រ៉ូម ៧

ព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា ( ២០២៣ )

មាតិកា
សេចក្តីផ្តើមអំពីព្រះគម្ពីរសញ្ញាថ្មី សៀវភៅសិក្សាសម្រាប់សិស្សថ្នាក់សិក្ខាសាលា
ឯកសារណែនាំ
ម៉ាថាយ ១; លូកា ១
ទិដ្ឋភាពទូទៅនៃ ម៉ាថាយ ២; លូកា ២
យ៉ូហាន ១
ម៉ាថាយ ៣; ម៉ាកុស ១; លូកា ៣
ម៉ាថាយ ៤; លូកា ៤–៥
យ៉ូហាន ២–៤
ម៉ាថាយ ៥; លូកា ៦
ម៉ាថាយ ៦–៧
ម៉ាថាយ ៨; ម៉ាកុស ២–៤; លូកា ៧
ម៉ាថាយ ៩–១០; ម៉ាកុស ៥; លូកា ៩
ម៉ាថាយ ១១–១២; លូកា ១១
ម៉ាថាយ ១៣; លូកា ៨; ១៣
ម៉ាថាយ ១៤; ម៉ាកុស ៦; យ៉ូហាន ៥–៦
ម៉ាថាយ ១៥–១៧; ម៉ាកុស ៧–៩
ម៉ាថាយ ១៨; លូកា ១០
យ៉ូហាន ៧–១០
លូកា ១២–១៧, យ៉ូហាន ១១
ម៉ាថាយ ១៩–២០; ម៉ាកុស ១០; លូកា ១៨
ម៉ាថាយ ២១–២៣; ម៉ាកុស ១១; លូកា ១៩–២០; យ៉ូហាន ១២
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
ម៉ាថាយ ២៦; ម៉ាកុស ១៤; យ៉ូហាន ១៣
យ៉ូហាន ១៤–១៧
លូកា ២២; យ៉ូហាន ១៨
ម៉ាថាយ ២៧; ម៉ាកុស ១៥; លូកា ២៣; យ៉ូហាន ១៩
ម៉ាថាយ ២៨; ម៉ាកុស ១៦; លូកា ២៤; យ៉ូហាន ២០–២១
កិច្ចការ ១–៥
កិច្ចការ ៦–៩
កិច្ចការ ១០–១៥
កិច្ចការ ១៦–២១
កិច្ចការ ២២–២៨
រ៉ូម ១–៦
រ៉ូម ៧–១៦
កូរិនថូស ទី១ ១–៧
កូរិនថូស ទី១ ៨–១៣
កូរិនថូស ទី១ ១៤–១៦
កូរិនថូស ទី២ ១–៧
កូរិនថូស ទី២ ៨–១៣
កាឡាទី
អេភេសូរ
ភីលីព; កូល៉ុស
ថែស្សាឡូនីច ទី១–២
ធីម៉ូថេ ទី១–២, ទីតុស, ភីលេម៉ូន
ហេព្រើរ ១–៦
ហេព្រើរ ៧–១៣
យ៉ាកុប
ពេត្រុស ទី១–២
យ៉ូហាន ទី១–៣; យូដាស
វិវរណៈ ១–៥
វិវរណៈ ៦–១៤
វិវរណៈ ១៥–២២

រ៉ូម ៧–១២

« មានព្រះដ៏ប្រោសឲ្យរួច … នឹងបង្វែរសេចក្តីទមិលល្មើស »

រូបភាព

យុវជនម្នាក់នៅក្នុងផ្ទះរបស់គាត់ ។ គាត់កំពុងអាន និងសិក្សាព្រះគម្ពីរ ។ រូបនេះនៅប្រទេសហ្វីជី ។

