ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ ៖ ទិដ្ឋភាពទូទៅ

សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា

មាតិកា
ទំព័រចំណងជើង
បុព្វកថានៃសៀវភៅសិក្សាសម្រាប់គ្រូបង្រៀន
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨; ១៣–១៦
- នាងរស់; សាំយូអែល ទី១ ១–៧
- សាំយូអែល ទី១ ៨–១០; ១៣; ១៥–១៦
- សាំយូអែល ទី១ ១៧–១៨; ២៤–២៦ សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–១៣; ១៧–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧ នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១ សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨ បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២ សាការី ១–៤; ៧–១៤
- ម៉ាឡាគី
មេរៀននៃការរៀបចំជីវិត
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- សេចក្តីណែនាំដើម្បីកម្លាំងនៃយុវជន
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងខាងសតិអារម្មណ៍
- ការរៀបចំសម្រាប់ការអប់រំ និងការងារនាពេលអនាគត
- ជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ
ឧបសម្ព័ន្ធ

« ការអនុវត្តចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )

« ការអនុវត្តចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា

ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ

ទិដ្ឋភាពទូទៅ

ការចូលរួមក្នុងចំណេះចំណានខាងគោលលទ្ធិអាចជួយសិស្សស្ថាបនាគ្រឹះខាងវិញ្ញាណរបស់ពួកគេនៅលើព្រះយេស៊ូវគ្រីស្ទ ។ ដោយជាផ្នែកនៃចំណេះចំណានខាងគោលលទ្ធិ នោះសិស្សនឹងរៀនវគ្គបទគម្ពីរគន្លឹះ ក៏ដូចជារៀន និងអនុវត្តគោលការណ៍នៃការទទួលបានចំណេះដឹងខាងវិញ្ញាណផងដែរ ៖ ការធ្វើសកម្មភាពដោយសេចក្ដីជំនឿ ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បមួយ ហើយស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព ។ គោលការណ៍ទាំងនេះអាចជួយពួកគេដោះស្រាយសំណួរ ឬកង្វល់ ខណៈពេលរក្សាជំនឿទៅលើព្រះយេស៊ូវគ្រីស្ទ ។

ការផ្ដល់យោលបល់ស្តីពីល្បឿនបង្រៀន ៖ វាអាចជាការល្អបំផុតក្នុងការបង្រៀនមេរៀននេះនៅដើមឆ្នាំសិក្សា ។ ប្រសិនបើសិស្សរបស់អ្នកដឹងអំពីចំណេះចំណានខាងគោលលទ្ធិពីឆ្នាំមុនៗរួចទៅហើយ នោះអ្នកអាចពិចារណារៀបចំកាលវិភាគមេរៀនទី ១៦១ ៖ « ការពង្រឹងមូលដ្ឋានគ្រឹះខាងវិញ្ញាណរបស់អ្នក » នៅពាក់កណ្តាលឆ្នាំសិក្សា ។ មេរៀននេះអាចប្រើដើម្បីរំឭកសិស្សអំពីគោលគំនិតសំខាន់ៗដែលទាក់ទងនឹងចំណេះចំណានខាងគោលលទ្ធិ នៅពេលពួកគេបន្តការសិក្សារបស់ពួកគេ ។

រៀបចំខ្លួនបង្រៀន

ព័ត៌មានខាងក្រោមផ្តល់ឲ្យអ្នកនូវគំនិតខ្លះៗ អំពីអ្វីដែលអ្នកអាចត្រូវរៀបចំខ្លួនសម្រាប់មេរៀននីមួយៗ ។

ការពង្រឹងមូលដ្ឋានគ្រឹះខាងវិញ្ញាណរបស់អ្នក

គោលបំណងមេរៀន ៖ ដើម្បីជួយសិស្សឲ្យយល់អំពីរបៀបដែលចំណេះចំណានខាងគោលលទ្ធិអាចផ្ដល់ពរដល់ជីវិតរបស់ពួកគេ និងជួយស្ថាបនាគ្រឹះខាងវិញ្ញាណរបស់ពួកគេលើព្រះយេស៊ូវគ្រីស្ទ ។

