Pagpangita og Solusyon sa Malisod o Makalibog nga mga Tudling sa Kasulatan

Ipatin-aw

Ikaw makasugod niini nga panaghisgotan pinaagi sa pagmatuod sa kamatuoran, gahom, ug kanindot sa pulong sa Dios (tan-awa sa 2 Nephi 32:3; Alma 31:5). Itudlo nga samtang ang mga kasulatan naglangkob sa pulong sa Dios, ingon nga girekord sa pagkakaron sila dili hingpit o walay sayop (tan-awa sa Doktrina ug mga Pakigsaad 1:24; Ether 12:24; Mga Artikulo sa Hugot nga Pagtuo 1:8). Ang mga limitasyon sa pinulongan, mga sayop sa paghubad, ug nawala nga sulod makahimo og resulta diha sa mga tudling nga malisod sa pagsabot. (Tan-awa usab sa “Bible, Inerrancy of” sa Gospel Topics.)

Hatagi ang mga estudyante sa mosunod nga handout, ug sa daklit paghisgot kon unsaon nga ang paghunahuna sa matag pangutana makatabang kon ilang basahon ang makalibog o malisod nga mga tudling sa kasulatan. (Kini nga kahanas sa pagtuon sa kasulatan nagsalig diha sa pagsabot sa uban nga mga kahanas sa pagtuon sama sa “Pagsabot sa mga Kasulatan sa Kinatibuk-ang Kahulogan,” “Pagbasa uban sa Mahangturong Panglantaw,” ug “Pagtimbang-timbang sa Pagkamasaligan nga mga Tinubdan.”)

Mga Pangutana nga Ipangutana kon Inyong Makaplagan nga Makalibog o Malisod ang mga Tudling sa Kasulatan

Kon ikaw makasugat og usa ka makalibog o malisod nga tudling sa kasulatan, hunahunaa ang pagpangutana og usa o sobra pa sa mosunod nga mga pangutana.

• Sa unsa nga paagi nga ang pagbutang niini nga tudling sa kinatibuk-ang kahulogan makatabang? Ang kasulatan sa kasagaran naghatag kanato og mga kultura og kalibotang panglantaw nga hilabihan sa ka lahi gikan sa atong kaugalingon. Kini mahimong sayon ang pagkadili makasabot sa mga kasulatan kon kita napakyas sa pagsabot sa kinatibuk-ang kahulogan sa usa ka tudling. Gamit og mga kapanguhaan sa pagtuon sa kasulatan sa pagtabang.

• Unsa nga impormasyon o mga detaye tingali ang nawala? Ang mga kasulatan dili kompleto nga mga rekord. Ang pipila ka tudling sa kasulatan mahimong nagkulang sa importante nga mga detalye nga, kon nahibaloan, makahimo niini nga mas masayon nga masabtan (tan-awa sa 1 Nephi 13:26–29; Jacob 3:13; Helaman 3:14; 3 Nephi 26:6).

• Unsang dugang nga panabot ang makatabang pinaagi sa paghunahuna sa tudling gikan sa mahangturong panglantaw? Pagmabinantayon mahitungod sa unsang mga panapos ang imong himoon pinasikad sa nag-inusarang tudling sa kasulatan. Paghunahuna mahitungod sa unsa pa ang imong nahibaloan mahitungod sa katawhan, pagtulon-an, o hitabo. Hunahunaa kon unsa ang imo nang nahibaloan mahitungod sa Langitnong Amahan ug sa Iyang plano.

• Sa unsang paagi ang kasaligan ug katuohan nga mga tinubdan makatabang? Ang Dios mao ang atong labing masaligan nga tinubdan. Kon ikaw mag-ampo ngadto Kaniya mahitungod sa makalibog nga mga tudling sa kasulatan, ikaw makadapit sa Iyang Espiritu sa paghatag og dugang nga panabot ug kalinaw. Ang mga kamatuoran nga gitudlo sa ubang mga tudling sa kasulatan ug mga pagtulon-an gikan sa mga propeta sa Dios makagiya usab kanimo. Ang mga ginikanan ug mga lider sa Simbahan ug mga magtutudlo makatabang usab. Ikaw makakaplag og pagtabang gikan sa mga pagmantala sa Simbahan ug ubang katuohan nga mga tinubdan.

Mubo nga Sulat Kon gibati nimo ang kalibog human sa pagsuta niini nga mga pangutana, hinumdomi nga mahimong adunay pipila ka mga tudling sa kasulatan nga dili mapasabot sa pagkakaron. Ikaw mahimo nga kinahanglang mosalig lamang nga sa panahon sa Ginoo, dugang nga kahayag ug kaalam moabot (tan-awa sa Doktrina ug mga Pakigsaad 101:32–34).

Modelo

Pagpili og tudling sa kasulatan gikan sa karong semana nga pagtuon nga ingon og malisod o makasamok ngadto sa imong mga estudyante. Sa daklit ipasabot kon unsaon nimo kaha paggamit ang pipila sa naggiya nga mga pangutana gikan sa handout sa pagsulbad niini nga tudling.