ពេលខ្លះក្នុងដំណើរជីវិតរបស់យើង យើងអាចនឹងមានអារម្មណ៍បាក់ទឹកចិត្ត ឬតានតឹងពេលយើងប្រាសចាកពីបុគ្គលដែលយើងគួរតែប្រែក្លាយជា ។ ដោយមានអារម្មណ៍ស្មុគស្មាញស្រដៀងគ្នានេះ សាវកប៉ុលបានពោលថា « វេទនាណាស់ខ្ញុំ ! » ( រ៉ូម ៧:២៤ ) ។ ទោះបីជាមានភាពទន់ខ្សោយដែលយើងដកពិសោធន៍នៅក្នុងជីវិតរមែងស្លាប់ក៏ដោយ ក៏យើងអាចដកពិសោធន៍នូវក្តីសង្ឃឹម និងសេចក្ដីសុខសាន្តបានដែរ នៅពេលយើងដាក់សេចក្តីទុកចិត្តរបស់យើងលើព្រះយេស៊ូវគ្រីស្ទ ។ មេរៀននេះនឹងជួយអ្នកឲ្យអនុវត្តសេចក្តីជំនឿកាន់តែខ្លាំងទៅលើព្រះយេស៊ូវគ្រីស្ទ ដើម្បីយកឈ្នះលើភាពទន់ខ្សោយរបស់អ្នក ។ 

ការដោះស្រាយភាពទន់ខ្សោយនៃជីវិតរមែងស្លាប់

ទ្រី គឺជាសមាជិកសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ គាត់ចង់ដើរតាមព្រះយេស៊ូវគ្រីស្ទ ប៉ុន្តែមានអារម្មណ៍ថាភាគច្រើនគាត់ធ្វើមិនបានល្អដូចដែលគាត់គួរធ្វើនោះទេ ។ ជារឿយៗ គាត់មានអារម្មណ៍ថាមានកំហុសដោយសារតែភាពទន់ខ្សោយរបស់គាត់ និងបារម្ភថាគាត់ប្រហែលជាមិនល្អគ្រប់គ្រាន់ ។

សូមគិតអំពីរបៀបដែលពេលខ្លះអ្នកអាចមានអារម្មណ៍ស្រដៀងនឹង ទ្រី ។

តើអារម្មណ៍ទាំងនេះអាចមានឥទ្ធិពលលើទំនាក់ទំនងរបស់អ្នកជាមួយព្រះវរបិតាសួគ៌ និងព្រះយេស៊ូវគ្រីស្ទ ក៏ដូចជាជាមួយមនុស្សផ្សេងទៀតយ៉ាងដូចម្ដេច ?
ហេតុអ្វីបានជាវាសំខាន់ដើម្បីស្វែងរកជំនួយពីព្រះវរបិតាសួគ៌ និងព្រះយេស៊ូវគ្រីស្ទ ដើម្បីយកឈ្នះលើភាពទន់ខ្សោយ និងភាពមិនល្អឥតខ្ចោះរបស់អ្នក ?

ប្រធាន រ័សុល អិម ណិលសុន បានបង្រៀនថា « ព្រះអម្ចាស់យល់ពីភាពទន់ខ្សោយក្នុងជីវិតរមែងស្លាប់របស់យើង ។ យើងទាំងអស់គ្នាស្ទាក់ស្ទើរពេលខ្លះ ។ ប៉ុន្តែទ្រង់ក៏ស្គាល់សក្ដានុពលដ៏អស្ចារ្យរបស់យើងផងដែរ » ( « Christ Is Risen; Faith in Him Will Move Mountain » Liahona ខែ ឧសភា ឆ្នាំ ២០២១ ទំព័រ ១០២ ) ។ នៅពេលអ្នកសិក្សាមេរៀននេះ សូមចងចាំពីអ្វីដែលប្រធាន ណិលសុន បានបង្រៀន ហើយរកមើលសេចក្ដីពិតដែលអាចជួយអ្នកបាន នៅពេលអ្នកស្គាល់ភាពទន់ខ្សោយក្នុងជីវិតរមែងស្លាប់ ។ សូមសញ្ជឹងគិតពីរបៀបដែលសេចក្តីពិតទាំងនេះអាចបង្កើនសេចក្តីជំនឿរបស់អ្នកថា ព្រះយេស៊ូវគ្រីស្ទអាចជួយអ្នកបាន ។

