. Iturinļo̧k Ā.K. 34.
1 Innām men eo kar jeje enaaj kūrm̧ool: Kwōn al, O kwowar, kwe eo kwaar jab keotak; kwōn n̄irļo̧k ilo aal, im lam̧ōj, kwe eo kar jab en̄taan kōn ajri; bwe elōn̄ļo̧k ro nejin jojoļāār jān lio ewōr pāleen, Irooj ej ba.
2 Kwōn kōļapļo̧k jikin em̧ nuknuk eo am, im kōtļo̧k bwe ren erļo̧keļo̧k penjān ko an ijoko jikūm̧; kwōn jab bōbrae, kaetokļo̧k to ko im kōkajoorļo̧k astake ko am;
3 Bwe kwōnaaj n̄irļo̧k ianbwijmaron̄ im ianmiin̄, im enaaj jolōt e ro ariAelōn̄ ko im kōm̧m̧an bwe jikin ko ejjeļo̧k kobbaer en wōr ie.
4 Kwōn jab lōļn̄o̧n̄, bwe kwōj jamin naaj jook; im jamin naaj pok, bwe kwōj jamin naaj leļo̧k ilo ajook; bwe kwōnaaj jab meļo̧kļo̧k jook in am̧ jo̧dikdik, im naaj jab keememej kauwe in am̧ jo̧dikdik, im naaj jab keememej kauwe in am̧ juon kōrā ejjeļo̧k pāleen ļo̧k wōt.
5 Bwe am̧ Rikōm̧anm̧an, ļeo pāleem̧, Irooj in Inelep ilo etan; im am̧ Ripinmuur, eo Ekwōjarjar in Israel—Anij in aolepān laļ naaj ān̄inn̄in e.
6 Bwe Irooj eaar kūr eok āinwōt kōrā eo eļļo̧k jān e im ebūrom̧ōj ilo jetōb, im juon kōrā pālele in jo̧dikdik, ke kar jab bōk eok, am̧ Anij ej ba.
7 Ilo jidik iien Iaar eļļo̧k jān eok, bwe kōn tūriam̧o ko reļļap Iaar aintok eok.
8 Ilo jidik illu Iaar ņooj turin meja jān eok ium̧win jidik iien, a kōn jouj ejjeļo̧k jem̧ļo̧kin Inaaj atūriam̧okake eok, Irooj am̧ Ripinmuur ej ba.
9 Bwe aen̄in, ej āinwōt bdān ko ilo Noa n̄an Eō, bwe āinwōt Iaar kanejnej bwe dān ko ilo Noa ren jab bar ilo̧k wōt ioon laļ, āindein Iaar kanejnej bwe I jamin naaj illu ippam̧.
10 Bwe atoļ ko renaaj ilo̧k im bat ko naaj kōm̧akūti, a Aō jouj naaj jab bilo̧k jān eok, im jab naaj kōm̧akūt bujen aenōm̧m̧an eo Aō, Irooj eo ewōr an tūriam̧o kōn eok ej ba.
11 O kwe rijorrāān, jeplōklōk kōn lan̄, im jab ineem̧m̧an! Lo, Inaaj likūt adekā ko am̧ kōn mōōr ko rem̧m̧an, im likūt pedped ko kōn sapphire ko.
12 Im Inaaj kōm̧m̧an wūntō ko am̧ jān rupi, im wōrwōr ko am̧ jān carbuncle ko, im tōrerein ko am̧ otemjej kōn dekā ko reaiboojoj.
13 Im aro nejūm̧ otemjej Irooj enaaj katakin er; im eļap naaj aenōm̧m̧an eo an ro nejūm̧.
14 Ilo aweeppān kwōnaaj jutak; kwōnaaj ettoļo̧k jān kōm̧akoko bwe kwōnaaj ban lōļn̄o̧n̄, im jān mijak bwe enaaj jab itok epaak eok.
15 Lo, renaaj kanooj koba ippān doon ņae eok, jaab jān Eō; jabdewōt eo enaaj koba ippān doon ņae eok naaj bun̄ kōn kwe.
16 Lo, Iaar kōm̧anm̧an rijerbal māāl eo ej deele mālle ko ilo kijeek, im ej bōktok juon kein jerbal jān an jerbal; im Iaar kōm̧anm̧an rijerwaan bwe en ko̧kkure.
17 Ejjeļo̧k kein tariņae eo naaj ejaake ņae eok enaaj jeraam̧m̧an; im lo otemjej enaaj ba ņae eok ilo ekajet kwōnaaj liaakeļo̧k. En̄in ej jolōt eo an rijerbal ro an Irooj, im aer weeppān ej jān Eō, Irooj ej ba.