2. Israel se Uittog vanuit Egipte en Intog in Kanaän

Raämses Israel is uit Egipte gewerp (Ex. 12; Núm. 33:5).

Sukkot Nadat die kinders van Israel hierdie eerste laer verlaat het, het die Here hulle bedags bygestaan in ’n wolkkolom en snags in ’n vuurkolom (Ex. 13:20–22).

Pi-Hágirot Israel het deur die Rooi See getrek (Ex. 14; Núm. 33:8).

Mara Die Here het die waters van Mara genees (Ex. 15:23–26).

Elim Israel het by 12 fonteine laer opgeslaan (Ex. 15:27).

Sinwoestyn Die Here het manna en kwartels gestuur om Israel te voed (Ex. 16).

Ráfidim Israel het teen Ámalek geveg (Ex. 17:8–16).

Berg Sinai (Berg Horeb of Jebel Musa) Die Here het die Tien Gebooie geopenbaar (Ex. 19–20).

Sinaiwoestyn Israel het die tabernakel vervaardig (Ex. 25–30).

Wildernislaers Sewentig ouderlinge is geroep om Moses te help om die volk te regeer (Núm. 11:16–17).

Éseon-Geber Israel het in vrede deur die lande van Esau en Ammon getrek (Deut. 2).

Kades-Barnéa Moses het spioene na die beloofde land gestuur; Israel het gerebelleer en nie die beloofde land binnegegaan nie; Kades het gedien as die hooflaer van Israel vir baie jare (Núm. 13:1–3, 17–33; 14; 32:8; Deut. 2:14).

Oostelike Wildernis Israel het konflik met Edom en Moab vermy (Núm. 20:14–21; 22–24).

Arnon-rivier Israel het die Amoriete wat teen hulle geveg het, vernietig (Deut. 2:24–37).

Berg Nebo Moses het die beloofde land aanskou (Deut. 34:1–4). Moses het sy laaste drie preke gelewer (Deut. 1–32).

Vlaktes van Moab Die Here het vir Israel aangesê om die land te verdeel en die inwoners te verdryf (Núm. 33:50–56).

Jordaanrivier Israel het die Jordaanrivier op droë grond oorgesteek. Naby Gilgal was stene van die bodem van die Jordaanrivier as ’n monument vir die skeiding van die Jordaan se waters geplaas (Jos. 3:1–5:1).

Jérigo Die kinders van Israel het die stad verower en vernietig (Jos. 6).