សាវកប៉ុលក៏បានដកពិសោធន៍នូវអារម្មណ៍ទន់ខ្សោយ និងពុះពាររវាង « សាច់ឈាម » ( រ៉ូម ៧:១៨ ) ឬ ចំណង់ខាងរូបកាយ និង « តាមប៉ែកខាងក្នុង » ( ខទី ២២ ) ឬខាងវិញ្ញាណ ។

សូមអាន រ៉ូម ៧:១៤, ១៨–១៩, ២៤–២៥ និងការបកប្រែដោយយ៉ូសែប ស្ម៊ីធ សម្រាប់ខគម្ពីរទាំងនេះដែលមាននៅក្នុង ការបកប្រែដោយយ៉ូសែប ស្ម៊ីធ នៅក្នុងឧបសម្ព័ន្ធព្រះគម្ពីរប៊ីប ។ សូមរកមើលពាក្យ និងឃ្លាដែលពិពណ៌នាអំពីគំនិត និងអារម្មណ៍របស់ប៉ុល ។ សូមពិចារណាគូសចំណាំអ្វីដែលអ្នករកឃើញ ។ សូមកំណត់ចំណាំថា នៅក្នុង ខទី ២៤ « សេចក្ដីស្លាប់នេះ » សំដៅទៅលើសេចក្ដីស្លាប់ខាងវិញ្ញាណ ឬការញែកចេញពីព្រះដែលកើតឡើងដោយសារអំពើបាប ។

តើគំនិត និងអារម្មណ៍របស់ប៉ុលស្រដៀងនឹងអ្វីដែលអ្នកធ្លាប់មានយ៉ាងណា ?
តើប៉ុលបានបង្រៀនសេចក្ដីពិតអ្វីខ្លះ ?

សេចក្តីពិតមួយដែលអ្នកប្រហែលជាបានរកឃើញពីខគម្ពីរទាំងនេះគឺថា ព្រះយេស៊ូវគ្រីស្ទអាចរំដោះយើងពីការជាប់ឃុំឃាំងនៃអំពើបាបបាន ។ អ្នកអាចនឹងចង់សរសេរសេចក្ដីពិតនេះនៅជិត រ៉ូម ៧:២៤–២៥ ។

ដូចអ្វីដែលបានកើតឡើងចំពោះប៉ុល ហេតុអ្វីបានជាការចងចាំសេចក្ដីពិតនេះ នៅពេលដែលអ្នកកំពុងពុះពារនឹងភាពទន់ខ្សោយរបស់អ្នក អាចជួយអ្នកឲ្យមានអារម្មណ៍សង្ឃឹមកាន់តែខ្លាំង ?

ព្រះគម្ពីរមរមនគឺជាឧបករណ៍ដ៏មានអានុភាពដែលយើងអាចប្រើដើម្បីពង្រឹងការយល់ដឹងរបស់យើងអំពីសេចក្តីពិតដែលបានបង្រៀននៅក្នុងព្រះគម្ពីរប៊ីប ( សូមមើល នីហ្វៃ ទី១ ១៣:៤០; នីហ្វៃ ទី២ ៣:១២ ) ។

ឧទាហរណ៍នៅក្នុង នីហ្វៃ ទី២ ២៤ នីហ្វៃ បានចែកចាយការបង្រៀននានាដែលស្រដៀងគ្នាទៅនឹងការបង្រៀនដែលអ្នកទើបតែបានសិក្សាពីប៉ុលនៅក្នុង រ៉ូម ៧ ។ សូមជ្រាបថា លេខយោងនៅក្នុង រ៉ូម ៧ មាននូវសេចក្តីយោងឆ្លងទៅនឹង នីហ្វៃ ទី២ ៤ ។ ការប្រើលេខយោងអាចវិធីដ៏មានសារៈប្រយោជន៍ដើម្បីស្វែងរកវគ្គបទគម្ពីរមរមនដែលទាក់ទងនឹងអ្វីដែលអ្នកកំពុងសិក្សានៅក្នុងព្រះគម្ពីរប៊ីប ។

