10. Kanaän in Ou Testamentiese Tye
-
Dan (Lais) Jeróbeam het ’n goue kalf opgerig vir die Noordelike Koninkryk om te aanbid (1 Kon. 12:26–33). Dan was die noordelikste punt van antieke Israel.
-
Berg Karmel Elía het die profete van Baäl uitgedaag en die hemele vir reën geopen (1 Kon. 18:17–46).
-
Megíddo ’n plek van baie veldslae (Rigt. 4:13–16; 5:19; 2 Kon. 23:29; 2 Kron. 35:20–23). Salomo het dwangarbeiders gebruik om Megíddo te herbou (1 Kon. 9:15). Koning Josía van Juda is noodlottig gewond in ’n veldslag teen Farao Nego van Egipte (2 Kon. 23:29–30). Met die Tweede Koms van die Here, sal ’n groot en finale stryd plaasvind in die Jísreël-vallei as deel van die slag van Armagéddon (Joël 3:14; Openb. 16:16; 19:11–21). Die naam Armagéddon is ’n Griekse transliterasie van die Hebreeuse Har Megíddon, of Berg van Megíddo.
-
Jísreël Die naam van ’n stad in die grootste en mees vrugbare vallei van Israel met dieselfde naam. Die konings van die Noordelike Koninkryk het hier ’n paleis gebou (2 Sam. 2:8–9; 1 Kon. 21:1–2). Bose Koningin Isébel het hier gewoon en gesterf (1 Kon. 21; 2 Kon. 9:30).
-
Bet-San Israel het hier teen die Kanaäniete te staan gekom (Jos. 17:12–16). Saul se liggaam is teen die muur van hierdie vesting vasgeslaan (1 Sam. 31:10–13).
-
Dotan Josef is deur sy broers in slawerny verkoop (Gén. 37:17, 28; 45:4). Elísa het ’n visioen van die berg vol perde en strydwaens gehad (2 Kon. 6:12–17).
-
Samaría Die hoofstad van die Noordelike Koninkryk (1 Kon. 16:24–29). Koning Agab rig ’n altaar op vir Baäl (1 Kon. 16:32–33). Elía en Elísa gedien (1 Kon. 18:2; 2 Kon. 6:19–20). In 721 v.C. het die Assiriërs dit verower, en die gevange geneem van die tien stamme voltooi (2 Kon. 18:9–10).
-
Sigem Abraham het ’n altaar gebou (Gén. 12:6–7). Jakob het hier naby gewoon. Símeon en Levi het al die mans in die stad gedood (Gén. 34:25). Josua se aanmoediging om “kies … hierdie dag” om God te dien kom in Sigem (Jos. 24:15). Jeróbeam het die eerste hoofstad van die Noordelike Koninkryk hier gevestig (1 Kon. 12).
-
Berg Ebal en Berg Gerísim Josua het Israel in twee verdeel op hierdie twee berge—die seëninge van die wet is op berg Gerísim verkondig, terwyl die vervloekings vanaf berg Ebal gedoen is (Jos. 8:33). Die Samaritane het later ’n tempel op Gerísim gebou (2 Kon. 17:32–33).
-
Pniël (Pnuel) Hier het Jakob die hele nag met ’n boodskapper van die Here geworstel (Gén. 32:24–32). Gídeon het ’n Midianitiese vesting vernietig (Rigt. 8:5, 8–9).
-
Joppe Jona het van hier na Tarsis gevaar om sy sending na Ninevé te vermy (Jona 1:1–3).
-
Silo Gedurende die tyd van die Rigters was Israel se hoofstad en die tabernakel hier geleë (1 Sam. 4:3–4).
-
Bet-el (Lus) Hier het Abraham van Lot geskei (Gén. 13:1–11) en het ’n visioen gehad (Gén. 13; Abr. 2:19–20). Jakob het ’n visioen van ’n leer wat tot aan die hemel reik, gehad (Gén. 28:10–22). Die tabernakel was vir ’n tyd hier geleë (Rigt. 20:26–28). Jeróbeam het ’n goue kalf vir die Noordelike Koninkryk opgerig om te aanbid (1 Kon. 12:26–33).
-
Gíbeon Hewiete van hier het Josua bedrieg om ’n verbond te sluit (Jos. 9). Die son staan stil terwyl Josua die stryd wen (Jos. 10:2–13). Dit was ook ’n tydelike terrein van die tabernakel (1 Kron. 16:39).
-
Gasa, Asdod, Áskelon, Ekron, Gat (die vyf stede van die Filistyne) Vanuit hierdie stede het die Filistyne gereeld oorlog gevoer teen Israel.
-
Betlehem Ragel is hier naby begrawe (Gén. 35:19). Rut en Boas het hier gewoon (Rut 1:1–2; 2:1, 4). Dit is die stad van Dawid genoem (Lk. 2:4).
-
Hebron Abraham (Gén. 13:18), Isak, Jakob (Gén. 35:27), Dawid (2 Sam. 2:1–4), en Absalom (2 Sam. 15:10) het hier gewoon. Dit was die eerste hoofstad van Juda onder Koning Dawid (2 Sam. 2:11). Daar word geglo dat Abraham, Sara, Isak, Rebekka, Jakob, en Lea hier in die grot van Magpéla begrawe is (Gén. 23:17–20; 49:31, 33).
-
Éngedi Dawid kruip weg vir Saul en spaar Saul se lewe (1 Sam. 23:29–24:22).
-
Gerar Abraham en Isak het vir ’n tyd hier gewoon (Gén. 20–22; 26).
-
Berséba Abraham het hier ’n put gegrawe en ’n verbond gesluit met Abiméleg (Gén. 21:31). Isak sien die Here (Gén. 26:17, 23–24), en Jakob het hier gewoon (Gén. 35:10; 46:1).
-
Sodom en Gomorra Lot het gekies om in Sodom te woon (Gén. 13:11–12; 14:12). God het Sodom en Gomorra vernietig as gevolg van boosheid (Gén. 19:24–26). Jesus het later hierdie stede gebruik as simbole van boosheid (Matt. 10:15).