1 Im enaaj ālkin men kein, bwe n̄e ro ^ariAelōn̄ ko renaaj eo̧ron̄ Lamb an Anij ilo raan eo Enaaj kwaļo̧k E n̄an er ilo naan, im barāinwōt ilo ^bkajoor, im aolep kōm̧m̧an, ko renaaj bōkļo̧k aolep mennin ^cļōkatip—

2 Im jab kapene burueer ņae Lamb an Anij, renaaj ^abōnbōn ilubwiljin ineen jemam̧; aaet, renaaj bōnbōn ilubwiljin m̧weo im̧ōn Israel; im renaaj juon ^barmej rejeraam̧m̧an ioon āneen kallim̧ur indeeo; rejamin bar bōkļo̧k er n̄an kōm̧akoko tokālik; im m̧weo im̧ōn Israel naaj jamin bar pok.

3 Im ^aron̄ eo eļap, eo kabun̄ eo eļap im kajjojo eaar kūbwiji, eo kar ellolo in devil im ro nejin, bwe en maron̄ tōlļo̧k jetōb ko an armej n̄an hell—aaet, ron̄ eo eļap kar kūbwiji n̄an ko̧kkure armej ro naaj obrak kōn ro raar kūbwiji, n̄an tōn̄tōn̄ in ko̧kkure eo aer, Lamb an Anij ej ba; jab ko̧kkure an jetōb ko aer, jetōb kein naaj joļo̧k er ilo ^bhell eo ejjeļo̧k jem̧ļo̧kin.

4 Bwe lo, men in ej ekkar n̄an kōm̧akoko eo an devil, im barāinwōt jim̧we eo an Anij, ioon aolep ro renaaj jerbal nana im kajjōjō im̧aan Mejān.

5 Im ālikin men kein, enjeļ eo eaar kōnono n̄an eō, Nipai, im ba: Kwaar lo bwe eļan̄n̄e ro riAelōn̄ ko rej ukeļo̧k enaaj em̧m̧an n̄an er; im kwo barāinwōt jeļā kōn bujen ko an Irooj n̄an m̧weo im̧ōn Israel; im kwaar barāinwōt ron̄ bwe jabdewōt eo ^aejjab ukeļo̧k aikuj jako.

6 Kōn menin, ^awo n̄an ro riAelōn̄ ko bwe enaaj āindein n̄e rej kapene burueer ņae Lamb an Anij.

7 Bwe iien eo ej itok, Lamb an Anij ej ba, bwe Inaaj kōm̧m̧ane juon jerbal eļap im ^akabwilōn̄lōn̄ ilubwiljin ro nejin armej; juon jerbal eo naaj n̄an indeeo, ilo juon wāween ak bar jet—ejjab n̄an wōt karreel er n̄an aenōm̧m̧an im ^bmour indeeo, ak bar n̄an kōjo̧o̧r er jān pen in burueer im pilo in ļōmņak ko aer eo naaj bōkļo̧k er n̄an kōm̧akoko, im barāinwōt n̄an jako, ilo kanniōk im jetōb jim̧or, ekkar n̄an ^ckōm̧akoko an devil, eo iaar kōnono kake.

8 Im ālikin men kein, enjeļ eo eaar kōnono naan kein, eaar ba n̄an eō: Kwōj ememej ke ^abujen ko an Jemādwōj n̄an m̧weo im̧ōn Israel? Iaar ba n̄an e, Aaet.

9 Im ālikin men kein, eaar ba n̄an eō: Kwōn reilo̧k, im lo bwe kabun̄ eo eļap im kajjōjō, eo ej jinen kajjōjō otemjeļo̧k, eo eaar lo e ej ^adevil.

10 Im eaar ba n̄an eō: Lo ewōr wōt ^aruo kabun̄ ko; eo juon ej kabun̄ eo an Lamb an Anij, im eo ^bjuon ej kabun̄ eo an devil; kōn menin, jabdewōt eo ej jab pād ilo kabun̄ eo an Lamb an Anij ej pād ilo kabun̄ eo eļap, eo ej jinen kajjōjō otemjeļo̧k; im e ej kōrā eo ^cekijon̄ ilo aolepān laļ.

11 Im ālikin men kein, iaar reilo̧k im lo eo ekijon̄ ilo aolepān laļ, im kōrā in eaar jijet ioon elōn̄ ^adān ko; im ^beaar irooj ioon aolepān laļ, ilubwiljin aolep laļ ko, bwij ko, lo ko, im armej.

12 Im ālikin men kein, iaar lo kabun̄ eo an Lamb an Anij, im oran ro ie eaar ^aiiet, kōn nana im kajjōjō ko an kōrā kijon̄ eo eaar jijet ioon elōn̄ dān ko; mekarta, iaar lo bwe kabun̄ eo an Lamb eo, ro raar ro rekwōjarjar an Anij, eaar barāinwōt ^bkobrak mejān laļ; im tōln̄an ko aer ioon mejān laļ eaar dik, kōn nana eo an kōrā eo ekijon̄ im iaar lo e.