សូមអាន នីហ្វៃ ទី២ ៤:១៧–២០, ២៦–៣២ ដោយរកមើលពីរបៀបដែលនីហ្វៃបានបង្ហាញពីអារម្មណ៍ស្រដៀងទៅនឹងអារម្មណ៍របស់ប៉ុល ។

១. សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖

តើពាក្យ ឬឃ្លាណាមួយរបស់នីហ្វៃមានអត្ថន័យបំផុតចំពោះអ្នក ? ហេតុអ្វី ?
តើការបង្រៀនរបស់នីហ្វៃអាចជួយអ្នកឲ្យមានអារម្មណ៍កាន់តែជិតស្និទ្ធជាមួយព្រះវរបិតាសួគ៌ និងព្រះយេស៊ូវគ្រីស្ទ នៅពេលអ្នកកំពុងពុះពារនឹងភាពទន់ខ្សោយ ឬការសង្ស័យលើខ្លួនឯងដោយរបៀបណា ?

ការប្រើប្រាស់ព្រះគម្ពីរមរមនដើម្បីយល់កាន់តែប្រសើរពីសេចក្ដីពិត

ដូចដែល នីហ្វៃ ទី២ ៤ បានពង្រឹងការសិក្សារបស់អ្នកអំពីការបង្រៀនរបស់ប៉ុលនៅក្នុង រ៉ូម ៧ នោះវគ្គបទគម្ពីរនៃព្រះគម្ពីរមរមនជាច្រើនទៀតក៏អាចជួយអ្នកឲ្យយល់កាន់តែច្បាស់ និងកោតសរសើរដល់ការបង្រៀនរបស់ប៉ុលផងដែរ ។

សូមអនុវត្តការប្រើព្រះគម្ពីរមរមន ដើម្បីបង្កើនការយល់ដឹងរបស់អ្នកអំពីការបង្រៀនរបស់ប៉ុល ដោយជ្រើសរើសវគ្គបទគម្ពីរពីរ ឬច្រើនដូចខាងក្រោមចេញពីរ៉ូមយកមកអាន ។ បន្ទាប់មក សូមប្រៀបធៀបវាជាមួយនឹងវគ្គបទគម្ពីរនៃព្រះគម្ពីរមរមនដែលទាក់ទងគ្នា ( ឬស្វែងរកវគ្គបទគម្ពីរនៃព្រះគម្ពីរមរមនដែលទាក់ទងគ្នារបស់អ្នកដោយប្រើប្រាស់ Topical Guide ឬ សេចក្ដីណែនាំដល់បទគម្ពីរទាំងឡាយ ) ។ សូមរកមើលពីរបៀបដែលវគ្គបទគម្ពីរនៃព្រះគម្ពីរមរមនបញ្ជាក់ ឬបំភ្លឺសេចក្ដីពិតនានាដែលបានបង្រៀននៅក្នុងរ៉ូម ។

រ៉ូម	ព្រះគម្ពីរមរមន
រ៉ូម រ៉ូម ៨:៥–៧	ព្រះគម្ពីរមរមន នីហ្វៃ ទី២ ៩:៣៩; ម៉ូសាយ ៣:១៩
រ៉ូម រ៉ូម ៨:២៨	ព្រះគម្ពីរមរមន អាលម៉ា ៣៦:៣
រ៉ូម រ៉ូម ១១:២៦	ព្រះគម្ពីរមរមន នីហ្វៃ ទី២ ២:៩–២១
រ៉ូម រ៉ូម ១២:១	ព្រះគម្ពីរមរមន អោមណៃ ១:២៦
រ៉ូម រ៉ូម ១២:២	ព្រះគម្ពីរមរមន អាលម៉ា ៥:៥៧
រ៉ូម រ៉ូម ១២:២១	ព្រះគម្ពីរមរមន អាលម៉ា ៣៧:៣៣–៣៥

២. សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖

តើវគ្គបទគម្ពីរនៃព្រះគម្ពីរមរមនពង្រឹងការយល់ដឹងរបស់អ្នកអំពីការបង្រៀនរបស់ប៉ុលនៅក្នុងគម្ពីររ៉ូមដោយរបៀបណា ?

