Genesis 5; Moises 6

Genesis 5; Moises 6

Kinatibuk-ang Pagpasabot

Gitawag sa Ginoo si Enoch aron isangyaw ang paghinulsol ngadto sa daotang grupo sa mga tawo. Bisan og gibati ni Enoch nga dili angayan, gipalig-on siya sa Ginoo. Gitudloan ni Enoch ang mga tawo kon nganong kinahanglan nila ang Manluluwas ug kon unsaon nila pagduol Kaniya ug pagdawat sa mga panalangin nga Siya lamang ang makatanyag.

Awhaga ang mga tigkat-on sa pagpakigbahin sa mga kamatuoran nga ilang nakat-onan. Ang paghatag og nindot nga mga pangutana nga hisgotan makapadugang sa kompiyansa sa mga estudyante nga moapil sa mga panaghisgot bahin sa ebanghelyo. Aron makakat-on pa og dugang, tan-awa ang “Giawhag sa Manluluwas ang Uban sa Pagpakigbahin sa mga Kamatuoran nga Ilang Nakat-onan” (Pagtudlo Sumala sa Pamaagi sa Manluluwas [2022], 26). Ang usa ka ehemplo kon unsaon pagdasig sa uban sa pagpakigbahin anaa sa Leksiyon 13: “Moises 6:1-39.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Moises 6:1–39

Katuyoan sa leksiyon: Aron tabangan ang mga estudyante nga mobati og kopiyansa diha sa Ginoo ug sa Iyang gahom sa pagtabang ug pagpalig-on kanila.

• Pagpangandam sa estudyante: Dapita ang mga estudyante sa paghunahuna sa mga panahon sa dihang ang mga tawo nakasinati sa gahom sa Ginoo samtang gitabangan Niya sila sa pagbuntog sa mga kalisdanan. Dasiga silang mangitag mga ehemplo sa kasulatan.

• Sulod nga ipakita: Mga pamahayag nga anaa ilawom sa ulohan nga “Pagbati nga dili angayan”

• Handout: “Nasinati ni Enoch ang Gahom sa Ginoo”

• Bidyo: “Becoming True Millennials” (30:29; tan-awa gikan sa time code 9:05 hangtod 12:29)

Moises 6:47–68

Katuyoan sa leksiyon: Aron tabangan ang mga estudyante nga masabtan kon unsaon pagduol ngadto ni Jesukristo ug makadawat og mga panalangin nga Siya lamang ang makatanyag.

• Pagpangandam sa estudyante: Dapita ang mga estudyante sa pagpangutana sa usa ka sakop sa pamilya o higala kon nganong importante nila si Jesukristo ug kon unsay kahulogan para nila sa pagsunod Kaniya.

• Imahe: Litrato ni Jesukristo

• Sulod nga ipakita: Pagtimbang-timbang sa kaugalingon diha sa seksiyon nga nag-ulohan og “Sunda si Kristo”; tsart alang sa kalihokan sa pagkat-on

Pagbansay 1 sa Doktrinal nga Kahanas

Katuyoan sa leksiyon: Aron hatagan ang mga estudyante og higayon sa pagsag-ulo sa mga pakisayran sa doktrinal nga kahanas ug sa importante nga mga hugpong sa mga pulong sa kasulatan niini ingon man sa pagkat-on ug sa paggamit sa balaang mga baroganan alang sa pag-angkon sa espirituwal nga kahibalo.

• Pagpangandam sa estudyante: Ikonsiderar ang pagdapit sa mga estudyante sa pagpili og usa ka pakisayran sa doktrinal nga kahanas ug sa pagpaningkamot sa pagsag-ulo sa pakisayran sa kasulatan ug sa importante nga hugpong sa mga pulong kasulatan. Pwede dayon nilang ikonsiderar ang bili sa pagsag-ulo niini.

• Mga materyal alang sa mga estudyante: Mga piraso sa papel para sa kalihokan sa pagsag-ulo

• Sulod nga ipakita: Mga tudling sa doktrinal nga kahanas ug importante nga mga hugpong sa mga pulong sa kasulatan; mga instruksiyon para sa kalihokan sa pagsag-ulo; mga pangutana sa panaghisgotan para sa kalihokan sa pag-angkon sa espirituwal nga kahibalo