O ikaw makagamit sa 2 Samuel 6:1–7, diin naghatag og istorya kabahin ni Uzza nga naggunit sa arka sa pakigsaad. Ipasabot nga kini nga istorya mahimo nga makasamok alang sa ubang mga tawo tungod kay kini nagpakita nga si Uzza gipatay sa Ginoo tungod sa pagpaninguha nga motabang.

• Sa unsa nga paagi nga ang pagbutang niini nga tudling sa kinatibuk-ang kahulogan makatabang?

  Atong mabasa gikan sa usa ka tabang sa pagtuon sa usa ka kasulatan nga bisan og “ang silot mahimong atong tan-awon nga grabe, … kini kinahanglan gayod nga hinumdoman nga ang Arka usa ka sagradong tipiganan, ug ang mga tawo tataw nga gipahimangnoan nga ang gitudlo lamang nga mga tawo ang makahikap sa Arka, ug gipahimangnoan usab sa mga sangpotanan sa pagkadili masulondon” (Bible dictionary, “Uzza”).

• Unsa nga impormasyon o mga detaye tingali ang nawala?

  Ang mga kasulatan wala magsulti kanato og daghan mahitungod ni Uzza, sa iyang mga tuyo, o sa iyang pagsabot sa mga panudlo sa Ginoo ngadto sa mga Israelite mahitungod sa paghikap sa arka (tan-awa sa Numeros 4:15). Ang istorya wala usab maghatag kanato sa panglantaw sa Ginoo.

• Unsang dugang nga panabot ang makatabang pinaagi sa paghunahuna sa tudling gikan sa mahangturong panglantaw?

  Hunahunaa kon unsay atong nahibaloan mahitungod sa balaang mga kinaiya sa Langitnong Amahan. Kita nahibalo nga ang Dios dili lamang makiangayon apan maloloy-on ug mabination usab (tan-awa sa Moises 7:30). Siya dili molaglag og mga tawo nga walay pahimangno kanila og una (tan-awa sa 2 Nephi 25:9). Isip usa ka mapinanggaong Amahan, ang Iyang tinguha mao ang pagtabang ug pagpanalangin sa Iyang mga anak (tan-awa sa 2 Nephi 26:24). Malagmit nga adunay daghan pa kabahin sa istorya kaysa unsay narekord dinhi niining pipila ka bersikulo.

• Sa unsang paagi ang kasaligan ug katuohan nga mga tinubdan makatabang?

  Ang Ginoo mipasabot ngadto niini nga hitabo sa ulahing adlaw nga pagpadayag sa pagtudlo sa baroganan nga kita kinahanglan nga dili mohatag og sugo (o “motarong sa arka”) ngadto niadtong gitawag sa Dios. Ang Dios nagtudlo og mga propeta ug apostoles sa pagpadayag sa Iyang kabubut-on ug naggiya sa Iyang gingharian dinhi sa yuta (tan-awa sa Doktrina ug mga Pakigsaad 85:6–8).

  Nagpasabot ngadto ni Uzza ug sa arka, si Presidente David O. McKay mitudlo nga adunay kuyaw sa pagsulay sa paggiya o pagkorihir sa buhat sa Ginoo nga walay Iyang awtoridad (tan-awa sa Conference Report, Apr. 1936, 60; tan-awa usab sa Doktrina ug mga Pakigsaad nga Manwal sa Estudyante [2018], 457).

Pagpraktis

Ang mga estudyante makapili og usa ka tudling sa kasulatan nga ilang nakaplagan nga malisod o makalibog. Dapita sila sa paggamit sa handout gikan niini nga leksiyon sa paghisgot (nga nagpares, diha sa gagmay nga mga grupo, o isip usa ka klase) sa mahagitong tudling sa kasulatan. O ikaw makadapit sa mga estudyante sa pagpili og usa sa mga tudling sa ubos nga tun-an.

Dugang nga mga tudling alang sa pagpraktis:

• 2 Mga Hari 2:23–25. Gitunglo ni Eliseo ang pipila ka batan-on, ug mga uso miatake kanila.

• Mateo 15:21–28. Giayo sa Manluluwas ang anak nga babaye sa Canaanhong babaye.

• Mga Buhat 5:1–11. Ananias ug Safira nasakpang namakak ug natumba nga namatay.

• 1 Nephi 4:10–18. Gimandoan si Nephi sa pagpatay ni Laban.

Pagdapit ug Pag-follow Up

Awhaga ang mga estudyante sa paggamit sa mga pangutana diha sa handout sa sunod nga higayon nga sila magtuon og usa ka malisod o makalibog nga tudling sa kasulatan. Pangita alang sa mga oportunidad atol sa mga panaghisgotan sa klase sa pagdapit sa mga estudyante sa paggamit sa mga pangutana kon kamo makasugat og malisod o makalibog nga tudling.