សូមសញ្ជឹងគិតពីបទពិសោធន៍របស់អ្នក ដែលបានឃើញពីរបៀបដែលព្រះគម្ពីរមរមនអាចជួយអ្នកក្នុងការសិក្សាព្រះគម្ពីររបស់អ្នកបាន ។ សូមព្យាយាមប្រើព្រះគម្ពីរមរមនដើម្បីជួយអ្នក នៅពេលអ្នកបន្តការសិក្សារបស់អ្នកអំពីព្រះគម្ពីរសញ្ញាថ្មី ។

ជម្រើស ៖ តើចង់រៀនសូត្របន្ថែមទៀតទេ ?

តើព្រះយេស៊ូវគ្រីស្ទអាចជួយខ្ញុំឲ្យយកឈ្នះលើភាពទន់ខ្សោយរបស់ខ្ញុំក្នុងជីវិតរមែងស្លាប់ដោយរបៀបណា ?

កាលកំពុងបម្រើក្នុងគណៈប្រធានទីមួយ ប្រធាន ឌៀថើរ អេហ្វ អុជដូហ្វ បានបង្រៀន ៖

រូបភាព
រូបថតផ្លូវការពាក់កណ្តាលខ្លួនរបស់អែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់ឆ្នាំ ២០០៦ ។ ត្រូវបានហៅបម្រើជាទីប្រឹក្សាទីពីរក្នុងគណៈប្រធានទីមួយ នៅថ្ងៃទី ៣ ខែ កុម្ភៈ ឆ្នាំ ២០០៨ ។ រូបថតផ្លូវការពាក់កណ្តាលខ្លួននៅក្នុងឆ្នាំ ២០០៨ ជំនួសរូបថតពាក់កណ្តាលខ្លួនដែលបានថតនៅក្នុងឆ្នាំ ២០០៤ ។

មនុស្សជាច្រើនបាក់ទឹកចិត្តពីព្រោះពួកគេបន្តទទួលភាពបរាជ័យ ។ ពួកគេដឹងដោយខ្លួនឯងថា « ឯវិញ្ញាណ ក៏ប្រុងជាស្រេចមែន តែសាច់ឈាមខ្សោយទេ » [ ម៉ាថាយ ២៦:៤១ ] ។ ពួកគេថ្លែងឡើងជាមួយនីហ្វៃថា « ឯព្រលឹងខ្ញុំព្រួយដោយព្រោះសេចក្ដីទុច្ចរិតទាំងឡាយរបស់ខ្ញុំ » [ នីហ្វៃ ទី២ ៤:១៧ ] ។ …

ពេលខ្ញុំគិតពីអ្វីដែលព្រះអង្គសង្គ្រោះបានធ្វើពីមុនថ្ងៃអាទិត្យបុណ្យអ៊ីស្ទើរ ខ្ញុំចង់បន្លឺសំឡេង ហើយស្រែកសរសើរដល់ព្រះដ៏ខ្ពស់បំផុត និងបុត្រាទ្រង់ គឺព្រះយេស៊ូវគ្រីស្ទ !

ទ្វារស្ថានសួគ៌បានបើកហើយ !

បង្អួចស្ថានសួគ៌បានបើកចំហហើយ !