ការរៀបចំសិស្ស ៖ អញ្ជើញសិស្សឲ្យអាន ហេលេមិន ៥:១២ មុនពេលមករៀន ។ សិស្សអាចរកមើលពរជ័យដែលបានសន្យាសម្រាប់ការស្ថាបនាគ្រឹះរបស់ពួកគេនៅលើព្រះយេស៊ូវគ្រីស្ទ ។
មាតិកាដែលត្រូវបង្ហាញ ៖ សាច់រឿងនៅដើមមេរៀននេះ
វីដេអូ ៖ « What Is Doctrinal Mastery? » ( ៣:៥៦ )

ស្វែងរកវិវរណៈផ្ទាល់ខ្លួនសម្រាប់សំណួររបស់ខ្ញុំ

គោលបំណងមេរៀន ៖ ដើម្បីជួយសិស្សឲ្យយល់អំពីរបៀបដែលពួកគេអាចទទួលបានការណែនាំ និងវិវរណៈមកពីព្រះវរបិតាសួគ៌តាមរយៈព្រះវិញ្ញាណបរិសុទ្ធ ។

ការរៀបចំសិស្ស ៖ អញ្ជើញសិស្សឲ្យអាន « Recognizing the Promptings of the Holy Ghost » ពីផ្នែក « វិវរណៈ » នៃប្រធានបទ និង សំណួរនៅក្នុងបណ្ណាល័យដំណឹងល្អ ។ នៅពេលសិស្សអាន ពួកគេអាចគិតអំពីសំណួរដែលពួកគេមានអំពីការទទួលវិវរណៈពីព្រះវរបិតាសួគ៌ ។ ពួកគេអាចយកសំណួររបស់ពួកគេមកថ្នាក់រៀន ។ ជាជម្រើសមួយផ្សេងទៀតក្នុងការប្រើប្រធានបទ និងសំណួរសិស្សអាចអាន យ៉ូសែប ស្ម៊ីធ—ប្រវត្តិ ១:១០–១៣ ហើយរកមើលអ្វីដែល យ៉ូសែប ស្ម៊ីធ បានធ្វើដើម្បីស្វែងរក និងរៀបចំទទួលវិវរណៈ ។
មាតិកាដែលត្រូវបង្ហាញ ៖ សំណួរផ្ទាល់ខ្លួនសម្រាប់សិស្សដើម្បីពិចារណាឆ្ពោះទៅរកការចាប់ផ្តើមមេរៀន សំណួរអំពីទូរសព្ទឆ្លាតវៃនៅពាក់កណ្តាលមេរៀន
វត្ថុដែលត្រូវបង្ហាញ ៖ ទូរសព្ទឆ្លាតវៃ ឬរូបភាពទូរសព្ទឆ្លាតវៃ
សម្ភារ ៖ រូបភាពទូរសព្ទឆ្លាតវៃពី សំណៅមេរៀន នៅក្នុងមេរៀននេះ
វីដេអូ ៖ « Receiving Revelation » ( ៤:១៧ )

ការធ្វើសកម្មភាពដោយសេចក្ដីជំនឿដើម្បីស្វែងរកចម្លើយ

គោលបំណងមេរៀន ៖ ដើម្បីជួយសិស្សឲ្យធ្វើសកម្មភាពដោយសេចក្តីជំនឿទៅលើព្រះយេស៊ូវគ្រីស្ទ នៅពេលពួកគេស្វែងរកចម្លើយចំពោះសំណួរនៃដំណឹងល្អរបស់ពួកគេ ។

ការរៀបចំសិស្ស ៖ អញ្ជើញសិស្សឲ្យអាន កថាខណ្ឌទី ៥–៧ នៅក្នុងផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ២០២៣ ) ។ ពួកគេអាចរៀបចំខ្លួនដើម្បីចែកចាយពីមូលហេតុដែលពួកគេគិតថាសកម្មភាពរបស់យើងមានសារៈសំខាន់ នៅពេលស្វែងរកចម្លើយចំពោះសំណួរ ឬកង្វល់អំពីដំណឹងល្អ ។
រូបភាព ៖ ស្ត្រីនៅសារិបតា, ណាម៉ាន់, អេណុក
វីដេអូ ៖ « Act in Faith: The Stonemason » ( ៤:៥៧ )
មាតិកាដែលត្រូវបង្ហាញ ៖ សេចក្តីណែនាំដើម្បីផ្ដល់ដំបូន្មានដល់សិស្ស អាចផ្តល់ឲ្យនៅក្នុងផ្នែក « សកម្មភាពដែលបង្ហាញពីជំនឿរបស់យើងទៅលើព្រះយេស៊ូវគ្រីស្ទ » នៃមេរៀននេះ

