1. E kua akaue iora aia ia ratou kia tata i te tuatua ta te Metua i oronga kia Malaki, e kia akakiteia atu te reira kia ratou. E kia oti i te tataia, kua akamarama atu aia i te reira, E teia te au tuatua tana i akakite atu kia ratou, ka na ko atu ei e, Te teia tuatua maira te Metua kia Malaki, i na e, tono au i taku karere, e nana e akamaka i te mataara na mua iaku, e te Atu ta kotou e kimi nei, ka tae vave mai ïa ki tona ra iero, koia oki te karere o te koreromotu ta kotou e rekareka ana, i na, ka tae mai aia, te tuatua maira Iehova Sabaota ra.

2. Ka tika ra iaai kia akakoromaki i te ra e aere mai ei aia? E koai te ka tu kia mama mai aia ra? Kua aite aia ki te ai a te tama moni ra, e mei te pua a te tama kakau ra.

3. Ka noo mai aia mei te tama i te ario ra, ka akameitaki aia i te au tamariki a Levi, e ka tama aia ia ratou mei te auro, e mei te ario ra, kia apai ratou i te atinga tuatua tika ki te Atu ra.

4. Ei reira e riro ei te atinga a Iuda, e ta Ierusalema ei mea mareka na te Atu, mei tei te au ra taito ra, e mei tei te au mataiti i muatangana ra.

5. E akavaitata atura au ia kotou i te akavaanga, e riro oki au ei kite viviki ki runga i te aronga purepure, e ki runga i te aronga akaturi, e ki runga i te aronga taputou pikikaa, e ki runga i te aronga tei akangere i tei ouia ra i tana tutaki, te vaine takaua, e te matiroeroe, e tei ruri ke atu i te tangata ke i tana, e tei kore i mataku mai iaku, te tuatua maira a Iehova Sabaota ra.

6. No te mea, ko te Atu au, kare au e tuke ke, no reira kotou, e te au tamariki a Iakoba, i kore ei i pou.

7. Mei te au ra maira oki o to kotou ai Metua ra, to kotou ariu ke anga i taku ra au akonoanga, e kare i tāpū i te reira. E ariu mai kotou kiaku, e naku e ariu atu kia kotou, te tuatua maira Iehova Sabaota ra. Te tuatua mai nei ra kotou e, E oki matou ki te aa?

8. E keia ainei te tangata i ta te Atua? Kua keia maira kotou iaku ra. Te karanga nei ra kotou, I keia matou ia koe i te aa? I te ngauruanga o te apinga e te au atinga.

9. Kua taumaaia kotou ki te taumaa, no te mea, kua keia anake kotou te enua katoatoa, iaku.

10. Ka apai mai ana kotou i te ngauruanga o te au apinga ravarai ki roto i te are vairanga, kia māngaia toku are nei, ei timata anga te reira iaku nei i tenana, te tuatua maira Iehova Sabaota ra, te tuatua maira Iehova Sabaota ra, i te kore anga au e kiriti i te au maramarama o te rangi, ka riringi atu ei i te apinga e maata ua atu, kare e ngai e ō ei, ei meitaki no kotou.

11. E no kotou i akamura atu ei au. i te angela takore, e auraka aia e kai i te manga o to kotou enua, e kare oki ta kotou vine i roto i te kainga e ua mai i mua ake i tona tuatau, te tuatua maira a Iehova Sabaota ra.

12. Ka tuatuaia oki e te pa enua katoa, ka kotou tei meitaki, e riro oki kotou ei enua inangaroia, te tuatua maira Iehova Sabaota ra.

13. E tuatua marokiakia ta kotou iaku nei, te tuatua maira Iehova Sabaota. E te tuatua maira kotou e, Eaa ra ta matou tuatua ia koe?

14. Kua karanga kotou e, E mea puapinga kore te akamori atu i te Atua e eaa ta tatou puapinga i te akono anga i tana au akonoanga, e ko tatou i aaere ma te aue ki mua i te aroaro o Iehova Sabaota ra?

15. E tenana te karanga ra tatou i te aronga ngakau parau ra ko tei meitaki ïa, e te aronga i rave i te kino ra, tei akateiteiia ïa, e te aronga e akakoko i te Atua ra, kua oro ïa.

16. I reira te aronga i mataku ia Iehova i te tuatua putuputu anga tetai ki tetai, e kua akarongo maira Iehova, e kua kite e, kua tataia iora tetai puka manako anga ki mua iaia, no te aronga e mataku ia Iehova, e i tona ra ingoa.

17. E ka riro ratou noku, te tuatua maira Iehova Sabaota ra i te ra e akaputuputu ei au i taku au apinga meitaki rava ra, e naku e akaperepere ia ratou, mei te tangata e akaperepere i tana uaorai tamaiti tei tavini atu kiaia ra.

18. Ei reira kotou e kite akaou ei i te tuke anga i te tangata tuatua tika e te tangata kino, i te tangata akamori i te Atua, e i tei kore e akamori iaia.