ថ្ងៃនេះ និងដរាបតទៅព្រះគុណនៃព្រះមានសម្រាប់អ្នកដែលមានចិត្តសង្រេង និងមានវិញ្ញាណទន់ទាប [ សូមមើល នីហ្វៃ ទី៣ ៩:១៩–២០ ] ។ ព្រះយេស៊ូវគ្រីស្ទបានរៀបចំផ្លូវឲ្យយើងបានយល់អ្វី ដែលយើងមិនអាចយល់បានក្នុងគំនិតធម្មតា [ សូមមើល កូរិនថូស ទី១ ២:៩ ] ។

( ឌៀថើរ អេហ្វ អុជដូហ្វ « The Gift of Grace » Liahona ខែ ឧសភា ឆ្នាំ ២០១៥ ទំព័រ ១១០ )

តើយើងជាគ្រីស្ទានឬទេ បើយើងប្រើសៀវភៅផ្សេងទៀតក្រៅពីព្រះគម្ពីរប៊ីបនោះ ?

នៅក្នុងវីដេអូ « Are We Christians? » ( ចាប់ពីនាទីទី ០:០០ ដល់ ២:១៥ ) អែលឌើរ ហ្គែរី ចេ ខូលមែន ពេលកំពុងបម្រើជាសមាជិកនៃពួកចិតសិបនាក់ បានពិពណ៌នាអំពីរបៀបដែលព្រះគម្ពីរមរមនបានជួយលោកឲ្យយល់កាន់តែច្បាស់អំពីសេចក្ដីពិត និងបញ្ជាក់អំពីសាសនាគ្រិស្តរបស់លោក ។ វីដេអូនេះមាននៅលើគេហទំព័រ ChurchofJesusChrist.org ។

តើព្រះគម្ពីរប៊ីប និងព្រះគម្ពីរមរមនធ្វើការជាមួយគ្នា ហើយបង្ហាញសេចក្តីស្រឡាញ់របស់ព្រះចំពោះយើងដោយរបៀបណា ?

ប្រធាន ហារ៉ូល ប៊ី លី ( ឆ្នាំ ១៨៩៩–ឆ្នាំ ១៩៧៣ ) បានពន្យល់ ៖

រូបភាព
រូបថតពាក់កណ្ដាលខ្លួនត្រឹមក្បាល និងស្មារបស់ប្រធានអិល.ឌី.អេស ហារ៉ូល ប៊ី លី ។

ព្រះវរបិតាសួគ៌ដ៏នៅអស់កល្បជានិច្ចរបស់យើង ដែលតែងតែខ្វល់ខ្វាយអំពីសុខុមាលភាពខាងវិញ្ញាណនៃបុត្រាបុត្រីរបស់ទ្រង់ បានប្រទានដល់យើងនូវព្រះគម្ពីរមួយធ្វើជាដៃគូ ដែលត្រូវបានស្គាល់ថាជាព្រះគម្ពីរមរមន ដើម្បីជាការការពារចំពោះសេចក្តីពិតនានានៃព្រះគម្ពីរប៊ីបដែលបានសរសេរ និងនិយាយដោយពួកព្យាការី ដូចព្រះអម្ចាស់បានបង្គាប់ ។ …

… តាមរយៈសាក្សីទីពីរនេះ យើងអាចដឹងកាន់តែច្បាស់នូវអត្ថន័យនៃការបង្រៀនរបស់ពួកព្យាការីពីបុរាណ និងការពិតពីលោកចៅហ្វាយ និងពួកសិស្សរបស់ទ្រង់នៅពេលដែលពួកគេអនុវត្ត និងបង្រៀននៅក្នុងចំណោមមនុស្សទាំងឡាយ ។ ការណ៍នេះគប្បីបំផុសគំនិតដល់អស់អ្នកដែលជាអ្នកស្វែងរកសេចក្ដីពិតដ៏ស្មោះត្រង់ ដើម្បីដាក់ព្រះគម្ពីរដ៏ពិសិដ្ឋទាំងពីរនេះរួមគ្នា ហើយសិក្សាព្រះគម្ពីរទាំងពីរនេះជាព្រះគម្ពីរតែមួយ ដោយយល់ពីទំនាក់ទំនងដ៏ពិតរបស់វា ។

( ហារ៉ូល ប៊ី លី Ye Are the Light of the World [ ឆ្នាំ ១៩៧៤ ] ទំព័រ ៨៩, ៩១ )

ហេតុអ្វីបានជាប៉ុលនិយាយថា យើងត្រូវតែទទួលថ្លែងប្រាប់ព្រះនាមរបស់ព្រះយេស៊ូវដើម្បីបានសង្គ្រោះ ?

