បទពិសោធន៍ការរៀនសូត្រទី ៦
ការយល់អំពីបរិបទ និង មាតិកា
សេចក្តីសង្ខេប
បទពិសោធន៍ការរៀនសូត្រនេះមាននូវគោលគំនិតដូចខាងក្រោម ៖
-
ការយល់អំពីអត្ថន័យនៃបរិបទ និង មាតិកា
-
ការយល់អំពីអត្ថន័យនៃបរិបទ និង មាតិកា
-
ការរុករកបរិបទ និងមាតិកានៅក្នុងបទគម្ពីរ
គោលគំនិតសំខាន់ៗ
នៅក្នុងបទពិសោធន៍ការរៀនសូត្រមួយចំនួនបន្ទាប់ទៀត យើងនឹងមើលទៅលើធាតុនៃលំនាំការរៀនសូត្រកាន់តែច្បាស់លាស់ម្ដងមួយៗ ។ លំនាំការរៀនសូត្រផ្ដល់ជាគ្រោងនៃមូលដ្ឋានគ្រឹះដែលជួយដាក់ដំណឹងល្អនៅក្នុងគំនិត និងដួងចិត្តរបស់យើង ។ នៅក្នុងបទពិសោធន៍ការរៀនសូត្រនេះ យើងនឹងរៀនពីការយល់អំពីបរិបទ និងមាតិកា ។
គោលបំណងនៃបទពិសោធន៍ការរៀនសូត្រនេះ គឺដើម្បីផ្ដល់នូវការណែនាំសង្ខេបមួយចំពោះទិដ្ឋភាពនានានៃលំនាំការរៀនសូត្រ ។ នៅពេលអ្នកបម្រើជាគ្រូបង្រៀនថ្នាក់សិក្ខាសាលា ឬថ្នាក់វិទ្យាស្ថាន អ្នកនឹងមានឱកាសច្រើនដើម្បីរៀន និងអនុវត្តជំនាញទាំងនេះ ។
ការរៀនចេញមកពីបទគម្ពីរ ៖ ការយល់អំពីបរិបទ និងមាតិកា
- រូបភាពដៃ
-
នៅក្នុងរឿងប្រៀបធៀបអំពីត្បូង មានយុវនារីម្នាក់សុបិនអំពីការស្វែងរកត្បូងនៅលើខ្សាច់ ។ ការស្វែងរករបស់នាង តំណាងឲ្យអ្នករៀនម្នាក់ដែលកំពុងស្វែងរកសេចក្ដីពិតដ៏អស់កល្បជានិច្ចនៅក្នុងបទគម្ពីរ ។ ខ្សាច់តំណាងឲ្យបរិបទ និងមាតិកានៃបទគម្ពីរ--មនុស្ស ទីកន្លែង ព្រឹត្តការណ៍ ខ្សែរឿង ការបង្រៀនជាដើម--ដែលសេចក្ដីពិតនៃដំណឹងល្អអាចត្រូវបានរកឃើញ ។
- រូបភាពព្រះគម្ពីរ
-
នៅពេលយើងស្វែងរកសេចក្ដីពិតដ៏អស់កល្បជានិច្ចនៅក្នុងបទគម្ពីរ យើងគប្បីចាប់ផ្ដើមព្យាយាមយល់អំពីផ្ទៃរឿង និងសេចក្ដីលម្អិតជាមូលដ្ឋាននៃវគ្គបទគម្ពីរ ដែលយើងកំពុងអាននោះ ។ ការស្វែងយល់អំពីបរិបទ និងមាតិកានៃបទគម្ពីរ នឹងអនុញ្ញាតឲ្យយើងរកឃើញសារៈសំខាន់នៃសេចក្ដីពិតដំណឹងល្អបានកាន់តែងាយស្រួល ។
សកម្មភាពក្នុងក្បួនខ្នាតការបង្រៀន និងការរៀនដំណឹងល្អ
ចូរអានវគ្គ ២.៤.១(« បរិបទ »)និង២.៤.២ («មាតិកា») នៅទំព័រ ២៤-២៥ នៅក្នុងក្បួនខ្នាត Gospel Teaching and Learning។ សូមគូសចំណាំពាក្យ ឬកថាកណ្ឌនៅក្នុងវគ្គទាំងនេះដើម្បីជួយអ្នកយល់នូវអត្ថន័យតាមរយៈបរិបទ និងមាតិកានៃបទគម្ពីរ និងមូលហេតុដែលវាសំខាន់នៅក្នុងការសិក្សារបស់យើង ។
សូមកត់ត្រាគំនិត និងចំណាប់អារម្មណ៍របស់អ្នកអំពីសារៈសំខាន់នៃការយល់អំពីបរិបទ និងមាតិកានៅក្នុងការសិក្សាដំណឹងល្អនៅក្នុងសៀវភៅកំណត់ហេតុការសិក្សាមួយ ឬកន្លែងផ្សេងទៀត ដែលអ្នកអាចយកវាមកមើល ហើយចែកចាយជាមួយនឹងអ្នកដឹកនាំ ឬក្រុមវគ្គបំពាក់បំប៉នគ្រូបង្រៀន។
