1 Ma o lenei ina ua uma ona faaiuina e Iesu o nei upu sa silasila solo atu ona fofoga i le motu o tagata, ma fetalai atu ia te i latou: Faauta, ua outou faalogo i mea sa ou a’oa’o atu ae ou te lei alu ae i lo’u Tamā; o lea, soo se tasi na te manatuaina a’u upu nei ma ^afaia e ia, o ia lea o le a ou ^efaatuina a’e i le aso gataaga.

2 Ma sa oo ina ua uma ona fetalai atu e Iesu o nei upu sa ia silafia e i ai ni isi i totonu ia te i latou ua ofo, ma manatunatu ifo po o le a lona finagalo e uiga i le ^atulafono a Mose; ona sa latou le malamalama i le upu e faapea ua mavae atu mea tuai, ma ua faafouina mea uma.

3 Ma sa ia fetalai atu ia te i latou: Aua tou te ofo ona ua ou fai atu ia te outou ua mavae atu mea tuai, ma ua faafouina mea uma.

4 Faauta, ou te fai atu ia te outou, ua faataunuuina le ^atulafono lea na tuuina mai ia Mose.

5 Faauta, ^ao A’u o lē na tuuina maia le tulafono, ma o a’u o lē na osifeagaiga ma lo’u nuu o Isaraelu; o lea, ua faataunuuina le tulafono ia te a’u, ona ua ou sau e ^efaataunuu le tulafono; o lea ua iu le tulafono.

6 Faauta, ou te ^alē faaleaogaina perofeta, ona o le tele o valoaga e lei faataunuuina ia te au, e moni ou te fai atu ia te outou, o le a faataunuuina uma lava.

7 Ma ona ua ou fai atu ia te outou ua mavae atu mea tuai, ou te le faaleaogaina ai mea ia ua fetalai i ai e uiga i mea o le a oo mai.

8 Aua faauta, e lei faataunuuina atoatoa le ^afeagaiga lea na ou faia faatasi ma lo’u nuu; ae o le tulafono na tuuina mai ia Mose, ua faaiuina ia te au.

9 Faauta, o A’u o le ^atulafono, ma le ^emalamalama. Ia outou vaavaai mai ia te a’u, ma tumau e oo i le iuga, ma o le a outou ⁱola ai; aua o ia o le e ^otumau e oo i le iuga o le a ou tuuina atu i ai le ola faavavau.

10 Faauta, ua ou tuuina atu ia te outou ^apoloaiga; o lea ia outou tausi i a’u poloaiga. Ma o le tulafono lea ma perofeta, aua ua latou ^emolimau faamaoni ia te a’u.

11 Ma o lenei sa oo ina ua uma ona fetalai atu Iesu o nei upu, sa fetalai atu o ia i le toasefululua o e na ia filifilia:

12 O outou o o’u soo; ma o outou o se malamalama i lenei nuu, o ē o tagata o totoe o le aiga o ^aIosefa.

13 Ma faauta, o le ^alaueleele lenei o lo outou tofi; ma ua tuuina mai e le Tamā ia te outou.

14 Ma e lei i ai lava se taimi na tuuina mai ai e le Tamā se poloaiga ia te a’u ia ou ^ata’u atu lenei mea i o outou uso i Ierusalema.

15 Pe e i ai foi se taimi na tuuina mai ai e le Tamā se poloaiga ia te a’u ia ou ta’u atu ia te i latou e uiga i ^aisi ituaiga o le aiga o Isaraelu, o ē ua taitai ese e le Tamā mai le laueleele.

16 O le tele nei o mea na poloaiina ai a’u e le Tamā, e tatau ona ou ta’u atu ia te i latou:

17 Ua i ai ia te a’u ni isi mamoe ua lē o i lenei lotoa; e ao foi ona ou aumai i latou; ma o le a latou faalogo i lo’u leo; ma o le a tasi le lafu, ma tasi le ^aleoleo mamoe.

18 Ma o lenei, ona o le ua maaa ma le lē talitonu ua latou le ^amalamalama ai i a’u upu; o lea na poloaiina ai a’u ia aua nei ou toe fai atu se upu i le Tamā e uiga i lenei mea ia te i latou.

19 Peitai, e moni, ou te fai atu ia te outou, ua poloaiina a’u e le Tamā, ma ua ou ta’u atu ia te outou, na vavae ese outou mai totonu ia te i latou ona o lo latou amioletonu; o lea ona o lo latou amioletonu ua latou lē iloa ai e uiga ia te outou.

20 Ma e moni, ou te toe fai atu ia te outou ua vavae ese e le Tamā isi ituaiga mai ia te i latou; ma ona o lo latou amioletonu ua latou lē iloa ai e uiga ia te i latou.

21 Ma e moni ou te fai atu ia te outou, o outou ia o ē na ou fai atu ai: Ua ia te a’u ^ani isi mamoe e lē o i lenei lotoa; e ao foi ona ou aumai i latou, ma o le a latou faalogo i lo’u leo; ma o le a tasi le lafu, ma tasi le leoleo mamoe.

22 Ma sa latou lē malamalama ia te au, ona sa latou manatu o i latou ia o ^aNuuese; ona sa latou lē malamalama o le a ^eliua Nuuese e ala i la latou talaiga.

23 Ma sa latou lē malamalama ia te au ina ua ou fai atu o le a faalogo i latou i lo’u leo; ma sa latou lē malamalama mai ia te au o le a leai lava se taimi e faalogo ai ^aNuuese i lo’u leo—o le a ou lē faaalia atu a’u lava ia te i latou vagana ai e ala i le ^eAgaga Paia.

24 Ae faauta, ua outou faalogo uma mai i ^alo’u leo, ma vaai mai ia te au; ma o outou o a’u mamoe, ma ua faitauina outou faatasi ma i latou o ē ua ^etuuina mai e le Tamā ia te au.