រ៉ូម ១០:១–១៣ ត្រូវបានដកស្រង់ជាញឹកញាប់ដើម្បីការពារគោលជំហរដែលយើងគ្រាន់តែត្រូវការទទួលថ្លែងប្រាប់ព្រះនាមនៃព្រះយេស៊ូវគ្រីស្ទប៉ុណ្ណោះដើម្បីបានសង្គ្រោះ ។ ទោះជាយ៉ាងណាក៏ដោយ ព្រះអង្គសង្គ្រោះបានមានព្រះបន្ទូលយ៉ាងជាក់លាក់ប្រឆាំងនឹងគោលលទ្ធិនេះ នៅពេលទ្រង់មានព្រះបន្ទូល « មិនមែនអស់អ្នកណាដែលគ្រាន់តែនិយាយមកខ្ញុំថា ឱព្រះអម្ចាស់ៗអើយ ដែលនឹងចូលទៅក្នុងនគរស្ថានសួគ៌នោះទេ គឺជាអស់អ្នកដែលធ្វើតាមព្រះហឫទ័យនៃព្រះវរបិតា ដែលគង់នៅស្ថានសួគ៌វិញទេតើ » ( ម៉ាថាយ ៧:២១ ) ។

លើសពីនេះ ប៉ុលបានសង្កត់ធ្ងន់លើសារៈសំខាន់នៃពិធីបរិសុទ្ធនៃពិធីបុណ្យជ្រមុជទឹកពីមុននៅក្នុងសំបុត្ររបស់លោកទៅកាន់សាសន៍រ៉ូម ( សូមមើល រ៉ូម ៦:១–៦ ) ហើយក៏បានបង្រៀនពីសារៈសំខាន់នៃអំពើល្អ និងចិត្តដែលបានផ្លាស់ប្តូរផងដែរ ( សូមមើល រ៉ូម ២:១, ៣, ៦–១៣, ២៥–២៩ ) ។

ដូចគ្នានេះផងដែរពាក្យ « ទទួលថ្លែងប្រាប់ » នៅក្នុង រ៉ូម ១០:៩ អាចត្រូវបានបកប្រែជា « សេចក្ដីសញ្ញា » ហើយឃ្លា « អំពាវនាវដល់ » នៅក្នុង រ៉ូម ១០:១៣ អាចត្រូវបានបកប្រែជា « ទទួលលើកដាក់លើខ្លួននូវព្រះនាម » ( សូមមើល ចេមស៍ ស្ត្រង The New Strong’s Exhaustive Concordance of the Bible ដែលមាននៅក្នុង http://lexiconcordance.com/greek/3670.html; http://lexiconcordance.com/greek/1941.html ) ។ ពាក្យទាំងនេះអាចសំដៅលើការចូលទៅក្នុងសេចក្តីសញ្ញា ហើយទទួលយកព្រះនាមនៃព្រះគ្រីស្ទមកដាក់លើខ្លួនយើង ដែលដូចគ្នានឹងការបង្រៀនផ្សេងទៀតរបស់ប៉ុលផងដែរ ( សូមមើល កាឡាទី ៣:២៧; រ៉ូម ៦:១៤–២២ ) ក៏ដូចជាវគ្គបទគម្ពីរនៃព្រះគម្ពីរមរមនដែលទាក់ទងដូចជា ម៉ូសាយ ៥:១–៩ ជាដើម ។