1 Wachanim cʼut, chitampeʼ lokʼalaj wachalal, ri in quinchʼobo chi qui chomam pa iwanimaʼ chrij ri rajwaxic ri quibano aretak ix oquinak chic pa ri be. Tzare, ¿jasche quichomaj waʼ pa iwanimaʼ?

2 ¿La man quinatajisaj tä chi xinbij chiwe chi aretak i cʼamom chic ri Lokʼalaj Uxlabixel quixcuinic quixchʼawic pa ri qui tzijobal ri angelib? Wacamic cʼut, ¿jas u banic quixcuinic quixchʼawic pa ri qui tzijobal ri angelib we tä ma tä xaʼ rumal ri Lokʼalaj Uxlabixel?

3 Ri angelib quechʼawic rumal ri u cuinem ri Lokʼalaj Uxlabixel, y rumal cʼu riʼ, cäquibij ri u tzij ri Cristo. Rumal waʼ, xinbij chiwe: Chitatabej ri u tzij ri Cristo, rumal kastzij ri u tzij ri Cristo cubij na chiwe ri ix ronojel ri rajwaxic che ri quibano.

4 Wachanim cʼut, cʼäte nu bim we tzij riʼ, we tä man quitatabej taj, are rumal man xita taj, y xukujeʼ man xicʼorcʼot taj che ri u chiʼ ja. Rumal cʼu riʼ, man quixcʼam tä ulok pa sakilal, xane quixcäm na pa kʼekum.

5 Chitampeʼ, quinbij chiwe jun mul chic chi we quixoc pa ri be y quicʼam piwiʼ ri Lokʼalaj Uxlabixel, ri areʼ cucʼut na chiwe ri ix ronojel ri rajwaxic ri quibano.

6 Chitampeʼ, are waʼ ri lokʼalaj tijonem re ri Cristo, y man cäyaʼ tä chic ri u lokʼalaj tijonem cʼä cucʼut rib chiwäch pa tiojilal. Cʼu aretak ri areʼ cucʼut rib chiwäch ri ix pa tiojilal, chinimaj ri jastak ri cubij na chiwe.

7 Wachanim cʼut, ri in, Nefi, man quincuin tä chic quinchʼawic. Ri Uxlabixel cuqʼuis ri nu bixic, cʼu ri in quincanaj can pa bisonem rumal man cäquinimaj tä ri winak, y e itzel, y man cäquetamaj taj, y xak xuwiʼ co ri canimaʼ. Man cäcaj taj cäquitzucuj ri etamabal, mine cäquito taj ri nimalaj noʼjibal. Kʼalaj yaʼom chque, cʼo jacha jun tzij sibalaj kʼalaj.

8 Wachanim, lokʼalaj wachalal, quinwilo chi cʼä quichomaj waʼ pa iwanimaʼ. Cuban cʼäx chwe rumal rajwaxic quinchʼaw chrij we jasäch. We tä quitatabej ri Uxlabixel, ri cutijoj jun achi che ri chʼawem rucʼ ri Dios, quiwetamaj chi rajwaxic quixchʼaw rucʼ ri Dios. Rumal cʼut chi ri itzelalaj uxlabal man cutijoj tä jun achi che ri chʼawem rucʼ ri Dios, xane cutijoj chi man cächʼaw taj rucʼ ri Dios.

9 Tzare chitampeʼ, ri in quinbij chiwe chi rajwaxic quixchʼaw amakʼel rucʼ ri Dios, y man quxtzak taj. Miban majun jasäch chuwäch ri Ajawaxel we tä ma tä nabe quixchʼaw akʼanok rucʼ ri Tataxel pa ri u biʼ ri Cristo, rech cuchʼajchʼobej chiwe ri quibano, rech chi ri quibano cuban utzil che ri iwanimaʼ.