1 Xcʼulmataj cʼut chi ri Kajawal xtzijon rucʼ ri in tat pa jun rachicʼ, y xubij che: At tewichim Lehi, rumal ri a banom. Rumal cʼu at nimanel, y rumal a kʼalajisam chquiwäch we winak ri jastak ri xintako. Chawilampeʼ ri areʼ cäcaj catquicämisaj.

2 Xcʼulmatajic chi ri Kajawal xutak che ri in tat pa rachicʼ chi cäbec rucʼ ri u familia cho ri ulew cätzʼinowic.

3 Xcʼulmataj cʼut chi ri in tat xunimaj ri u tzij ri Kajawal. Rumal riʼ, xuban jas ri xutak ri Kajawal che.

4 Cʼäte riʼ, xel bic cho ri ulew cätzʼinowic. Xuyaʼ can ri rachoch y ri ulew re ri rechbal. Xukujeʼ xuyaʼ can ri u kʼän puak y ri u sak puak y ri u kʼinomal. Xak xuwi xucʼam bic ri u familia, y ri jastak ri rajwaxic chque, y ri u panibal. Xebel bic pa ri ulew cätzʼinowic.

5 Xebopan chuxcut ri ulew ri cʼo chuchiʼ ri quiäk nimalaj jaʼ. Cʼäte riʼ, xbinic rachiʼl u familia pa ri ulew cätzʼinowic chuchiʼ ri quiäk nimalaj jaʼ. Are tak waʼ, ri nu nan, Saría, y ri wätz, ri Lamán ri Lemuel, y ri Sam.

6 Y xcʼulmatajic chi cäte bininak oxib kʼij pa ri ulew cätzʼinowic, ri in tat xucoj u panibal puwiʼ ri ulew pa jun lianic ri cʼo chuchiʼ jun nimaʼ.

7 Xcʼulmatajic chi chilaʼ xulem tak abäj chubanic jun chiʼbal awaj cho ri Dios. Xuporoj jun awaj, y xumaltioxij che ri Dios.

8 Are cʼu ri nimaʼ, ri cäqʼuis pa ri quiäk nimalaj jaʼ, xquiyaʼ Lamán che u biʼ. Cʼu ri lianic xopan cʼä chunakaj ri u qʼuisic ri nimaʼ.

9 Are xril ri in tat ri jaʼ re ri nimaʼ, chi cäqʼuis pa ri quiäk nimalaj jaʼ, xuchʼabej ri Lamán, xubij che: ¡O, we tä at junam rucʼ we nimaʼ riʼ, ri cäbinic ja ri cäpe wi ronojel ri suqʼuilal!

10 Xubij xukujeʼ che ri Lemuel: ¡O we tä at junam rucʼ we lianic riʼ, areʼ sibalaj jekelic, man cäsalab taj chunimaxic ri u takbal ri Kajawal.

11 Jewaʼ xchʼawic rumal chi sibalaj co ri canimaʼ ri Lamán y ri Lemuel. Ri areʼ xewixwit chrij ri in tat rumal rech sibalaj tak jastak, chi areʼ xak jun ilonel che jastak, y chi xeresaj ulok pa ri qui tinimit, Jerusalén. Xukujeʼ xquibij chi xquiyaʼ can ri ulew re ri quechbal, ri qui kʼän puak, ri qui sak puak, y ri jeʼlic jastak quech, rech quecäm pa ri ulew cätzʼinowic. Xquibij chi xubano rumal rech ri moxalaj u chomanic ri ranimaʼ.

12 Are je u sucʼ waʼ, ri Laman y ri Lemuel, ri u nabial, xewixwitic chrij ri qui tat. Xewixwitic rumal man quetaʼm tä ri u cholaj ri jun Dios ri xbanowic.

13 Xukujeʼ man xecojon taj chi ri jun nimalaj tinimit Jerusalén cäsach na u wäch je jas xquibij can nabe ri kʼalajisanelab che ri cäpe na. Xak e junam cucʼ ri aj Judeyib re Jerusalén ri xquitzucuj u cämisaxic ri in tat.

14 Xcʼulmataj chi ri in tat sibalaj xcʼojiʼ ri Uxlabixel rucʼ, y xebuchʼabej rucʼ u chukʼab pa ri lianic re Lemuel. Rumal riʼ, xebirbat chuwäch, xsach chque qui noʼj, y man xquitzelej tä u bixic. Rumal cʼu riʼ, xquinimaj ri u tzij.

15 Pa ri jun kʼij riʼ, ri in tat xcʼojiʼc pa jun panibal.

16 Cʼu ri in, Nefi, cʼä in cʼojol ala, pune nim wakän chic, y sibalaj quinwaj quinwetamaj ri man kʼalajisam tä chi sak rumal ri Dios. Xintzʼonoj che ri Dios, y kas xpe che wilic. Xuchʼuchʼujarisaj ri wanimaʼ, y xincojon che conojel ri tzij ri u tzijom in tat. Rumal waʼ, man xinqʼuex tä nu cʼux che ri in tat je xquiban ri wachalal.

17 Y xinchʼabej ri Sam, xinbij che ronojel ri tzij ri u kʼalajisam chnuwäch ri Kajawal rumal ri Lokʼalaj Uxlabixel. Xbantajic chi ri areʼ xcojon che nu tzij.

18 Tzare ri Lamán y ri Lemuel man xquita taj nu tzij. Xujikʼaj rib ri wanimaʼ, y xintzʼonoj che ri Dios umal quech.

19 Xcʼulmatajic chi ri Kajawal xubij chwe: At tewichim Nefi, rumal rech cʼo a cojobal, y rumal in a siqʼuim rucʼ sacʼajanic y machʼachʼem.

20 Y we canimaj ri nu takbal, carik na utzil y quincʼam na a be cho jun ulew tewichim, jun ulew kas sucʼ nu tasom chawe, jun chaʼom ulew chquixol ri nicʼaj chic.

21 Cʼu ri awätz we catquicʼululaj, quetastaj na cho ri Ajawaxel.

22 We canimaj ri nu takbal, at catux na ri qui nimal y ri ajtij que ri awachalal.

23 Chawilampeʼ, we tä cäpe ri kʼij quecʼululan chwe, quintak na jun cʼäxalaj cʼajisabal wächaj paquiwiʼ, y man quecuin tä na quetakan paquiwiʼ ri awijaʼl, we tä man quecʼululan chwe.

24 Y we ri awijaʼl quecʼululan chwe, ri quijaʼl ri awachalal cäquiban na cʼäx paquiwiʼ, rech quinnataj chque.