13 Im ālikin men kein, iaar lo bwe eo eļap jinen kajjōjō otemjeļo̧k eaar aintok jarlepju ko ioon mejān aolepān laļ, ilubwiljin aolep laļ ko an ro riAelōn̄ ko, n̄an ^apata ņae Lamb an Anij.

14 Im ālikin men kein, n̄a, Nipai, iaar lo kajoor in Lamb an Anij, bwe ekar bun̄ ioon ro rekwōjarjar jān kabun̄ eo an Lamb eo, im ioon armej in bujen ko an Irooj, ro raar ejjeplōklōk ioon aolepān mejān laļ; im raar pojak kōn jim̧we im kōn ^akajoor in Anij ilo aiboojoj eļap.

15 Im ālikin men kein, iaar lo illu an Anij eaar ^alutōkleplep ioon kabun̄ eo eļap im kajjōjō, jon̄an eaar wōr tariņae ko im naan kōn tariņae ko ilubwiljin aolep ^blaļ ko im bwij ko an laļ.

16 Im ke eaar eaar jino ^atariņae ko im naan kōn tariņae ko ilubwiljin laļ ko raar an eo jinen kajjōjō otemjeļo̧k, enjeļ eo eaar ba kōnono n̄an eō, im ba: Lo, illu an Anij ej ioon eo jinen kōrā kijon̄ ro; im lo, kwōj lo aolep men kein—

17 Im n̄e ^araan eo ej itok im ^billu an Anij ej lutōkleplep ioon eo jinen kōrā kijon̄ ro, eo ej kabun̄ eo eļap im kajjōjō ilo aolepān laļ, eo devil eaar lo e, innām, ilo raan eo, ^cjerbal eo an Jemān naaj ijjino, ilo kōpooj iaļ eo n̄an kakūrm̧ool ^dbujen ko An, ko Eaar kōm̧m̧an ippān armej ro rej jān m̧weo im̧ōn Israel.

18 Im ālikin men kein, enjeļ eo eaar kōnono n̄an eō, im ba: Reilo̧k!

19 Im iaar reilo̧k im lo juon em̧m̧aan, im eaar nuknuk ilo liboror eo emouj.

20 Im enjeļ eo eaar ba n̄an eō: Lo ^ajuon iaan Rijjilōk ro an Lamb eo.

21 Lo, enaaj lo im jei bwe in men kein; aaet, im barāinwōt elōn̄ men ko raar waļo̧k.

22 Im enaaj barāinwōt jeje kōn jem̧ļo̧kin laļ in.

23 Kōn menin, men ko enaaj jei rejim̧we im m̧ool; im lo renaaj jeje ilo ^abok eo kwaar lo e ej waļo̧k tok jān lo̧n̄iin riJu eo; im ilo iien eo raar waļo̧k tok jān lo̧n̄iin riJu eo, ak, ilo iien eo bok eo ej waļo̧k tok jān lo̧n̄iin riJu eo, men ko raar jeje raar alikkar im erreo, im kanooj ^baorōk im pidodo n̄an jeļā an aolep armej.

24 Im lo, men ko im ^arijjilōk in an Lamb eo enaaj jeje rej ko rellōn̄ kwaar loi; im lo, ko jab kwaļo̧ki kwōnaaj loi.

25 A men ko kwōnaaj loi jān kiiō kwōn jab naaj jei; bwe lo Irooj Anij eaar kapit rijjilōk eo an Lamb an Anij bwe en ^ajeje men kein.

26 Im barāinwōt ro jet im raar pād, n̄an er Eaar kwaļo̧k aolep men kein, im raar jei; im rej ^asil n̄an aer waļo̧k tok ilo nememe eo aer, ekkar n̄an m̧ool eo ilo Lamb eo, ilo iien eo ekkar n̄an Irooj, n̄an m̧weo im̧ōn Israel.

27 Im n̄a, Nipai, iaar ron̄ im iaar jeje, bwe etan rijjilōk eo an Lamb eo eaar ^aJon, ekkar n̄an naan eo an enjeļ eo.

28 Im lo, n̄a, Nipai, em̧ōj kōmo̧ik bwe in jeje men ko jet iaar loi im ron̄; kōn menin men ko iaar jei ebwe n̄an eō; im iaar jeje jidikin wōt m̧ōttan men ko iaar loi.

29 Im iaar jeje bwe iaar loi men ko ^ajema eaar loi, im enjeļ in Irooj eaar kwaļo̧k men kein n̄an eō.

30 Im kiiō ij kōm̧m̧an jem̧ļo̧kin kōnono kōn men ko iaar loi ke iaar weaakļo̧k ilo Jetōb; im n̄e aolep men ko iaar loi rejjab jeje, men ko iaar jeje ^arem̧ool. Im āindein men in. Amen.