« ងាកទៅរកប្រភពដែលបានតែងតំាងដ៏ទេវភាពដើម្បីជួយស្វែងរកចម្លើយ ៖ ប្រភពដែលបានតែងតំាងដ៏ទេវភាពរបស់ព្រះអម្ចាស់ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« ងាកទៅរកប្រភពដែលបានតែងតំាងដ៏ទេវភាពដើម្បីជួយស្វែងរកចម្លើយ ៖ ប្រភពដែលបានតែងតំាងដ៏ទេវភាពរបស់ព្រះអម្ចាស់ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ ៖ មេរៀនទី ១៦៥
ងាកទៅរកប្រភពដែលបានតែងតំាងដ៏ទេវភាពដើម្បីជួយស្វែងរកចម្លើយ
ប្រភពដែលបានតែងតំាងដ៏ទេវភាពរបស់ព្រះអម្ចាស់
ដោយសារយើងរស់នៅក្នុងគ្រាមួយ ដែលមានមនុស្សជាច្រើន « រាប់សេចក្ដីអាក្រក់ថាជាល្អ ហើយសេចក្ដីល្អថាជាអាក្រក់វិញ » ( អេសាយ ៥:២០ ) វាអាចជាការពិបាកក្នុងការស្គាល់សេចក្ដីពិត ។ ទោះជាយ៉ាងណាក៏ដោយ ព្រះវរបិតាសួគ៌ និងព្រះយេស៊ូវគ្រីស្ទ បានប្រទានជំនួយដែលត្រូវការ ។ មេរៀននេះអាចជួយសិស្សឲ្យស្វែងរកសេចក្ដីពិតពីប្រភពដែលព្រះវរបិតាសួគ៌ និងព្រះយេស៊ូវគ្រីស្ទបានប្រទានឲ្យដោយក្ដីស្រឡាញ់ ។
ការរៀបចំសិស្ស ៖ សូមអញ្ជើញសិស្សឲ្យពិចារណាថាតើប្រភពណាដែលពួកគេងាកទៅរក នៅពេលពួកគេមានសំណួរដូចខាងក្រោម ៖ កិច្ចការផ្ទះ ចំណាប់អារម្មណ៍ ឬចំណង់ចំណូលចិត្ត ព្រឹត្តិការណ៍ប្រវត្តិសាស្ត្រ ដំណឹងល្អ និងសាសនាចក្ររបស់ព្រះអង្គសង្គ្រោះ ។ សូមអញ្ជើញពួកគេឲ្យជញ្ជឹងគិតអំពីមូលហេតុដែលពួកគេងាកទៅរកប្រភពដែលពួកគេរកឃើញ ។
សកម្មភាពរៀនសូត្រដែលអាចមាន
តើអ្វីទៅជាការពិត ?
ពិចារណាចាប់ផ្ដើមថ្នាក់ដោយការបង្ហាញវត្ថុ ឬរូបភាពដែលក្លែងក្លាយ ។ ឧទាហរណ៍ អ្នកអាចបង្ហាញរូបភាពនៅក្នុងមេរៀនរបស់អ្នកជិះកង់ និងសត្វខ្លាឃ្មុំ ។ សូមឲ្យសិស្សចែកចាយថាតើពួកគេជឿថារូបភាពនោះពិតឬអត់ ។ បន្ទាប់មក ដាក់បង្ហាញរូបភាពត្រឹមត្រូវដែលបង្ហាញតែអ្នកជិះកង់ប៉ុណ្ណោះ ។
-
តើនៅពេលណាដែលអ្នកបានឃើញ ឬអានអ្វីមួយដែលធ្វើឲ្យអ្នកឆ្ងល់ថាវាជាការពិតឬទេ ?
-
តើអ្វីអាចធ្វើឲ្យពិបាកក្នុងការស្គាល់សេចក្ដីពិតនៅសម័យរបស់យើង ?
