iTukutuku mai na Mataveiliutaki Taumada

Taciqu kei na Ganequ Lomani,

Sa dua na madigi lagilagi dina mo vakavulica na kosipeli i Jisu Karisito! Ke tiko, se sega ni tiko e dua na nomu veikacivi vakatabakidua mo veivakavulici, o iko e dua na qasenivuli. Ni ko tisaipeli ni Dau ni iVakavuvuli, o Jisu Karisito, sa nomu na madigi mo wasea na Nona rarama ena vanua cava ga o lako kina—e vale, e valenilotu, ni o veiqaravi vei ira na tani, kei ira na nomu itokani. Me vunautaki na kosipeli sa itavi vakamareqeti. Oqo e dua na tiki bibi ni cakacaka ni Turaga, ka na vinaka duadua ni da cakava ena Nona sala.

Keimami sureti kemuni mo ni vulica e levu tale na ka baleti Jisu Karisito kei na sala a vakavulica kina o Koya na kosipeli. Vulica ena masumasu na Nona vosa, Nona ivalavala, kei na Nona itovo, ka sasagataka mo muri Koya vakavoleka sara. Na veivakavulici ena iVakarau ni iVakabula e rawa ni nomu idusidusi.

Na Mataveiliutaki Taumada