Jebta 9
Nipai ej kōm̧m̧ane ruo m̧ōttan in ļo̧o̧k ko—Kajjojo ļo̧o̧k etan pileij ko an Nipai—Pileij ko reļļapļo̧k ewōr ie bwebwenato in mour jān raan n̄an raan; im ko reddikļo̧k enan̄in aolepāer rej kōn men ko rekwōjarjar. Iturinļo̧k 600–592 M.K.
1 Im aolep men kein jema eaar loi, im ron̄, im kōnono, ke eaar jokwe ilo juon em̧ kōppād, ilo akom̧laļ in Lemuel, im barāinwōt elōn̄ļo̧k men, ko jab maron̄ jeje ioon pileij kein.
2 Im kiiō, āinwōt iaar kōnono kōn pileij kein, rejjab pileij ko ij kōm̧m̧an bwebwenato eo elikiio kōn armej ro aō; bwe apileij ko ij kōm̧m̧an juon bwebwenato elikiio kōn armej ro aō em̧ōj aō leļo̧k etan Nipai; kōn menin etaer pileij ko an Nipai, ālikin āt eo eta; im pileij kein barāinwōt etaer pileij ko an Nipai.
3 Mekarta, iaar bōk juon kien an Irooj bwe ij aikuj kōm̧m̧ani pileij kein, kōn juon aun bwe ej aikuj wōr juon bwebwenato eo m̧wijiti kōn bjerbal in jetōb ko an armej ro aō.
4 Ilo pileij ko bar jet ij aikuj m̧wijiti bwebwenato in iien irooj ro an kiin̄ ro, im tariņae ko im aitwerōk ko an armej ro aō; kōn menin pileij kein eļap wōt aer kōn jerbal in; im pileij ko ajet eļap wōt aer kōn iien irooj an kiin̄ ro im tariņae im aitwerōk ko an armej ro aō.
5 Kōn menin, Irooj eaar jiron̄ eō bwe in kōm̧m̧ani pileij kein kōn juon aun eo E jeļā kake, un eo ijjab jeļā kake.
6 A Irooj E ajeļā men otemjej jān jinoin; kōn menin, Ej kōpooj e iaļ n̄an kōtōprak aolep jerbal ko An ilubwiljin ro nejin armej; bwe lo, E An aolep bkajoor n̄an kajejjet aolep naan ko An. Im ej āindein. Amen.