តាមរយៈព្យាការីអេសាយ ព្រះអម្ចាស់បានព្រមានអំពីបញ្ហាមួយដែលយើងនឹងប្រឈមមុខនៅជំនាន់របស់យើង ដែលនឹងធ្វើឲ្យវាពិបាកស្គាល់សេចក្តីពិត ។ សូមអាន អេសាយ ៥:២០ ដោយរកមើលអ្វីដែលព្រះអម្ចាស់បានបង្រៀន ។
-
តើអ្នកបានឃើញអ្វីខ្លះដែលសេចក្តីអាក្រក់ហៅថា « សេចក្តីល្អ » ឬអ្វីដែលសេចក្តីល្អហៅថា « សេចក្តីអាក្រក់ » វិញ ?
ដើម្បីបន្ថែមពីលើការពិភាក្សានេះ សូមពិចារណាបង្ហាញ « In Search of Truth » ( ៣:០៣ ) ដែលមាននៅគេហទំព័រ ChurchofJesusChrist.org ចាប់ពីនាទីទី ០:០០ ដល់ ១:២៧ ។ ឬអ្នកអាចអញ្ជើញសិស្សឲ្យអានសេចក្តីថ្លែងការណ៍ខាងក្រោម ដែលមានការបង្រៀនស្រដៀងគ្នា ។ សូមអញ្ជើញសិស្សឲ្យរកមើលហេតុផលបន្ថែមណាមួយដែលវាអាចពិបាកក្នុងការស្គាល់សេចក្តីពិត ។
ដើម្បីជួយយើងឲ្យយល់ពីតម្រូវការនៃការប្រុងប្រយ័ត្ន នៅពេលយល់ដឹងរវាងសេចក្តីពិត និងកំហុស ប្រធាន ដាល្លិន អេក អូក នៃគណៈប្រធានទីមួយបានពន្យល់ ៖
យើងរស់នៅក្នុងជំនាន់ដែលមាននូវព័ត៌មានសម្បូរបែប និងចែកចាយគ្នា ។ ប៉ុន្តែមិនមែនព័ត៌មានទាំងអស់សុទ្ធតែពិតប្រាកដទេ ។ យើងត្រូវតែប្រុងប្រយ័ត្ន នៅពេលយើងស្វែងរកសេចក្ដីពិត និងជ្រើសរើសប្រភពសម្រាប់ការស្រាវជ្រាវនោះ ។ យើងមិនគួរចាត់ទុកប្រជាប្រិយភាព ឬសិទ្ធិអំណាចលោកិយថាជាប្រភពនៃសេចក្ដីពិតដ៏មានគុណភាពឡើយ ។ យើងគួរតែប្រុងប្រយ័ត្នលើការពឹងផ្អែកទៅលើព័ត៌មាន ឬយោបល់ដែលផ្ដល់ឲ្យដោយតារាសម្ដែង អត្តពលករដ៏មានប្រជាប្រិយភាព ឬប្រភពអ៊ីនធឺណិតអនាមិក ។ អ្នកឯកទេសក្នុងជំនាញមួយមិនគួរត្រូវបានចាត់ទុកជាអ្នកឯកទេសក្នុងសេចក្ដីពិតនៃប្រធានបទផ្សេងទៀតទេ ។ ( « Truth and the Plan » Liahona ខែវិច្ឆិកា ឆ្នាំ២០១៨ ទំព័រ ២៥ )
សូមសួរខ្លួនឯងដូចខាងក្រោម ៖
-
តើអ្នកមានទំនុកចិត្តប៉ុនណាចំពោះសមត្ថភាពរបស់អ្នកក្នុងការស្គាល់សេចក្តីពិត ?
-
តើអ្នកអាចទុកចិត្តនរណាដើម្បីផ្តល់ចម្លើយត្រឹមត្រូវដល់អ្នកចំពោះសំណួរដែលទាក់ទងនឹងដំណឹងល្អ និងសាសនាចក្រឬទេ ?
