« លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៦ )
« លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា
លោកុប្បត្តិ ៣–៤; ម៉ូសេ ៤–៥
លោកុប្បត្តិ ៣–៤; ម៉ូសេ ៤–៥
ទិដ្ឋភាពទូទៅ
នៅក្នុងជីវិតមុនផែនដី សាតាំងបានព្យាយាមបំផ្លាញសិទ្ធិជ្រើសរើសរបស់យើង ហើយព្រះវរបិតាសួគ៌បានជ្រើសរើសព្រះយេស៊ូវគ្រីស្ទឲ្យធ្វើជាព្រះអង្គសង្គ្រោះរបស់យើង ។ ការធ្លាក់របស់លោកអ័ដាម និងនាងអេវ៉ា គឺជាជំហានចាំបាច់មួយនៅក្នុងផែនការរបស់ព្រះវរបិតាសួគ៌ ។ ព្រះយេស៊ូវគ្រីស្ទបានយាងមកដើម្បីប្រោសលោះយើងពីឥទ្ធិពលនៃការធ្លាក់ រួមទាំងការស្លាប់ខាងវិញ្ញាណ និងខាងរូបកាយ ។
រៀនគោលលទ្ធិរបស់ព្រះយេស៊ូវគ្រីស្ទសម្រាប់ខ្លួនឯង ។ មានអំណាចក្នុងការសិក្សា ការជញ្ជឹងគិត និងការស្វែងយល់គោលលទ្ធិរបស់ព្រះអង្គសង្គ្រោះ សម្រាប់ខ្លួនអ្នក ក្នុងការរៀបចំខ្លួនបង្រៀនសិស្សរបស់អ្នក ។ ដើម្បីស្វែងយល់បន្ថែមអំពីការណ៍នេះ សូមមើលផ្នែក « ព្រះអង្គសង្គ្រោះបានរៀនគោលលទ្ធិ » ( ការបង្រៀនតាមរបៀបរបស់ព្រះអង្គសង្រ្កោះ ទំព័រ ២០–២១ ) ។ ការសួរសំណួរដែលមានចម្លើយលើសពីបាទឬចាសក្នុងថ្នាក់អាចជួយសិស្សឲ្យជញ្ជឹងគិត បញ្ចេញមតិ និងស្វែងយល់ឲ្យបានកាន់តែច្បាស់អំពីគោលលទ្ធិរបស់ព្រះអង្គសង្គ្រោះសម្រាប់ខ្លួនពួកគេផ្ទាល់ ។ ឧទាហរណ៍មួយនៃរបៀបធ្វើបែបនេះ អាចរកបាននៅក្នុងមេរៀនទី ១០ ៖ « លោកុប្បត្តិ ៤:១–៤ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
ម៉ូសេ ៤:១–៤
គោលបំណងមេរៀន ៖ ដើម្បីជួយសិស្សឲ្យមានបំណងធ្វើតាមគំរូនៃការគោរពប្រតិបត្តិតាមព្រះវរបិតាសួគ៌របស់ព្រះយេស៊ូវគ្រីស្ទ ។
-
ការរៀបចំរបស់សិស្ស ៖ សូមអញ្ជើញសិស្សឲ្យគិតអំពីមនុស្សដែលពួកគេស្គាល់ ដែលគំរូរបស់ពួកគាត់បំផុសគំនិតដល់ពួកគេឲ្យកាន់តែគោរពតាមព្រះវរបិតាសួគ៌ ។ សូមស្នើពួកគេមករៀនដោយរៀបចំខ្លួនដើម្បីចែកចាយ ។
-
វីដេអូ ៖ « ចូរអ្នកងើបមុខឡើង ហើយអររីករាយចុះ » ( ៩:៥១ សូមមើលពីនាទីទី ៥:៤៨ ដល់ ៦:២៧ និងពីនាទីទី ៦:៥៣ ដល់ ៧:៤៨ )
ម៉ូសេ ៤:៥–៣២; ៥:១–១៥ ផ្នែកទី ១
គោលបំណងមេរៀន ៖ ដើម្បីជួយសិស្សឲ្យយល់អំពីឥទ្ធិពលនៃការធ្លាក់ក្នុងផែនការរបស់ព្រះវរបិតាសួគ៌ និងក្នុងជីវិតរបស់ពួកគេផ្ទាល់ ។
-
ការរៀបចំរបស់សិស្ស ៖ សូមអញ្ជើញសិស្សឲ្យទន្ទេញវគ្គចំណេះចំណានខាងគោលលទ្ធិ នីហ្វៃទី២ ២:២៥ ហើយឲ្យសួរឪពុកម្តាយ ឬថ្នាក់ដឹកនាំក្នុងសាសនាចក្រពីអត្ថន័យរបស់វាចំពោះពួកគេ ។
-
រូបភាព ៖ លោកអ័ដាម និងនាងអេវ៉ា ( អ្នកក៏អាចជ្រើសរើសបង្ហាញផងដែរនូវរូបភាពផ្សេងៗដែលតំណាងឲ្យការខិតខំ ការសាកល្បង ទុក្ខសោក និងការស្លាប់ )
-
វីដេអូ ៖ « Adam and Eve » ( ១:៥៣ )
-
សម្ភារសម្រាប់សិស្ស ៖ ក្រដាសសម្រាប់សិស្សម្នាក់ៗ
-
មាតិកាដែលត្រូវបង្ហាញ ៖ ការណែនាំសម្រាប់ការបង្កើតខិតប័ណ្ណ
ម៉ូសេ ៤:៥–៣២; ៥:១–១៥ ផ្នែកទី ២
គោលបំណងមេរៀន ៖ ដើម្បីជួយសិស្សឲ្យយល់អំពីអំណរនៃការប្រោសលោះពីការធ្លាក់ តាមរយៈដង្វាយធួននៃព្រះយេស៊ូវគ្រីស្ទ ។
-
ការរៀបចំរបស់សិស្ស ៖ សូមអញ្ជើញសិស្សឲ្យរកមើលឥទ្ធិពលនៃធ្លាក់របស់លោកអ័ដាម និងនាងអេវ៉ាជុំវិញខ្លួនពួកគេ ។ ទាំងនេះអាចរួមបញ្ចូលការកើត ការស្លាប់ រូបកាយ អំពើបាប ភាពអត់ឃ្លាន ជំងឺ ។ល។ សូមស្នើឲ្យសិស្សជញ្ជឹងគិតពីរបៀបដែលព្រះយេស៊ូវគ្រីស្ទអាចជួយ ជាមួយនឹងឥទ្ធិពលនីមួយៗដែលពួកគេកត់សម្គាល់ឃើញ ។
-
រូបភាព ៖ នរណាម្នាក់ធ្លាក់ពីយន្តហោះ លោកអ័ដាម និងនាងអេវ៉ាធ្វើការបូជាកូនសត្វច្បងនៃហ្វូងចៀមរបស់ពួកលោក
-
សម្ភារសម្រាប់សិស្ស ៖ ខិត្តប័ណ្ណដែលសិស្សបានចាប់ផ្តើមបង្កើតនៅក្នុងមេរៀនមុន
-
មាតិកាដែលត្រូវបង្ហាញ ៖ ការណែនាំសម្រាប់ការបង្កើតខិតប័ណ្ណ
-
សំណៅមេរៀន ៖ « ដង្វាយធួនរបស់ព្រះយេស៊ូវគ្រីស្ទបានប្រោសលោះខ្ញុំពី … »