ការពិនិត្យមើលប្រធានបទ និងសំណួរនៃដំណឹងល្អដោយទស្សនវិស័យដ៏អស់កល្បមួយ

គោលបំណងមេរៀន ៖ ដើម្បីជួយសិស្សឲ្យពិនិត្យមើលគោលគំនិត និងសំណួរដោយទស្សនវិស័យដ៏អស់កល្បមួយ ។

ការរៀបចំសិស្ស ៖ អញ្ជើញសិស្សឲ្យបង្កើតមេរៀនដោយប្រើវត្ថុ ឬមេរៀនស្រដៀងគ្នាដែលអាចបង្ហាញពីតម្លៃនៃការមើលឃើញអ្វីៗពីទស្សនៈផ្សេង ។ ពួកគេអាចត្រូវបានផ្តល់ឱកាសឲ្យចែកចាយគំនិតរបស់ពួកគេនៅពេលចាប់ផ្តើមថ្នាក់ ។
រូបភាព ៖ វត្ថុពីរ ដែលទាំងពីរហាក់ដូចជាពិតតាមទស្សនៈដែលមានកម្រិត វត្ថុពីរដូចគ្នាពីទស្សនៈផ្សេងគ្នាដែលបង្ហាញថាមួយគឺពិត និងមួយទៀតមិនពិត
សម្ភារ ៖ ក្រដាសមួយសន្លឹកសម្រាប់សិស្សម្នាក់ៗ
វីដេអូ ៖ « Examining Questions with an Eternal Perspective » ( ២:៥៦ )

ងាកទៅរកប្រភពដែលបានតែងតំាងដ៏ទេវភាពដើម្បីជួយស្វែងរកចម្លើយ

គោលបំណងមេរៀន ៖ ដើម្បីជួយសិស្សស្វែងរកសេចក្ដីពិតពីប្រភពដែលព្រះវរបិតាសួគ៌ និងព្រះយេស៊ូវគ្រីស្ទបានប្រទានឲ្យដោយក្ដីស្រឡាញ់ ។

ការរៀបចំសិស្ស ៖ សូមអញ្ជើញសិស្សឲ្យពិចារណាថាតើប្រភពណាដែលពួកគេងាកទៅរក នៅពេលពួកគេមានសំណួរដូចខាងក្រោម ៖ កិច្ចការផ្ទះ ចំណាប់អារម្មណ៍ ឬចំណង់ចំណូលចិត្ត ព្រឹត្តិការណ៍ប្រវត្តិសាស្ត្រ ដំណឹងល្អ និងសាសនាចក្ររបស់ព្រះអង្គសង្គ្រោះ ។ សូមអញ្ជើញពួកគេឲ្យជញ្ជឹងគិតអំពីមូលហេតុដែលពួកគេងាកទៅរកប្រភពដែលពួកគេរកឃើញ ។
រូបភាព ៖ រូបភាពក្លែងក្លាយ និងរូបភាពត្រឹមត្រូវឆ្ពោះទៅរកការចាប់ផ្តើមមេរៀន ម៉ូសេកំពុងប្រឈមមុខនឹងសាតាំង
វីដេអូ ៖ « In Search of Truth » ( ៣:០៣ )
មាតិកាដែលត្រូវបង្ហាញ ៖ សំណួរនៅចុងបញ្ចប់ផ្នែកនៃមេរៀន « ដឹងរវាងសេចក្តីពិត និងកំហុស » សេចក្តីថ្លែងការណ៍មិនពិតចំនួនបីនៅក្នុងផ្នែក « ការអនុវត្ត » នៃមេរៀននេះ
សម្ភារ ៖ ក្រដាសតូចមួយសម្រាប់សិស្សម្នាក់ៗ ធុងមួយដែលសិស្សអាចដាក់ក្រដាសរបស់ពួកគេ