Moises 7

Moises 7

Kinatibuk-ang Pagpasabot

Ang Ginoo mitawag sa iyang katawhan og Zion, tungod kay sila nagkahiusa, matarong nga nagkinabuhi, ug nag-atiman sa mga kabos. Iyang gipakita kang Enoch nga dad-on sa langit ang Zion, pero mihilak Siya para sa katawhan nga nahibilin sa yuta tungod sa ilang pagkadaotan. Kini nga mga tawo sa kataposan makahiagom sa lunop. Gipakita usab sa Ginoo kang Enoch ang sakripisyo sa Manluluwas. Ang Ginoo misaad nga sa kataposang mga adlaw, Iyang pundokon ug ipreserbar ang mga tawo nga mosunod Kaniya.

Tabangi ang mga tigkat-on nga makaila sa gugma, gahom, ug kaluoy sa Ginoo diha sa ilang kinabuhi. Pagtabang sa mga estudyante sa pag-ila kon unsay gihimo sa Ginoo para nila aron matabangan silang magpakitag hugot nga pagtuo Kaniya. Ang usa ka ehemplo sa paghimo niini naa sa Leksiyon 18: “Moises 7:53–69.” Aron makakat-on pa og dugang, tan-awa ang “Tabangi ang mga Tigkat-on nga Makaila sa Gugma, Gahom, ug Kaluoy sa Ginoo diha sa Ilang Kinabuhi” (Pagtudlo Sumala sa Pamaagi sa Manluluwas [2022], 8).

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Moises 7:1–21

Katuyoan sa leksiyon: Aron tabangan ang mga estudyante nga maugmad ang Kristohanon nga mga hiyas nga nabatonan ni Enoch ug sa iyang katawhan.

• Pagpangandam sa estudyante: Dapita ang mga estudyante nga hunahunaon ang ilang nangagi nga adlaw ug ang mga epekto sa ilang mga aksiyon ngadto sa ubang tawo.

• Mga imahe: Redwood nga mga kahoy; mga gamot sa redwood nga mga kahoy

• Handout: “Pagkahimong usa ka Katawhan sa Zion”

• Bidyo: “Charity: An Example of the Believers” (4:50)

Moises 7:22–47

Katuyoan sa leksiyon: Aron tabangan ang mga estudyante nga mabati ang kaluoy ug gugma sa Dios para sa tanan Niyang mga anak.

• Pagpangandam sa estudyante: Dapita ang mga estudyante sa paghunahuna sa mga kasinatian ug mga kasulatan nga makatabang nilang mailhan unsa sama ang Langitnong Amahan. Pwede usab silang makahangyo sa mga ginikanan o kasaligang mga lider o mga higala sa pagpakigbahin sa ilang mga kasinatian o mga kasulatan ngadto kanila. Dapita ang mga estudyante nga mosulod nga andam sa pagpakigbahin.

• Bidyo: “The Grandeur of God” (15:28) gikan sa time code 6:35 hangtod 9:52

Moises 7:53–69

Katuyoan sa leksiyon: Aron tabangan ang mga estudyante nga ilhon ug pasalamatan unsa ang gihimo sa Ginoo aron tabangan sila nga mabuntog ang mga pagsulay sa atong panahon.

• Pagpangandam sa estudyante: Dapita ang mga estudyante sa pagtambong sa klase nga andam sa pagpakigbahin og tudling gikan sa Basahon ni Mormon nga nakatabang nila dihang nag-atubang sila og mga pagsulay.

• Mga imahe: Usa ka unos; ang Unang Panan-awon; si Juan Bautista naghatag sa Aaronic nga Pagkapari kang Joseph Smith; Pedro, Santiago, ug Juan naghatag sa Melchizedek nga Pagkapari kang Joseph Smith; ang Doktrina ug mga Pakigsaad; mga lider sa Simbahan sa kinatibuk-ang komperensiya; si Joseph Smith nagkuha sa bulawan nga mga palid; usa ka kongregasyon sa simbahan