“Li rajom Li K’utuk jo’ li Kolonel,” Li K’utuk jo’ li Kolonel: Choq’ reheb’ chixjunileb’ li neke’k’utuk sa’ li ochoch ut sa’ li Iglees (2022)
“Li rajom Li K’utuk jo’ li Kolonel,” Li K’utuk jo’ li Kolonel
Li rajom Li K’utuk jo’ li Kolonel
Eb’ li na’leb’ ch’olob’anb’il sa’ li hu a’in neke’ru chixtenq’ankil chixjunileb’ laj k’utunel re li evangelio chi k’utuk jo’ li Kolonel. A’in naraj naxye na’b’ej, yuwa’b’ej, eb’ laj ilol komon winq ut ixq, eb’ li misioneer, eb’ laj k’utunel re seminario ut instituto, ut a’ yaal ani chik li wan xb’oqb’al sa’ li Iglees ut nak’ehe’ xhoonal chi k’utuk.
Naru taatzol li hu a’in aajunes aawib’ malaj taawoksi re aatinak chirix wulak chi k’utuk jo’ jun aj chaab’il k’utunel. Qayehaq, li hu a’in naru na’oksiman sa’eb’ li q’ojyin re junkab’al, ch’utam re awa’b’ejil, ch’utam re li teep malaj li oqech, ch’utam re aj k’utunel re instituto ut seminario, ut sa’eb’ li ch’utam reheb’ laj k’utunel rajlal po (chi’ilmanq “Choq’ reheb’ laj jolominel—Xtenq’ankileb’ laj k’utunel re naq chaab’il te’elq”).
Chan ru k’uub’anb’il li hu a’in
Li raqal 1 naxk’ut chiqu naq aajel ru xk’eeb’al li qilob’aal rik’in li Jesukristo rajlal naq naqak’ut li junjunq chi na’leb’ re lix evangelio. Li raqal a’in naxch’olob’ li naqak’ut.
Li raqal 2 naxk’ut li na’leb’ chirix li k’utuk jo’ li Kristo. Li raqal a’in naxch’olob’ chan ru nokok’utuk.
Li raqal 3 naxk’ut kok’ na’leb’ re xtenq’ankileb’ laj k’utunel chixyu’aminkil li na’leb’ re li k’utuk jo’ li Kristo.
Xtikib’ankil li k’utuk jo’ li Kristo
Eb’ li kaaxukuut a’in neke’xch’olob’eb’ li na’leb’ li neke’k’utman sa’ li hu a’in.