Եբրայեցիներին 3-4

Մտնել Տիրոջ հանգիստը

Նկար. Հիսուսը նստած է գետի մոտ: Քրիստոսն Իր ձեռքում պահում է հովվի մահակը: Գետի ափերին ծառեր են աճում։

Մեր երկնային Հայրը և Հիսուս Քրիստոսը ցանկանում են մեզ օրհնել Իրենց ամենահարուստ օրհնություններով: Անհավատությունը և անգթությունը շատերին են խանգարում ստանալ այդ օրհնությունները: Խրախուսելով Սրբերին ազատվել անհավատ մոտեցումներից՝ Պողոսը ձգտում էր օգնել նրանց վերականգնել իրենց ուխտերը: Այս դասի նպատակն է օգնել ձեզ հաղթահարել անհավատությունը և ստանալ Փրկչի կողմից խոստացված օրհնությունները:

Մեր հավատքն առ Հիսուս Քրիստոսը

Տասներկու Առաքյալների Քվորումից Նիլ Լ. Անդերսենը նկարագրել է, թե որն է աշխարհի այսօրվա խնդիրը.

Տասներկու Առաքյալների Քվորումից երեց Նիլ Լ․ Անդերսենի պաշտոնական դիմանկարը, 2010 թ․ օգոստոս։

Աշխարհի որոշ մասերում, որտեղ Հիսուս Քրիստոսի անունը հռչակվել է դարերով, Նրա հանդեպ հավատքը նվազում է: Եվրոպայի անվեհեր Սրբերը տասնամյակների ընթացքում տեսել են, թե ինչպես է իրենց երկրներում հավատքը անկում ապրում: Ցավոք, այստեղ՝ Միացյալ Նահանգներում ևս, հավատքը նահանջում է: Վերջերս կատարված ուսումնասիրությունը պարզել է, որ վերջին տասը տարիների ընթացքում ԱՄՆ-ում 30 միլիոն մարդ հեռացել է Հիսուս Քրիստոսի աստվածայնությանը հավատալուց: Ամբողջ աշխարհում անցկացված մեկ այլ ուսումնասիրություն կանխատեսում է, որ առաջիկա տասնամյակների ընթացքում քրիստոնեությունից հեռանալու է երկու անգամ ավելի շատ մարդ, քան նրանք, ովքեր ընդունելու են այն:

(Նիլ Լ. Անդերսեն, «Մենք խոսում ենք Քրիստոսի մասին», Լիահոնա, նոյեմբեր 2020, 88)

• Որոնք են այն հնարավոր հետևանքները, որոնց Հիսուս Քրիստոսին չհավատացող մարդիկ կարող են տեսնել այժմ և ապագայում:

Մտածեք Հիսուս Քրիստոսի հանդեպ ձեր հավատքի մասին:

• Ձեր կարծիքով, որքա՞ն հզոր է ձեր հավատքը Հիսուս Քրիստոսի հանդեպ:

• Նրան հավատալու որոշումն ինչպե՞ս կարող է օրհնել ձեր կյանքը:

Պողոսի ուսմունքները Իսրայելի զավակների մասին

Եբրայեցիներին ուղղված իր նամակում Պողոսը ընդունել է, որ հալածանքի պատճառով դարձի եկած որոշ մարդիկ որոշել էին հրաժարվել Հիսուս Քրիստոսի հանդեպ իրենց հավատքից:

Կարդացեք Եբրայեցիներին 3.7-19 հատվածները՝ փնտրելով, թե որ պատմական իրադարձությանն է Պողոսն անդրադարձել, որպեսզի եբրայեցիներին օգնի հասկանալ անհավատության վտանգները:

«Փորձության օրը անապատում» (Եբրայեցիներին 3.8) վերաբերում է այն ժամանակներին, երբ Եգիպտոսից ազատվելուց հետո իսրայելացիները բարկացրին Տիրոջը և զրկվեցին Նրա օրհնություններից (տես Թվեր 14, Հակոբոս 1.7–8, Ալմա 12.33–37):

• Ո՞ր օրհնություններից էին զրկվել Իսրայելի զավակները: Ինչո՞ւ:

Տիրոջ հանգիստը

Երկնային Հայրը և Հիսուս Քրիստոսը ցանկանում են, որ մենք զգաք Իրենց հանգիստը: Ուսումնասիրեք հետևյալ հատվածը և մարգարեական հայտարարությունը, որպեսզի իմանաք, թե ինչ է նշանակում Տիրոջ հանգիստը: Օգտակար կլինի փնտրել «հանգիստ» բառը Սուրբ գրքերի ուղեցույցում՝ առկայության դեպքում:

Կարդացեք Վարդապետություն և Ուխտեր 84.24 հատվածը՝ Տիրոջ հանգստի մասին ավելին իմանալու համար (տես նաև Ալմա 13.6, 12-13, 28-29):

Նախագահ Ջոզեֆ Ֆ. Սմիթը (1838–1918) ուսուցանել է, թե մահկանացու կյանքում մենք ինչպես կարող ենք մտնել Տիրոջ հանգիստը.