ព្រះវរបិតាសួគ៌ និងព្រះយេស៊ូវគ្រីស្ទស្រឡាញ់យើង ហើយចង់ជួយយើងឲ្យស្គាល់អ្វីដែលពិត និងអ្វីដែលមិនពិត ។ ពេញមួយមេរៀននៅថ្ងៃនេះ សូមយកចិត្តទុកដាក់លើសំឡេងខ្សឹបប្រាប់នៃព្រះវិញ្ញាណ ដើម្បីជួយអ្នកឲ្យស្គាល់ពីអ្វីដែលទ្រង់ទាំងទ្វេបានប្រទានឲ្យយើង ។
ប្រភពដែលបានតែងតាំងដ៏ទេវភាព
សូមអានកថាខណ្ឌទី ១១ និង ១២ នៃផ្នែក « ការទទួលបានចំណេះដឹងខាងវិញ្ញាណ »នៅក្នុង ឯកសារគោលនៃចំណេះចំណានខាងគោលលទ្ធិ ( ឆ្នាំ២០២៣ ) ហើយគូសចំណាំការបង្រៀនដែលអ្នកមានអារម្មណ៍ថាមានសារៈសំខាន់ក្នុងការដឹងនៅពេលស្វែងរកចម្លើយចំពោះសំណួររបស់អ្នក ។
អ្នកអាចអញ្ជើញសិស្សឲ្យចែកចាយជាមួយដៃគូនូវអ្វីដែលពួកគេបានរកឃើញ និងមូលហេតុដែលពួកគេចាត់ទុកថាវាសំខាន់ ។
សូមឲ្យសិស្សសង្ខេបជាមួយមិត្តរួមថ្នាក់ នូវអ្វីដែលពួកគេបានរៀន ។ ពួកគេអាចចែកចាយសេចក្ដីពិតដូចជា ៖
-
ព្រះអម្ចាស់បានប្រទានដល់យើងនូវប្រភពដែលបានតែងតាំងដ៏ទេវភាពដើម្បីជួយយើងស្វែងរកចម្លើយ និងការណែនាំ ។
-
ព្រះអម្ចាស់នឹងជួយយើងឲ្យចេះសង្កេតសេចក្តីពិតពីកំហុស នៅពេលយើងងាកទៅរកប្រភពដែលបានតែងតាំងដ៏ទេវភាព រួមទាំងការស្វែងរកការណែនាំពីព្រះវិញ្ញាណបរិសុទ្ធ ។
-
អ្នកគិតថា ហេតុអ្វីវាសំខាន់ក្នុងការពឹងផ្អែកលើប្រភពដែលបានតែងតាំងដ៏ទេវភាពរបស់ព្រះអម្ចាស់ នៅពេលយើងស្វែងរកចម្លើយចំពោះសំណួររបស់យើង ?
ចេះសង្កេតពីសេចក្តីពិត និងកំហុស
ដើម្បីផ្តល់ឧទាហរណ៍ដល់សិស្សអំពីរបៀបដែលព្រះអម្ចាស់ជួយយើងឲ្យចេះសង្កេតសេចក្តីពិតពីកំហុស អ្នកអាចសិក្សាដំណើររឿងក្នុងព្រះគម្ពីរអំពីសាតាំងប្រឈមមុខនឹងម៉ូសេនៅក្នុង ម៉ូសេ ១ ។ សូមពិចារណាបង្ហាញរូបភាពនៅក្នុងមេរៀនរបស់សាតាំងតទល់នឹងម៉ូសេ ។ សួរសិស្សនូវអ្វីដែលពួកគេដឹង ឬចងចាំអំពីដំណើររឿងនេះ ។
បន្ទាប់ពីម៉ូសេបានទូលទៅកាន់ព្រះប្រទល់មុខ នោះសាតាំងបានមក ហើយព្យាយាមបញ្ឆោតម៉ូសេឲ្យថ្វាយបង្គំវា ( សូមមើល ម៉ូសេ ១:១២ ) ។
សូមពិចារណារៀបចំសិស្សជាគូៗ ។ សិស្សអាចសិក្សាខគម្ពីរខាងក្រោមជាលក្ខណៈបុគ្គល ហើយបន្ទាប់មកចែកចាយគ្នាទៅវិញទៅមកនូវចម្លើយរបស់ពួកគេចំពោះសំណួរខាងក្រោមនេះ ៖
សូមអាន ម៉ូសេ ១:១៣–១៦ ដោយរកមើលរបៀបដែលម៉ូសេអាចចេះសង្កេតរវាងសាតាំង និងព្រះ ។
-
តើអ្នកបានរកឃើញអ្វីខ្លះ ?
-
តើយើងអាចប្រដូចបទពិសោធន៍របស់ម៉ូសេទៅនឹងជីវិតរបស់យើងយ៉ាងដូចម្ដេច នៅពេលយើងជ្រើសរើសប្រភពដើម្បីស្វែងរកសេចក្តីពិត និងចម្លើយចំពោះសំណួររបស់យើង ?
