Pagbasa uban sa Mahangturong Panglantaw

Ipatin-aw

Mahimo nimong ipakita ang mosunod nga pamahayag ni Elder Dale G. Renlund:

Ang pagpalungtad og usa ka mahangturong panglantaw nagpasabot nga atong hinumdoman nga ang kinabuhi mas labaw kay sa ania dinhi ug karon, nga ang kinabuhi magpadayon human sa pagkamatay, ug nga ang atong mga pagpili adunay mahangturong mga sangpotanan. (Dale G. Renlund, “Maintaining an Eternal Perspective,” Ensign, Mar. 2014, 58)

Ang paghinumdom kinsa ang Dios ug nga Siya adunay usa ka plano alang sa Iyang tanang mga anak nagtabang kanato sa pagkakita sa Iyang impluwensiya sa mga hitabo ug doktrina nga makaplagan diha sa kasulatan. Ang pagbasa ug pagtuon uban sa mahangturong panglantaw makatabang kanato sa pag-usab (o sa pagtan-aw sa laing paagi) sa mga tudling nga nagpalibog kanato ug makatabang kanato sa pag-angkon og mas lawom nga personal nga panabot ngadto sa ebanghelyo sa Ginoo.

Hunahunaa ang pagbuhat sa mosunod samtang ikaw nagpalambo sa kahanas sa pagtuon uban sa mahangturong panglantaw:

1. Tinguhaa ang tabang sa Espiritu Santo sa pagtan-aw sa mga butang ingon nga ang Ginoo nagtan-aw niini.

2. Usba ang mga tudling ug ang mga pangutana pinasikad diha sa ebanghelyo sa Ginoo ug sa plano ug katuyoan sa Langitnong Amahan alang sa Iyang mga anak. Ikaw makausab pinaagi sa pagpangutana sama niini:

   • Unsa ang ako nang nahibaloan mahitungod sa Langitnong Amahan, sa Iyang plano, ug giunsa Niya sa pagpakigsulti sa Iyang mga anak?

   • Unsa nga mga pagtulon-an sa ebanghelyo ang may kalabotan o naghatag og katin-awan niini nga tudling o hitabo?

   • Unsa ang mahangturong epekto kaha niini nga panghitabo o doktrina aduna?

   • Unsaon kaha sa Dios pagtan-aw niini nga panghitabo o hilisgotan?

Modelo

Pagpakita sa mga bata og hulagway ni Noe og sa arka. Isugyot nga usahay, uban sa atong limitado nga panglantaw, atong mabasa ang mahitungod sa mga hitabo diha sa mga kasulatan nga ingon og mapintas o may dinapigan. Ang pipila ka mambabasa sa Biblia mangutana kon nganong laglagon sa Dios ang daghan kaayo sa Iyang mga anak sa usa ka lunop.

Basaha o i-summarize ang Genesis 6:5–8. (Alang sa tabang sa pagsabot sa bersikulo 6, tan-awa sa Moises 8:25.) I-modelo alang sa mga estudyante kon giunsa sa mga lihok pagsugyot diha sa “Ipatin-aw” nga seksiyon pagtabang kanimo sa pagtan-aw sa tudling uban sa mahangturong panglantaw. Sama pananglit, isugyot nga human sa pag-ampo nga mas masabtan og maayo kini nga panghitabo, mahimo nimo nga usbon ang tudling pinaagi sa paghunahuna sa mga pangutana sama niini:

• Unsa ang ako nang nahibaloan mahitungod sa Langitnong Amahan, sa Iyang plano, ug giunsa Niya sa pagpakigsulti sa Iyang mga anak? (Posible nga tubag: Ako nahibalo nga ang Langitnong Amahan nahigugma sa Iyang mga anak ug nga ang tanan nga Iyang gihimo alang sa kaayohan sa kalibotan [tan-awa sa 2 Nephi 26:24]. Siya usab makiangayon ug naghupot sa iyang mga anak nga may tulubagon alang sa ilang daotang mga lihok.)

