Soqoni ni Matabose ni Qasenivuli—Me Baleti Ira na iTubutubu kei na Qasenivuli Kacivi

E dodonu me caka ena vei vula tolu na soqoni ni matabose ni qasenivuli na tabanalevu yadua, vei ira na itubutubu kei na qasenivuli kacivi ena tabanalevu. Ena soqoni oqo, sa rawa nira veivosakitaka na itubutubu kei na qasenivuli tale eso na ivakavuvuli ni veivakatavulici Vakarisito (raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 13.4, 13.5, 17.4, 17.5, Gospel Library).

Na mataqali soqoni ni matabose ni qasenivuli ruarua oqo e dau vakayacori vakavulatolu donuya na 50 na miniti ena gauna ni kalasi na Sigatabu.

Soqoni ni Matabose ni Qasenivuli Baleti Ira na iTubutubu

O Cei e Liutaka na Soqoni Oqo? E dau dua tu ga na lewe ni mataveiliutaki ni Matawilivola ni Sigatabu e liutaka na soqoni ni matabose ni qasenivuli baleti ira na itubutubu Ia, sa rawa ni lesia na matabisopi eso tale na lewe ni tabanalevu me liutaka na soqoni ena so na gauna.

Na matabose ni tabanalevu, ena veivuke ni mataveiliutaki ni Matawilivola ni Sigatabu, e raica raraba na soqoni ni matabose ni qasenivuli baleti ira na itubutubu. Era veivosakitaka vata na gagadre ni itubutubu kei na matavuvale, ka ra cakacaka vata ni navuca na ivakavuvuli cava so mai na Veivakatavulici ena iVakarau ni iVakabula ena sotava vakavinaka na gagadre oya.

O Cei Me na Tiko Kina? Na navuca na matabose ni tabanalevu se mera sureti na itubutubu vakatabakidua se me dolavi raraba vei ira kece ka via vakaitavi.

Gauna Cava sa Dodonu me Vakayacori Kina na Soqoni Oqo? Na soqoni ni matabose ni qasenivuli baleti ira na itubutubu sa rawa ni vakayacori ena dua ga na Sigatabu, me vaka e navuca na matabose ni tabanalevu.

Soqoni ni Matabose ni Qasenivuli baleti Ira na Qasenivuli Kacivi

O Cei e Liutaka na Soqoni Oqo? E dau dua tu ga na lewe ni mataveiliutaki ni Matawilivola ni Sigatabu e liutaka na soqoni ni matabose ni qasenivuli baleti ira na qasenivuli kacivi. Ia, sa rawa ni lesia na matabisopi eso tale na lewe ni tabanalevu me liutaka na soqoni ena so na gauna.

Na matabose ni tabanalevu, ena veivuke ni mataveiliutaki ni Matawilivola ni Sigatabu, e raica raraba na soqoni ni matabose ni qasenivuli baleti ira na qasenivuli kacivi. Era veivosakitaka na gagadre na qasenivuli kei ira na vuli, ka ra cakacaka vata ni navuca na ivakavuvuli cava mai na Veivakatavulici ena iVakarau ni iVakabula e sotava vakavinaka na gagadre oya.

O Cei Me Tiko Kina? O ira kece ka vakatavulica na kuoramu se kalasi ena tabanalevu sa dodonu me tiko ena soqoni ni matabose ni qasenivuli. Sa sureti talega na lewe ni mataveiliutaki ni kuoramu kei na mataisoqosoqo.

Gauna Cava sa Dodonu me Vakayacori Kina na Soqoni Oqo? Era na tiko na qasenivuli ena soqoni ni matabose ni qasenivuli ena Sigatabu era sega ni vakatavulica tiko kina na nodra kalasi tudei.

• Era rawa ni tiko na qasenivuli ni kuoramu ni Matabete, Soqosoqo ni Veivukei, kei na Goneyalewa enai matai se ikatolu ni Sigatabu, me vaka era navuca na iliuliu ni nodra vanua.

• Era rawa ni tiko na qasenivuli ni Matawilivola ni Sigatabu enai karua se ikava ni Sigatabu, me vaka era navuca na iliuliu ni nodra vanua.

• Era rawa ni tiko na qasenivuli ni Lalai ena dua ga na Sigatabu, me vaka e navuca na mataveiliutaki ni Lalai kei na Matawilivola ni Sigatabu. Ke gadrevi tu, e rawa nira soqoni tani na qasenivuli ni Lalai mai na so tale na qasenivuli mera veivosakitaka na gagadre mareqeti ni nodra vakatavulici na gone. E rawa ni yaco oqo ena gauna ni lagasere ni 20 na miniti, ni se bera ni se oti na soqoni tudei ena Sigatabu, se dua tale na siga ena loma ni macawa. E rawa ni vakayacori eso tale na soqoni ni matabose ni qasenivuli vakavulatolu baleti ira na qasenivuli ni Lalai mera kakua ni calata kece kina na kalasi ni Lalai ena macawa vataga. Me kilai: Ke gadrevi tu, na lesia na mataveiliutaki ni Lalai na qasenivuli veisosomitaki eso, kalasi cokovata, se caka ituvatuva tale eso e vakatara na qasenivuli ni Lalai mera tiko ena soqoni ni matabose ni qasenivuli.)

Tuvanaka ni Bose

Soqoni ni matabose ni qasenivuli—baleti ira na itubutubu kei na qasenivuli kacivi—e muria na ituvatuva oqo:

1. Veiwasei ka veivosaki vata (rauta ni 20 na miniti). Sureti ira na itubutubu se qasenivuli mera wasea na ka e cakacaka vinaka tiko nira vakatavulica na kosipeli e vale se ena nodra kalasi. Era rawa talega ni wasea na bolebole era sotava tu se na veika era via vakavinakataka.

2. Vuli vata (rauta ni 15 na miniti). Veivosakitaka kei ira na itubutubu se qasenivuli e dua na ivakavuvuli ena Veivakavulici ena iVakarau ni iVakabula. E rawa talega ni vakayagataki naLako Mai, Mo Muri Au me ivurevure ni veivosaki oqo.

3. Tuvaka ka veisureti (rauta ni 10 na miniti). Sureti ira na itubutubu se qasenivuli mera wasea na ka era sa vulica ena gauna ni soqoni kei na sala era nanuma mera tutaka kina.