Ջոզեֆ Ֆ. Սմիթի դիմանկարը

Հին մարգարեները խոսում են «Տիրոջ հանգիստը մտնելու» մասին [տես Ալմա 12.34, Վարդապետություն և Ուխտեր 84.23-24]. Ի՞նչ է դա նշանակում: Իմ կարծիքով, դա նշանակում է՝ մուտք գործել Աստծո գիտելիքի ու սիրո մեջ, հավատալ նրա նպատակին և ծրագրին այնպիսի խորությամբ, որ մենք գիտենք, որ ճիշտ ենք, և չենք փնտրում որևէ այլ բան, որ չենք շեղվում այլ վարդապետության քամիներով և մարդկանց խորամանկությամբ ու նենգությամբ, որ ստում են և սպասում, որ խաբկանքի մեջ գցեն: … Աստծո հանդեպ հավատքի մեջ այդ աստիճանի հասած մարդը, երբ բոլոր կասկածներն ու վախերը փարատել է, մտել է «Աստծո հանգիստը»:

(Եկեղեցու նախագահների ուսմունքները. Ջոզեֆ Ֆ. Սմիթ (1998), 56)

• Ինչպե՞ս կնկարագրեիք Տիրոջ հանգիստը:

Պողոսի ուղերձի նման մի ուղերձով Ալման կիսվել է իր ժամանակի մարդկանց հետ, որոնք նույնպես դժվարանում էին հավատալ: Կարդացեք Ալմա 12.34-37 հատվածները՝ փնտրելով լրացուցիչ գաղափարներ:

• Ինչ սկզբունքներ կարող եք բացահայտել Եբրայեցիներին 3 և Ալմա 12.34-37 հատվածներից:

Սկզբունքներից մեկը կարող լինել հետևյալը. եթե հավատարիմ մնանք Փրկչին և չկարծրացնենք մեր սրտերը, կմտնենք Տիրոջ հանգիստը:

1. Ձեր օրագրում պատասխանեք հետևյալ հարցերին.

• Ձեր կարծիքով, կարծրացած սիրտը և անհավատությունը ինչպե՞ս կարող են մեզ խանգարել ստանալ Տիրոջ օրհնությունները:

• Ձեր կարծիքով, Տիրոջ հանգիստն ինչո՞ւ է հանդիսանում ձգտումի արժանի օրհնություն:

Ընտրեք հավատքը

Կարդացեք Եբրայեցիներին 3.7-8. 12-15, 4.2-3, 6-7, 11 հատվածները: Կարդալիս փնտրեք, թե մենք ինչ կարող ենք անել՝ Տիրոջ հանգիստը մտնելու համար: Գուցե ցանկանաք կարդալ նաև Ջոզեֆ Սմիթի Թարգմանություն, Եբրայեցիներին 4.3 հատվածը (Աստվածաշնչի հավելվածում):

• Այդ հատվածներում ի՞նչն ամենաշատը տպավորեց ձեզ:

Նելսոնն ուսուցանել է, թե մենք ինչպես կարող ենք հաղթահարել անհավատությունը.

Նախագահ Ռասսել Մ. Նելսոնի պաշտոնական դիմանկարը, 2018 թ․ հունվար

Ընտրեք հավատքը Հիսուս Քրիստոսի հանդեպ Եթե կասկածներ ունեք Հայր Աստծո և Նրա Սիրելի Որդու Վերականգնման ճշմարտացիության կամ Ջոզեֆ Սմիթի աստվածային կոչման արժանահավատության մասին, ընտրեք հավատքը և հավատարիմ մնացեք։ Ձեր հարցերը հղեք Տիրոջը և այլ արժանահավատ աղբյուրների: Ուսումնասիրեք ավելի շատ հավատալու ցանկությամբ, քան հույսով, թե կարող եք թերություն գտնել մարգարեի կյանքում կամ անհամապատասխանություն՝ սուրբ գրություններում: Մի զարգացրեք ձեր կասկածները՝ քննարկելով դրանք այլ կասկածողների հետ։ Թույլ տվեք, որ Տերն առաջնորդի ձեզ՝ հոգևորի բացահայտման ձեր ճամփորդության մեջ

(Ռասսել Մ․ Նելսոն, «Քրիստոսը հարություն է առել․ Նրա հանդեպ հավատքը սարեր կշարժի», Լիահոնա, մայիս 2021, 103):

2. Կատարեք հետևյալը սուրբ գրությունների ուսումնասիրության ձեր օրագրում.

