1 Faalogo mai ia, E, outou Nuuese e, ma faalogo mai i fetalaiga a Iesu Keriso, le Alo o le Atua soifua, ia ua ia ^apoloaiina ai a’u e tatau ona ou tautala atu ai e uiga ia te outou, aua faauta, ua ia poloaiina a’u ia ou tusi, e faapea:

2 Ia liliu ese, outou uma o ^aNuuese, mai i o outou ala leaga; ma ^esalamo mai i a outou faiga leaga, ma mai i a outou pepelo ma taufaasese, ma mai i a outou faitaaga, ma mai i a outou mea inosia faalilolilo, ma a outou ifoga i tupua, ma mai i lo outou fasioti tagata, ma a outou faitaulaga pepelo, ma a outou mataua, ma a outou finauga, ma mai i a outou amioleaga uma ma mea inosia, ma o mai ia te au, ma ia papatisoina i lo’u igoa, ina ia mafai ona outou maua o se faamagaloga o a outou agasala, ma faatumuina i le Agaga Paia, ina ia ⁱfaitauina outou faatasi ma lo’u nuu o ē o le aiga o Isaraelu.