• Unsa nga mga pagtulon-an sa ebanghelyo ang may kalabotan o naghatag og katin-awan niini nga tudling o hitabo? (Posible nga tubag: Ang balaod sa hustisya kalabot ngadto niini nga hitabo. Ang matag paghanduraw sa mga kasingkasing sa katawhan daotan [tan-awa sa Genesis 6:5]. Ang mga bata adunay katungod nga ipakatawo ngadto sa mga ginikanan kinsa nagtugot sa kabubut-on ug nagtudlo og kamatuoran [tan-awa sa “Ang Pamilya: Usa ka Pagpadayag ngadto sa Kalibotan,” ChurchofJesusChrist.org]. Ang doktrina sa kinabuhi human sa pagkamatay makatabang usab kanako sa pagsabot niini nga hitabo [tan-awa sa 1 Pedro 3:18–20; Doktrina ug mga Pakigsaad 138:28–34].)

• Unsa ang mahangturong epekto kaha niini nga panghitabo o doktrina aduna? (Posible nga tubag: Bisan tuod daghang mortal nga kasinatian sa mga tawo nahuman og sayo, kadtong natawo human sa Lunop adunay mas maayong higayon sa pagkat-on ug pagsunod sa mga balaod sa Dios.)

• Unsaon kaha sa Dios pagtan-aw niini nga panghitabo o hilisgotan? (Posible nga tubag: Siya mihilak [tan-awa sa Moises 7:28–24]. Nahibalo usab Siya nga ang usa ka lunop maloloy-on ngadto niadtong naghulat nga matawo sa yuta. Ug bisan tuod ang ilang mortal nga mga kinabuhi naputol og sayo, kini maloloy-on usab ngadto niadtong kinsa nangalumos tungod kay sila niana matudloan sa kamatuoran didto sa kalibotan sa espiritu.)

Laing kapilian sa pagmodelo sa kahanas sa pagbasa uban sa mahangturong panglantaw mao ang pagpakita sa bidyo “Examining Question with an Eternal Perspective” (2:56). Kini nga paglarawan sa pag-usab nagmodelo usab sa konsepto sa pag-eksamen sa atong mga panaghap o tinuohang daan.

Pagpraktis

Ang mga estudyante makapraktis niini nga kahanas maggamit og usa ka tudling gikan sa ilang pagtuon karon, o sila makagamit og usa sa mga tudling sa ubos. Dapita sila sa pagtrabaho nga mag-uban sa pagdapit sa Espiritu ug pangutana sa pag-usab sa tudling sa mga paagi nga kalabot ngadto sa plano sa Langitnong Amahan. Dayon paghisgot sa ilang kasinatian.

Dugang nga mga tudling alang sa pagpraktis:

• Genesis 3:9–19 (Si Adan ug si Eva napukan ug nadawat ang sangpotanan tungod sa pagkaon sa gidili nga prutas.)

• Mateo 12:46–50 (Gisultihan si Jesus nga ang Iyang pamilya naghulat sa pagpakigsulti Kaniya.)

• 1 Nephi 4:6–10 (Ang Espiritu nag-aghat ni Nephi sa pagpatay ni Laban.)

• Doktrina ug mga Pakigsaad 121:1–6 (Nag-antos si Joseph sa Bilanggoan sa Liberty ug nangutana sa Ginoo kon nganong dili Siya motabang.)

Pagdapit ug Pag-follow Up

Awhaga ang mga estudyante sa paggamit sa mga baroganan sa pagbasa uban sa mahangturong panglantaw atol sa ilang personal nga pagtuon. Hinumdomi ang pag-follow up ug pagtugot og panahon alang sa mga estudyante sa pagpakigbahin sa ilang mga kasinatian diha sa klase, ug dayon sa pagbalik og usab niini nga kahanas ingon sa gikinahanglan. Mahimo nga ikaw mangita og oportunidad sa tibuok semana sa pag-follow up sa mga estudyante mahitungod sa paggamit niini nga mga baroganan diha sa ilang pagtuon.