សិស្សអាចនឹងឆ្លើយតបជាមួយនឹងចម្លើយដូចជា ៖ យើងអាចរកឃើញសេចក្តីពិតដោយការគិតអំពីបទពិសោធន៍របស់យើងជាមួយនឹងព្រះ យើងអាចពឹងផ្អែកលើព្រះជាប្រភពនៃសេចក្តីពិតចុងក្រោយរបស់យើង ឬព្រះអាចជួយយើងឲ្យយល់រវាងពន្លឺ និងភាពងងឹត ។
អ្នកអាចបង្ហាញវីដេអូទាំងមូលនៃ « In Search of Truth » ចាប់ពីនាទីទី ១:២៧ ដល់ ៣:០៣ ។ សិស្សអាចស្វែងរក និងចែកចាយប្រភពណាដែលមនុស្សនៅក្នុងវីដេអូនេះប្រើដើម្បីស្វែងរកសេចក្តីពិត ។
3:3ប្រសិនបើមានប្រយោជន៍ សូមពិចារណាបង្ហាញសំណួរខាងក្រោម ហើយអញ្ជើញសិស្សឲ្យសរសេរចម្លើយរបស់ពួកគេនៅលើក្រដាសតូចមួយ ។ សិស្សអាចបត់ក្រដាសរបស់ពួកគេ ហើយដាក់វានៅក្នុងធុងមួយ ។ បន្ទាប់មក សិស្សអាចទាញចេញ ហើយអានចម្លើយជាច្រើនដែលសិស្សផ្សេងទៀតបានសរសេរ ។
-
តើអ្នកមានអំណរគុណអ្វីខ្លះដែលបានដឹងថា អ្នកនឹងមិនដឹងបើគ្មានប្រភពដែលបានតែងតាំងដ៏ទេវភាពដែលព្រះវរបិតាសួគ៌បានប្រទាននៅជំនាន់របស់យើងទេនោះ ? ហេតុអ្វី ?
អនុវត្ត
សកម្មភាពខាងក្រោមមានគោលបំណងជួយសិស្សឲ្យអនុវត្តការងាកទៅរកប្រភពដែលបានតែងតាំងដ៏ទេវភាព ដើម្បីស្វែងរកចម្លើយចំពោះសំណួររបស់ពួកគេ ។
រៀបចំសិស្សជាគូៗ ឬក្រុមតូចៗ ហើយបង្ហាញសេចក្ដីថ្លែងការណ៍ខាងក្រោម ។ អ្នកប្រហែលជាចង់កែសម្រួលសេចក្តីថ្លែងការណ៍ទាំងនេះ ដើម្បីបំពេញតម្រូវការរបស់សិស្សរបស់អ្នក ។
ជ្រើសរើសសេចក្តីថ្លែងការណ៍មិនពិតមួយក្នុងចំណោមសេចក្តីថ្លែងការណ៍មិនពិតដូចខាងក្រោម ឬជ្រើសរើសសេចក្តីថ្លែងការណ៍មួយរបស់អ្នកផ្ទាល់ ៖
-
មិនពិត ៖ ព្រះពិតជាមិនខ្វល់ពីរបៀបដែលយើងរស់នៅនោះទេ ដរាបណាយើងមិនធ្វើបាបអ្នកដទៃ ។
-
មិនពិត ៖ ជីវិតនេះមិនបន្តលើសពីនេះទេ ។ យើងមិនមានវត្ដមានមុនយើងកើតទេ ហើយយើងក៏នឹងមិនមានវត្ដមានដែរបន្ទាប់ពីយើងស្លាប់ទៅ ។
-
មិនពិត ៖ យើងពិតជាមិនត្រូវការព្រះគម្ពីរមរមនទេ ដោយសារយើងមានព្រះគម្ពីរប៊ីបរួចហើយ ។
ដោយប្រើប្រភពដែលបានតែងតាំងដ៏ទេវភាព សូមស្វែងរកសេចក្តីថ្លែងការណ៍ដែលកែសេចក្តីថ្លែងការណ៍មិនពិតដែលអ្នកបានជ្រើសរើស ។ សូមសរសេរអ្វីដែលអ្នករកឃើញនៅក្នុងសៀវភៅកំណត់ហេតុការសិក្សារបស់អ្នក ។
