1 Bwe lo, ālikin men kein, Irooj eaar kōnono n̄an jema, aaet, ilo juon tōņak, im ba n̄an e: Jeraam̧m̧an n̄an kwe Liai kōn men ko kwaar kōm̧m̧ani; im kōnke kwaar tiljek im kwaļo̧k n̄an armej rein men ko Iaar jiron̄ eok, lo, rej pukot n̄an ^abōk mour eo am̧.

2 Im ālikin men kein, Irooj eaar ^ajiron̄ jema, ilo juon ^btōņak, bwe ej aikuj ^cbōk baam̧le eo an im ilo̧k n̄an āne jem̧aden.

3 Im ālikin men kein, eaar ^apokake naan an Irooj, kōn menin eaar kōm̧m̧an āinwōt Irooj eaar jiron̄ e.

4 Im ālikin men kein, eaar ilo̧k n̄an āne jem̧aden. Im eaar likūt m̧weo im̧ōn, im bwidej in jolōt eo an, im an gold, im an silver, im an mennin aorōk otemjej, im bōk ejjeļo̧k jabdewōt ippān, ijello̧kun wōt baam̧le eo an, im aikuj ko, im im̧ōn kōppād ko, im ^ailo̧k n̄an āne jem̧aden.

5 Im eaar wanlaļtak iturin peļaakin āne ko itōrerein parijet in ^aLom̧aļo Ekilmir; im eaar ito-itak ilo āne jem̧aden ippān baam̧le eo an, eo eaar kobaik jinō, Saraia, im ļōm̧aro rerūtto jeiū, ro raar ^bLeman, Lemuel, im Sam.

6 Im ālikin men kein, eaar ito-itak ālikin jilu raan ilo āne jem̧aden, eaar kajjuur an im̧ōn kōppād ilo juon ^akom̧laļ iturin juon reba in dān.

7 Im ālikin men kein, eaar kalōk juon ^alokatok jān ^bdekā ko, im eaar kōm̧m̧ane juon joortak n̄an Irooj, im leļo̧k ^ckam̧m̧oolol n̄an Irooj ad Anij.

8 Im ālikin men kein, eaar kūr āt eo etan reba eo, Leman, im eaar lutōkļo̧k ilo Lom̧aļo Ekilmir; im kom̧laļ eo eaar pād ilo peļaak ko an āneo iturin peļļo̧k eo ilo reba eo n̄an lo̧jet.

9 Im ke jema eaar lo bwe dān ko ilo reba eo raar lutōkļo̧k ilo unin dān in Lom̧aļo Ekilmir, eaar kōnono n̄an Leman, O bwe kwōn kar āinwōt reba in, lutōkļo̧k wōt ilo unin dān in kwōjarjar!

10 Im eaar barāinwōt kōnono n̄an Lemuel: O bwe kwōn kar āinwōt kom̧laļ in, pen im dim, im ban m̧akūtkūt ilo kōjparok kien ko an Irooj!

11 Kiiō men in eaar kōnono kōnke kijn̄en̄e kōnwaan eo an Leman im Lemuel; bwe lo raar ^alotaan elōn̄ men ņae ^bjemāer, kōnke eaar juon em̧m̧aan in ^cellolo visōn, im eaar tōlļo̧k er jān āneen Jerusalem, n̄an likūt āneen jolōt eo aer, im aer gold, im aer silver, im mennin aorōk ko aer, n̄an mej ilo āne jem̧aden. Im men in raar ba eaar kōm̧m̧ane kōn ļōmņak ko rebwebwe ilo būruōn.

12 Im āindein Leman im Lemuel, ro raar rūtto tata, raar ellotaan ņae jemāer. Im raar ellotaan kōnke raar ^ajab jeļā kōn kōm̧m̧an ko an Anij eo eaar kōm̧anm̧an er.

13 Raar jab bar tōmak bwe Jerusalem, jikin kwelo̧k eo eļap, maron̄ kar ^ako̧kkure ekkar n̄an naan ko an rikanaan ro. Im er raar āinwōt riJu ro im raar pād ilo Jerusalem, ro raar pukot n̄an bōk mour eo an jema.

14 Im ālikin men kein, jema eaar kōnono n̄an er ilo kom̧laļ in Lemuel, kōn ^akajoor, kōn an kar obrak kōn jetōb, m̧ae iien eo ānbwinnier raar ^bwūdiddid im̧aan mejān. Im eaar kōlōļn̄o̧n̄ er, im raar jab maron̄ kōnono jabdewōt ņae e; kōn menin, raar kōm̧m̧an āinwōt eaar jiron̄ er.

15 Im jema eaar jokwe ilo juon im̧ōn kōppād.

16 Im ālikin men kein, n̄a, Nipai, āinwōt ke iaar inono otem inono, mekarta n̄a iaar ļap ilo ānbwin, im barāinwōt ļap aō ikdeelel n̄an jeļā kōn men ko ^arettino an Anij, kōn menin, iaar kūr n̄an Irooj; im lo Eaar ^blotok eō; im Eaar kōm̧m̧an bwe buruō en ^cbārōk bwe in maron̄ ^dtōmak naan ko ^ejema eaar kōnono, kōn menin, iaar jab jum̧ae jema āinwōt ļōm̧aro jeiū.

17 Im iaar kōnono n̄an Sam, im kwaļo̧k n̄an e men ko Irooj eaar kwaļo̧ki n̄an eō kōn Jetōb Kwōjarjar eo An. Im ālikin men kein eaar tōmak naan ko aō.

18 Ak, lo, Leman im Lemuel raar jab eo̧ron̄ naan ko aō; im kōnke iaar ^abūrom̧ōj kōn pen in burueer iaar kūr n̄an Irooj kōn er.

19 Im ālikin men kein, Irooj eaar kōnono n̄an eō, im ba: Jeraam̧m̧an n̄an eok, Nipai, kōn ^atōmak eo am̧, bwe kwaar pukot Eō ilo tiljek, kōn bōro eo ettā.

20 Im jon̄an wōt am̧ kōjparok kien ko Aō, kwōnaaj ^ajeraam̧m̧an, im naaj tōl eok n̄an juon ^bāneen kallim̧ur; aaet, juon āneo Iaar kōpooj n̄an eok; aaet, juon āneo kāālet ilubwiljin āne ko otemjej.

21 Im jon̄an wōt an ro jeiūm̧ m̧aan jum̧ae eok, naaj ^abukweļo̧k er jān im̧aan mejān Irooj.

22 Im jon̄an wōt am̧ naaj kōjparok kien ko Aō, kwōnaaj juon ^arilale im juon rikaki ioon ro jeiūm̧ m̧aan.

23 Bwe lo, ilo raan eo renaaj jum̧ae Eō, Inaaj ^akaliaik er em̧ool kōn juon lia ekōmetak, im enaaj ejjeļo̧k aer maron̄ ioon innām ijello̧kun wōt n̄e renaaj kabun̄pata ņae Eō barāinwōt.

24 Im eļan̄n̄e āindein bwe ineem̧ en kabun̄pata ņae Eō, renaaj juon ^akaen̄tanaan n̄an ineem̧, n̄an ^bļujur er ilo wāween ko n̄an ememļo̧kjeņ.