Jeje Ko Rekwojarjar
1 Nipai 12


Jebta 12

Nipai ej lo ilo visōn āneen kallim̧ur; wānōk eo, jero̧wiwi, im wōtlo̧k eo an ro ie; itok eo an Lamb an Anij ilubwiljier; wāween an Jon̄oulruo Rikaļoor im Jon̄oulruo Rijjilōk naaj ekajet Israel; im kajjōjō im ettoon eo an ro rej idakunkunļo̧k ilo jab tōmak. Iturinļo̧k 600–592 M.K.

1 Im ālikin men kein, enjeļ eo eaar ba n̄an eō: Kwōn reilo̧k, im lo ineem, im barāinwōt ine eo ineen ro jeiūm̧ im jatūm. Im iaar reilo̧k im lo aāneen kallim̧ur eo; im iaar lo jarlepju ko in armej, aaet, em̧ool āinwōt n̄e eaar oran eaar lōn̄ āinwōt bok in lo̧jet.

2 Im ālikin men kein, iaar lo jarlepju ko raar kuktok ippān doon n̄an tariņae, ippān doon; im iaar lo apata ko, im lo tariņae ko im naan kōn tariņae ko, im eļap mej kōn jāje ilubwiljin armej ro aō.

3 Im ālikin men kein, iaar lo elōn̄ epepen ko raar eļļā, ilo iien eaar lōn̄ tariņae ko im poktak ko ilo āneo; im iaar lo elōn̄ jikin kwelo̧k ko, aaet, em̧ool, elōn̄ iaar jab maron̄ bwini.

4 Im ālikin men kein, iaar lo juon atab in bmarok ioon mejān āneen kallim̧ur eo; im iaar lo jarom ko im iaar ron̄ jourur ko, im m̧akūtkūt laļ ko, im aolep ainikien ko reko̧uwaron̄ron̄; im iaar lo laļ im dekā ko, im raar ijidikdik; im iaar lo toļ ko raar jeepepļo̧k ilo elōn̄ m̧ōttan ko; im iaar lo meļaaj ko an laļ, bwe raar tipdikdik; im iaar lo elōn̄ jikin kwelo̧k ko raar crum̧ļo̧k; im iaar lo elōn̄ raar bwil kōn kijeek; im iaar lo elōn̄ raar wōtlo̧kļo̧k ioon laļ, kōn m̧akūtkūt eo.

5 Im ālikin men kein, ke em̧ōj aō kar aō lo men kein, iaar lo am̧ōto̧dik in marok, bwe eaar eļļāļo̧k jān mejān laļ; im lo, iaar lo jarlepju ko raar jab wōtlo̧k kōn ekajet ko reļļap im kaen̄tanaan an Irooj.

6 Im iaar lo lan̄ ko repeļļo̧k, im aLamb an Anij eaar wanlaļtak jān lan̄; im Eaar wanlaļtak im kwaļo̧k E n̄an er.

7 Im iaar barāinwōt lo im kam̧ool kake bwe Jetōb Kwōjarjar eaar wōtlo̧k ioon ro jet ajon̄oulruo; im raar ekkapit in Anij, im kar kāālet er.

8 Im enjeļ eo eaar kōnono n̄an eō, im ba: Lo rikaļoor ro an Lamb eo, ro kāālet er n̄an jerbal n̄an ineem.

9 Im eaar ba n̄an eō: Kwōj ememej ke arijjilōk ro jon̄oulruo an Lamb eo? Lo er ro renaaj bekajet bwij ko jon̄oulruo in Israel; kōn menin, minister ro jon̄oulruo an ineem naaj bōk ekajet jān er; bwe kwōj jān m̧weo im̧ōn Israel.

10 Im minister rein ajon̄oulruo ro im kwaar lo er naaj ekajet ineem. Im, lo, reweeppān indeeo; bwe kōn tōmak eo aer ilo Lamb an Anij bnuknuk ko aer rej mouj ilo bōtōktōkin.

11 Im enjeļ eo eaar ba n̄an eō: Reilo̧k! Im iaar reilo̧k, im lo ajilu epepen ko raar eļļā ilo jim̧we; im nuknuk ko aer raar mouj āinwōt ko an Lamb an Anij. Im enjeļ eo eaar ba n̄an eō: Rein rej mouj ilo bōtōktōkin Lamb eo, kōn tōmak eo aer ilo E.

12 Im n̄a, Nipai, iaar barāinwōt lo elōn̄ ilo epepen eo kein akāāmen raar eļļā ilo jim̧we.

13 Im ālikin men kein, iaar lo bwe jarlepju ko in laļ kar kuk ippān doon.

14 Im enjeļ eo eaar ba n̄an eō: Lo ineem, im barāinwōt ineen m̧aan ro jeiūm̧.

15 Im ālikin men kein, iaar reilo̧k im lo bwe armej ro iāneo raar kuk ippān doon ilo jarlepju ko aņae ro ineen ļōm̧aro jeiū im jatū; im raar kuktok ippān doon n̄an tariņae.

16 Im enjeļ eo eaar kōnono n̄an eō, im ba: Lo unin dān ko arettoon jemam̧ eaar loi; aaet, em̧ool breba eo eaar kōnono kake; im m̧wilaļ ko ie rej m̧wilaļ ko an chell.

17 Im atab in marok ko rej kapo ko an devil, ko rej bkapiloik māj ko, im kapene būruōn ro nejin armej, im tōlļo̧k er ilo ciaļ ko redepakpak, bwe rej jako im rej jebwābwe.

18 Im am̧weo eļap im kilep, eo jemam̧ eaar lo e, ej bkoļmānļo̧kijeņ waan im cjuwa eo an ro nejin armej. Im juon dron̄ eļap im nana ej ajeje er; aaet, em̧ool naan in ejim̧we eo an Anij Indeeo, im Messaia eo ej Lamb an Anij, eo Jetōb Kwōjarjar ej kam̧ool kōn E, jān jinoin laļ n̄an iien in, im jān iien in m̧aanļo̧k im indeeo.

19 Im ke enjeļ eo eaar kōnono naan kein, iaar reilo̧k im lo bwe ro ineen m̧aan ro jeiū im jatū raar jum̧ae ro ineō, ekkar n̄an naan eo an enjeļ eo; im kōn juwa eo an ineō, im akapo ko an devil, iaar lo bwe ro ineen ro jeiū im jatū raar banjo̧ ioon armej ro jān ineō.

20 Im ālikin men kein, iaar reilo̧k im lo bwe ro ineen m̧aan ro jeiū im jatū raar anjo̧ ioon ro ineō; im raar wōnm̧aanļo̧k ilo jarlepju ko ioon mejān laļ eo.

21 Im iaar lo raar kuk ippān doon ilo elōn̄ jarlepju ko; im iaar lo atariņae ko im naan kōn tariņae ko ilubwiljier; im ilo tariņae ko im naan kōn tariņae ko iaar lo elōn̄ epepen raar eļļā.

22 Im enjeļ eo eaar ba n̄an eō: Lo rein renaaj aidakunkunļo̧k ilo jab tōmak.

23 Im ālikin men kein, iaar lo, ālikin aer kar idakunkunļo̧k ilo jab tōmak raar erom juon armej aemarok, im kajjōjō, im bettoon, obrak kōn cjowan im aolep wāween nana otemjej.