“Lub Hom Phiaj ntawm Kev Qhia Raws Li tus Cawm Seej txoj Kev,” Kev Qhia Raws Li tus Cawm Seej txoj Kev: Rau Tag Nrho cov uas Qhia hauv Tsev thiab hauv lub Koom Txoos (2022)
“Lub Hom Phiaj ntawm Kev Qhia Raws Li tus Cawm Seej txoj Kev,” Kev Qhia Raws Li tus Cawm Seej txoj Kev
Lub Hom Phiaj ntawm Kev Qhia Raws Li tus Cawm Seej txoj Kev
Cov ntsiab cai uas muaj nyob hauv phau ntawv no yuav pab txhua tus uas qhia txoj moo kom lawv qhia raws li tus Cawm Seej txoj kev. Xws li cov niam tsev txiv tsev, cov kwv tij thiab cov viv ncaus uas txhawb pab, cov tub txib ntxhais txib, cov xib hwb qhia seminary thiab institute, thiab leej twg uas muaj ib txoj kev hu hauv lub Koom Txoos uas ua rau lawv muaj cib fim qhia.
Koj kawm tau phau ntawv no koj tus kheej los sis siv kom coj koj txoj kev sib tham nrog lwm tus txog txoj kev ua ib tug neeg txawj qhia zoo dua. Piv txwv hais tias, koj siv tau phau ntawv no nyob hauv tsev neeg hmo ua ke, kev sib ntsib rau pawg thawj tswj hwm, kev sib ntsib rau pawg ntseeg los sis ceg txheem ntseeg pawg sab laj, kev kawm seminary thiab institute kev sib ntsib, thiab kev sib ntsib rau cov xib hwb pawg sab laj (saib “Rau cov Thawj Coj—Kev Pab cov Xib Hwb Qhia Zoo”).
Tau Muab phau Ntawv No Txheeb Zoo Li Cas
Feem 1 qhia tias yuav tsum tsom ntsoov rau Yexus Khetos thaum twg peb qhia tej lub ntsiab cai ntawm Nws txoj moo zoo. Feem no piav txog qhov uas peb qhia dab tsi.
Feem 2 tsom ntsoov rau tej lub ntsiab cai txog kev qhia zoo li Yexus Khetos. Feem no piav txog qhov uas peb qhia zoo li cas.
Feem 3 qhia txog tej lub tswv yim kom pab cov xib hwb paub siv tej lub ntsiab cai ntawm kev qhia zoo li Yexus Khetos.
Zaj Ntsiab Lus txog Kev Qhia Zoo Li Yexus Khetos
Tej daim duab nram qab no yuav qhia ntsiab lus txog tej lub ntsiab cai uas muaj nyob hauv phau ntawv no.