Պատկերացրեք, որ ձեր ընկերներից մեկը դժվարանում է հավատալ Հիսուս Քրիստոսին: Բարի ուղերձ գրեք՝ նրան քաջալերելու համար: Անպայման ներառեք սուրբ գրությունների մեկ հատված, որպեսզի նա ուսումնասիրի այն: Եթե հարմար է, ներառեք նաև Հիսուս Քրիստոսի մասին ձեր վկայությունը: Նախագահ Նելսոնի և հետևյալ հարցերի շուրջ մտածելով՝ կարող եք օգնել ձեզ գրել այդ ուղերձը:

• Նրանք ի՞նչ կարող են զգալ, եթե որոշեն հավատալ Հիսուս Քրիստոսին:

• Նրանք ի՞նչ կկորցնեն, եթե որոշեն չհավատալ:

• Դուք նրանց ի՞նչ կխրախուսեք անել՝ Հիսուս Քրիստոսին հավատալու համար:

Ընտրովի. ցանկանո՞ւմ եք ավելին իմանալ

Ինչպե՞ս կարող եմ ավելի հավատացող սիրտ ունենալ

Նախկինում Առաջին նախագահությունից նախագահ Դիտեր Ֆ․ Ուխդորֆն ուսուցանել է.

Տասներկու Առաքյալների Քվորումից երեց Դիտեր Ֆ. Ուխդորֆի պաշտոնական դիմանկարը, 2006 թ.։ Կանչվել է որպես Առաջին Նախագահության երկրորդ խորհրդական 2008 թվականի փետրվարի 3-ին: Պաշտոնական դիմանկարն արվել է 2008 թվականին՝ փոխարինելով 2004 թ․ դիմանկարին։

Հավատքի մեջ չկա կախարդանքի աղբյուր: Բայց հավատալ ցանկանալը առաջին անհրաժեշտ քայլն է: Աստված անաչառ է: Նա ձեր Հայրն է: Նա ցանկանում է խոսել ձեզ հետ: Սակայն, այն պահանջում է փոքր-ինչ գիտական մոտեցում, այն պահանջում է Աստծո խոսքի փորձարկում և «հավատի ցուցաբերում» [Ալմա 32.27]: Այն նաև պահանջում է փոքր-ինչ խոնարհություն: Եվ այն պահանջում է բաց սիրտ ու բաց միտք և նոր գաղափարներ ընդունելու ցանկություն: Այն պահանջում է ձգտում՝ այդ բառի լիարժեք իմաստով: Եվ, թերևս, ամենադժվարը, այն պահանջում է համբերատար լինել և սպասել Տիրոջը:

Եթե մենք չջանանք հավատալ, մենք կնմանվենք այն մարդուն, որն անջատում է լուսարձակը, ապա մեղադրում է լուսարձակին լույս չտալու համար:

(Դիտեր Ֆ. Ուխդորֆ, «Մի վախեցիր, միայն հավատա», Լիահոնա, նոյեմբեր 2015, 78)

Ով կարող է օգնել մեզ գտնել Տիրոջ հանգիստը

Երեց Վ. Քրեյգ Ցվիկը հայտարարել է.

Երեց Վ. Քրեյգ Ցվիկի պաշտոնական դիմանկարը։ Լուսանկարվել է 2017 թ․ մարտին։

Երկնային Հայրը սիրում է Իր բոլոր զավակներին և ուզում է, որ մենք վերադառնանք Իր մոտ: Նա մարգարեներին և քահանայության ղեկավարներին տրամադրել է իրական քահանայության իշխանություն, որպեսզի նրանք մնան նեղ ու անձուկ արահետում: Այսպիսով, մենք ունենք այդ ղեկավարների ուղղորդումը՝ Նրա հանգիստը մտնելու համար:

(Վ. Քրեյգ Ցվիկ, «Մտեք Տիրոջ հանգիստը», Ensign, փետրվար 2012, 24)