1 Eo̧ron̄ im ron̄ men in, O m̧weo im̧ōn Jekab, ro ān̄inn̄in er kōn āt eo etan Israel, im ro rej waļo̧ktok jān dān ko i Juda, ak jān dān ko in ^apeptaij, ro rej kanejnej kōn etan Irooj, im kōnono kōn Anij in Israel, mekarta rejjab kanejnej ilo m̧ool ak ilo wānōk.

2 Mekarta, ņa etaer make jikin kwelo̧k ^aekwōjarjar, im jab atartar ioon Anij in Israel, eo E ej Irooj in Inelep eo; aaet, Irooj in Inelep eo ej etan.

3 Lo, Iaar kwaļo̧ki men ko ^aetto jān jinoin; im raar diwōjļo̧k jān lo̧n̄iiū, im Iaar kwaļo̧ki. Iaar kwaļo̧ki ilo jidimkij.

4 Im Iaar kōm̧m̧ane kōnke Iaar jeļā kom̧ ^abōt, im kōnwaam̧ ej juon eke māāl, im dam̧am brass.

5 Im em̧ool jān jinoin Iaar kwaļo̧k n̄an kom̧; m̧okta jān aer waļo̧k Iaar kwaļo̧ki n̄an kom̧; im Iaar kwaļo̧ki bwe ekkōl n̄e kom̧ naaj ba—Aō ^aekjab eaar kōm̧m̧ani, im aō mennin āe, im aō mennin ōnļo̧k eaar jiron̄ er.

6 Kom̧ ar lo im ron̄ aolep men in; im kom̧ ban kwaļo̧ki ke? Im bwe Iaar kwaļo̧k n̄an kom̧ men ko rekāāl jān iien in, em̧ool men ko rettino, im kom̧ ar jab jeļā kaki.

7 Rej ejaak kiiō, im jab jān jinoin, em̧ool m̧okta jān raan eo n̄e kom̧ jamin ron̄ kaki raar kwaļo̧k n̄an kom̧, bwe kom̧in jamin ba—Lo kōm ar jaje kaki.

8 Aaet, im kom̧ ar jab ron̄; aaet, kom̧ ar jab jeļā; aaet, jān iien eo lo̧jiln̄ōmi raar jab peļļo̧k, bwe Ijeļā kom̧ naaj kar kōm̧m̧an ilo kanooj jeļā m̧oņ, im kar ņa etam̧ juon ^ariko̧kkure kien jān jikin nin̄nin̄.

9 Mekarta, kōn aorōkin ^aEta Inaaj kōjelļo̧k Aō illu, im kōn Aō wūjtak Inaaj karum̧wij illu jān kom̧, bwe In jab bukweļo̧k kom̧.

10 Bwe, lo, Iaar liklik kom̧, Iaar kāālet kom̧ ilo upaaj in ^ajorrāān eo.

11 Kōn n̄a, aaet, kōn n̄a Inaaj kōm̧m̧ane men in bwe Ij jamin kōtļo̧k ^aEta n̄an kōnanaiki, im Ij ^bjamin leļo̧k aō aiboojoj n̄an bar juon.

12 Ron̄jake Eō, O Jekab, im Israel aō kāālet, bwe n̄a ej E; n̄a ej ^ajino eo, im n̄a ej barāinwōt jem̧ļo̧k eo.

13 Peiū eaar barāinwōt ^alikūt pedped eo an laļ, im peiū anbwijmaron̄ eaar erļo̧kļo̧k ilo lan̄ ko. Ij kūr n̄an er im rej jutak ippān doon.

14 Kom̧ aolep, kom̧in kuktok, im ron̄jake; wōn ilubwiljimi eaar kwaļo̧k men kein n̄an er? Irooj eaar iakwe e; aaet, im Enaaj ^akakūrm̧ool An in naan eo Eaar kwaļo̧k kōn er; im Enaaj kōm̧m̧ane n̄an kōņaan eo An ioon ^bBabilon, im pein naaj likūt ioon riKaldia.

15 Barāinwōt, Irooj ej ba; n̄a Irooj eo, aaet, Iaar kōnono; aaet, Iaar kūr e n̄an kwaļo̧k, Iaar bōktok e, im enaaj kōm̧m̧an bwe an iaļ en jeraam̧m̧an.

16 Kom̧in itok epaake Eō; Iaar jab kōnono ilo ^aittino; jān jinoin, jān iien eo kar kwaļo̧ke Iaar kōnono; im Irooj Anij, im an Jetōb, eaar jilkintok eō.

17 Im āindein Irooj ej ba, am̧ ^aRipinmuur, Rikwōjarjar in Israel; Iaar jilkinļo̧k e, Irooj am̧ Anij eo ej katakin eok em̧m̧an, eo ej ^btōlļo̧k eok ilo iaļ eo kwōj aikuj ilo̧k, eaar kōm̧m̧ane.

18 O bwe kwōn kar eo̧ron̄ ^akien ko Aō—innām am̧ aenōm̧m̧an naaj kar āinwōt reba, im am̧ wānōk āinwōt ņo ilo lo̧meto.

19 ^aIneem barāinwōt en kar āinwōt bok; im nejūm̧ jān lo̧jiōm̧ āinwōt lādik ko; im Etan eban kar bukweļo̧k ak jorrāān jān Im̧aō.

20 Kwōn ^adiwōjļo̧k jān Babilon, ko jān ro riKaldia, kōn juon ainikien al kwōn kwaļo̧k, ba men in, kōnnaan n̄an jem̧ļo̧kin laļ; kwōn ba: Irooj eaar pinmuur kōn ^bkarejeran Jekab.

21 Im rejjab ^amaro; Eaar tōl er ilubwiljin āne ko rem̧ōrā; Eaar kōm̧m̧an bwe dān ko ren lutōkļo̧k jān ^bdekā eo n̄an er; Eaar kōjepelļo̧k dekā eo im eaar lutōkleplep dān ko.

22 Im men̄e Eaar kōm̧m̧an aolep men in, im ļapļo̧k barāinwōt, ejjeļo̧k ^aaenōm̧m̧an, Irooj ej ba, n̄an ro renana.