“Na iNaki ni Veivakavulici ena iVakarau ni iVakabula,” Veivakavulici ena iVakarau ni iVakabula: Me Baleti Ira Kece Era Veivakavulici ena Vuvale kei na Lotu (2022)
“Na iNaki ni Veivakavulici ena iVakarau ni iVakabula,” Veivakavulici ena iVakarau ni iVakabula
Na iNaki ni Veivakavulici ena iVakarau ni iVakabula
Na veivakavuvuli era vakamacalataki ena ivurevure oqo sa rawa ni vukei ira kece na qasenivuli ni kosipeli mera veivakatavulici ena ivakarau ni iVakabula. Oqo e oka kina o ira na itubutubu, dauveiqaravi turaga kei na marama, daukaulotu, qasenivuli ni semineri kei na inisitute, kei na dua ga e soli vei ira na madigi me ra veivakavulici
E rawa ni o vulica ga vakai iko na ivurevure oqo se vakayagataka me idusidusi kina veivosaki kei ira na tani me baleta na ivakarau mo qasenivuli vinaka cake kina. Me ivakaraitaki, sa rawa ni vakayagataki na ivurevure oqo ena lotu vakamatavuvale, soqoni ni mataveiliutaki, soqoni ni matabose ni tabanalevu se iteki, soqoni ni semineri kei na inisitute ni veiqaravi, kei na soqoni ni matabose ni qasenivuli (raica na “Me Baleti Ira na iLiuliu—Vukei ira na Qasenivuli mera Rawa-ka”).
Na iVakarau e Tauyavutaki Kina na iVola Oqo
Na iWasewase 1 e vakamatatataka na bibi ni vakanamata vei Jisu Karisito ena veigauna eda vakavulica kina na ivakavuvuli ni Nona kosipeli. Na iwase oqo e vakamacalataka na veika eda vakavulica.
Na iWasewase 2 e vakamatatataka na ivakavuvuli ni veivakatavulici va-Karisito. Na iWasewase oqo e vakamacalataka na ivakarau ni noda veivakavulici .
Na iWasewase 3 e solia na vakatutu me vukei ira na qasenivuli vakayagataka na ivakavuvuli ni veivakavulici va-Karisito.
Laurai Raraba ni Veivakatavulici va-Karisito
Na ituvatuva oqo e vakarautaka e dua na rai vakararaba ni ivakavuvuli e vakavulici ena ivurevure oqo.