ខាងក្រោមនេះគឺជាឧទាហរណ៍នៃប្រភពដែលបានតែងតាំងពីព្រះដែលអ្នកអាចពិចារណាប្រើ ៖
-
វគ្គបទគម្ពីរចំណេះចំណានខាងគោលលទ្ធិ សេចក្ដីណែនាំដល់បទគម្ពីរទាំងឡាយ Topical Guide ឬលិបិក្រមខគម្ពីរ
-
ប្រធានបទ និងសំណួរ នៅលើគេហទំព័រ ChurchofJesusChrist.org
-
សុន្ទរកថាទាំងឡាយនៃសន្និសីទទូទៅ
-
បណ្ណាល័យដំណឹងល្អ
-
ឪពុកម្តាយរបស់អ្នក ឬថ្នាក់ដឹកនាំសាសនាចក្រ
ប្រសិនបើសិស្សត្រូវការជំនួយ សូមពិចារណាចែកចាយប្រភពខាងក្រោមជាឧទាហរណ៍ ៖
-
ព្រះពិតជាមិនខ្វល់ពីរបៀបដែលយើងរស់នៅនោះទេ ដរាបណាយើងមិនធ្វើបាបអ្នកដទៃ ។ ( និក្ខមនំ ២០:៣–១៧; « បទបញ្ញត្តិទាំងឡាយ » នៅក្នុង ប្រធានបទ និងសំណួរ )
-
ជីវិតនេះមិនបន្តលើសពីនេះទេ ។ យើងមិនមានវត្ដមានមុនយើងកើតទេ ហើយយើងក៏នឹងមិនមានវត្ដមានដែរបន្ទាប់ពីយើងស្លាប់ទៅ ។ ( អ័ប្រាហាំ ៣:២២–២៣; យេរេមា ១:៤–៥; យ៉ូប ១៩:២៥–២៦; « ផែនការនៃសេចក្តីសង្គ្រោះ » នៅក្នុងប្រធានបទ និងសំណួរ )
-
យើងពិតជាមិនត្រូវការព្រះគម្ពីរមរមនទេ ដោយសារយើងមានព្រះគម្ពីរប៊ីបរួចហើយ ។ ( អេសេគាល ៣៧:១៥–១៧; នីហ្វៃទី២ ២៩:៦–១០; « Book of Mormon » នៅក្នុងTopics and Questions )
បន្ទាប់ពីមានពេលគ្រប់គ្រាន់ហើយ សូមអញ្ជើញសិស្សឲ្យសរសេរនៅលើក្ដារខៀននូវសេចក្តីថ្លែងការណ៍ពិត ជំនួសសេចក្តីថ្លែងការណ៍មិនពិតនីមួយៗ ។
សូមអញ្ជើញសិស្សឲ្យចែកចាយប្រភពអ្វីដែលពួកគេបានងាកទៅរក និងអ្វីដែលពួកគេបានរកឃើញពីប្រភពទាំងនោះ ។ សិស្សក៏អាចចែកចាយនូវអ្វីដែលពួកគេបានធ្វើ ដើម្បីស្វែងរកចម្លើយរបស់ពួកគេផងដែរ ។
ដើម្បីបញ្ចប់ថ្នាក់ សូមពិចារណាសួរសំណួរខាងក្រោម ។ អ្នកក៏អាចនឹងចង់ចែកចាយបទពិសោធន៍ ឬទីបន្ទាល់របស់អ្នកអំពីព្រះវរបិតាសួគ៌ និងប្រភពដែលបានតែងតាំងដោយព្រះរបស់ព្រះយេស៊ូវគ្រីស្ទផងដែរ ។
-
-
តើអ្នកបានរៀនអ្វីខ្លះនៅថ្ងៃនេះអំពីប្រភពដែលបានតែងតាំងដ៏ទេវភាពដែលព្រះវរបិតាសួគ៌ និងព្រះយេស៊ូវគ្រីស្ទបានប្រទានមកយើងដោយសេចក្តីស្រឡាញ់ ?