Daniel 1–7

Daniel 1–7

Kinatibuk-ang Pagpasabot

Bisan og mga sulugoon sila sa usa ka langyaw nga yuta, sila si Daniel, Sadrac, Mesac, ug Abed-nego mibarog nga lig-on sa pagsunod sa mga balaod sa Ginoo, ug Iyang giprotektahan ug gipanalanginan sila. Gipakita sa Ginoo si Daniel og usa ka panan-awon sa ulahing mga adlaw, dihang tukoron Niya ang Iyang gingharian ibabaw sa yuta. Ang gingharian sa Ginoo, Ang Simbahan ni Jesukristo sa mga Santos sa Ulahing mga Adlaw, molukop sa yuta ug mobarog hangtod sa kahangtoran.

Pagtudlo mahitungod sa mga titulo, mga tahas, ug mga hiyas ni Jesukristo. Samtang tinguhaon sa mga estudyante nga makakat-on bahin sa Langitnong Amahan ug ni Jesukristo diha sa kasulatan, sila makaila ug mahigugma Kanila. Matabangan nimo ang imong mga estudyante nga makakat-on nga mahimo kini pinaagi sa paghimo og mga masiksikon nga mga pangutana nga motabang nila sa pag-ila sa mga titulo, mga tahas, ug mga hiyas sa Langitnong Amahan ug ni Jesukristo. Usa ka pananglitan sa paghimo niini makita diha sa leksiyon 142: “Daniel 1.”

Alang sa dugang pa kon unsaon paghimo niini, tan-awa ang “Pagtudlo mahitungod sa mga Titulo, mga Tahas, ug mga Hiyas ni Jesukristo” (Pagtudlo sumala sa Pamaagi sa Manluluwas [2022], 7).

Pangandam sa pagtudlo

Ang mosunod nga impormasyon mohatag nimo og mga ideya kon unsay kinahanglan nimong andamon daan para sa matag leksiyon.

Daniel 1

Katuyoan sa leksiyon: Aron tabangan ang mga estudyante nga palig-onon ang ilang pasalig nga tumanon ang Pulong sa Kaalam sa Ginoo.

• Pagpangandam sa estudyante: Dapita ang mga estudyante nga tun-an ang kinatibuk-ang pagpasabot sa “Pulong sa Kaalam” diha sa Mga Hilisgotan ug mga Pangutana sa Librarya sa Ebanghelyo. Dapita sila nga hisgotan kon sa unsang paagi napanalanginan sila o ang uban tungod sa pagtuman sa Pulong sa Kaalam.

• Bidyo: “God Gave Them Knowledge” (13:49) gikan sa time code 0:52 hangtod 5:15

• Mga materyal para sa mga estudyante: Mga kopya sa Alang sa Kalig-on sa mga Kabatan-onan: Usa ka Giya sa Paghimo og mga Pagpili para sa mga estudyante nga walay akses niini; papel ug mga marker o mga colored pencil para maghimo og poster ang mga estudyante

Daniel 2

Katuyoan sa leksiyon: Aron makatabang nga mapalig-on sa mga estudyante ang ilang pagpamatuod sa balaanong Pagpahiuli sa Ang Simbahan ni Jesukristo sa mga Santos sa Ulahing nga Adlaw.

• Pagpangandam sa estudyante: Dapita ang mga estudyante sa pagpili og usa sa mosunod nga mga ideya aron mangandam niini nga leksiyon:

  • Paghimo og lista sa importanteng mga hitabo nga nahitabo isip kabahin sa Pagpahiuli sa Ang Simbahan ni Jesukristo sa mga Santos sa Ulahing mga Adlaw.

  • Paghimo og lista sa mga kamatuoran nga imong nakat-onan tungod sa Pagpahiuli sa Ang Simbahan ni Jesukristo sa mga Santos sa Ulahing nga Adlaw.

    Pwede nimong isugyot sa mga estudyante nga makig-istorya sa mga sakop sa pamilya o mga lider sa Simbahan nga tabangan sila sa paghimo sa mga ilang lista.

• Mga bidyo: “God Gave Them Knowledge” (13:49) gikan sa time code 6:17 hangtod 13:00; “Hear Him” (24:23) gikan sa time code 17:05 hangtod 22:55

• Handout: “Ang Damgo ni Hari Nabucodonosor”

• Sulod nga ipakita: Mga instruksiyon sa pagkompleto sa handout

• Mga materyal para sa mga estudyante: Mga kopya sa “Ang Pagpahiuli sa Kahingpitan sa Ebanghelyo ni Jesukristo: Usa ka Pamahayag ngadto sa Kalibotan sa Ikaduhang Siglo nga Kasaulogan”

Daniel 3

Katuyoan sa leksiyon: Aron tabangan ang mga estudyante nga mobati og tinguha sa pagsalig ni Jesukristo bisan unsa pay mahitabo.

• Pagpangandam sa estudyante: Dapita ang mga estudyante sa paghunahuna og matinud-anong mga disipulo ni Kristo nga milagrosong giluwas gikan sa ilang mga pagsulay. Dayon, ipahunahuna nila ang ubang matinud-anong mga disipulo nga wala maluwas. Pwede nilang pamalandongan kon unsay gitudlo niini nga mga asoy kanila bahin sa pagsalig sa Ginoo.

• Mga bidyo: “Because I Live, Ye Shall Live Also” (11:26) gikan sa mga time code 4:04 hangtod 4:55 ug 4:55 hangtod 5:23; “Shadrach, Meshach, and Abed-nego” (1:39)

• Sulod nga ipakita: Mga pangutana sa pagsukod sa kaugalingon nga naa duol sa sinugdanan sa leksiyon

• Mga hulagway: Bulawang imahe nga gibuhat ni Hari Nabucodonosor; Sadrac, Mesac, ug Abed-nego diha sa nagkalayong hudno

Daniel 6

Katuyoan sa leksiyon: Aron tabangan ang mga estudyante nga mailhan ug mapakigbahin ang mga kamatuoran sa ebanghelyo gikan sa Daniel 6.

• Pagpangandam sa estudyante: Dapita ang mga estudyante sa pagpamalandong sa mga istorya sa kasulatan nga ilang nakat-onan gikan sa ilang pagtuon sa Daang Tugon karong tuiga. Pwede silang mopili og istorya nga makahuloganon para nila ug sa pagpangandam sa pagpakigbahin og usa ka kamatuoran sa ebanghelyo diin ang istorya nakatabang nila nga masabtan.

• Istorya nga ipakigbahin: Usa ka pabula [fable] o sikat nga kasugiran [folktale] diin makakuha og leksiyon ang mga estudyante

• Mga bidyo: “Things That Matter Most” (0:33) gikan sa time code 0:00 hangtod 0:22; “Daniel and the Lions’ Den” (1:46)

• Mga hulagway: Mga hulagway ni Daniel gikan sa artikulo nga “Daniel and the Lions” (Friend, Nov. 2018, FJ4–FJ6)

• Handout: “Ang mga Istorya sa Kasulatan Nagtudlo og mga Kamatuoran sa Ebanghelyo”