អត្ថន័យ និងសារៈសំខាន់នៃបរិបទ និងមាតិកា
សូមរំឭកមើលតារាងដូចខាងក្រោមដើម្បីយល់បន្ថែមអំពីបរិបទ និងមាតិកា ៖
|
បរិបទ |
មាតិកា |
|---|---|
|
តើបរិបទគឺជាអ្វី ? បរិបទ រួមមាននូវស្ថានភាពដែលនៅជុំវិញ ឬផ្ដល់ជាផ្ទៃរឿងអំពីវគ្គបទគម្ពីរព្រឹត្តការណ៍ និង ដំណើររឿងជាក់លាក់មួយ។ បរិបទមាននូវទិដ្ឋភាពជាប្រវត្តិសាស្ត្រ ខាងវប្បធម៌ និងខាងភូមិសាស្ត្រ មានសំណួរដែលបានបំផុសនៅក្នុងព្រឹត្តការណ៍បទគម្ពីរ ជាដើម ។ |
តើមាតិកាជាអ្វី ? មាតិកា មាននូវខ្សែរឿង មនុស្ស ព្រឹត្តិការណ៍ ទេសនកថា និង ការពន្យល់ដ៏បំផុសគំនិត ដែលបង្កើតជាអត្ថបទខាងបទគម្ពីរ ។ ការរុករកមាតិកា រួមានការរៀនសូត្រពីអត្ថន័យនៃពាក្យ និង ឃ្លាពិបាកៗ ក៏ដូចជាការបកប្រែរឿងប្រៀបធៀប និមិត្តសញ្ញាជាដើម ។ |
|
ហេតុអ្វីបរិបទសំខាន់ ? បរិបទ ជួយបញ្ជាក់ និងជួយឲ្យមានការយល់ដឹងកាន់តែជ្រៅជ្រះអំពីរឿង ការបង្រៀន គោលលទ្ធិ និងគោលការណ៍នានានៅក្នុងអត្ថបទព្រះគម្ពីរ ។ |
ហេតុអ្វីមាតិកាសំខាន់ ? មាតិការ ផ្តល់ជាចំណាប់អារម្មណ៍ និងទាក់ទងចំពោះគោលលទ្ធិ និង គោលការណ៍ទាំងឡាយ ដែលមាននៅក្នុងបណ្តុំបទគម្ពីរ ។ |
ការសួរសំណួរទាំងឡាយ
ដើម្បីយល់បរិបទ និងមាតិកាបទគម្ពីរ ដំបូងត្រូវស្វែងយល់ពីសេចក្ដីលម្អិតជាមូលដ្ឋាននៃវគ្គបទគម្ពីរ បន្ទាប់មករុករកសេចក្ដីលម្អិតទាំងនោះដើម្បីបានយល់ដឹងកាន់តែខ្លាំងឡើង ។ អ្នកអាចធ្វើដូចនេះតាមរយៈការរៀនសួរសំណួរអំពីមនុស្ស ទីកន្លែង ព្រឹត្តការណ៍ ជាដើមនៅក្នុងវគ្គបទគម្ពីរ ដែលអ្នកកំពុងអាន បន្ទាប់មកស្វែងរកចម្លើយចំពោះសំណួរទាំងនោះដោយប្រើធនធានដ៏ជាជំនួយ និងដែលទុកចិត្តបាន ។
សំណួរនានាដូចខាងក្រោម អាចជួយអ្នកយល់បានកាន់តែល្អប្រសើរអំពីបរិបទ និងមាតិកានៃវគ្គបទគម្ពីរ ដែលអ្នកកំពុងសិក្សា ៖
-
តើអ្វីជាផ្ទៃរឿងនៃវគ្គបទគម្ពីរ ?
-
តើទិដ្ឋភាពជាប្រវត្តិសាស្ត្រ ខាងវប្បធម៌ និងខាងភូមិសាស្ត្រមានអ្វីខ្លះ ?
-
តើនរណាជាអ្នកនិពន្ធ ?
-
តើប្រជាជនណានៅក្នុងវគ្គបទគម្ពីរនេះ ? តើពួកគេកំពុងធ្វើអ្វី ឬកំពុងនិយាយអ្វី ហើយហេតុអ្វី ?
-
តើមានអ្វីកំពុងកើតឡើង ? តើអ្វីជាខ្សែរឿង ?
-
តើពាក្យ ឃ្លា និងចំណាប់អារម្មណ៍ដែលមិនស្គាល់នានាមានន័យយ៉ាងណា ?
-
តើសារៈសំខាន់នៃទំនៀមទម្លាប់ និងការអនុវត្តដែលបានពិពណ៌នាមានអ្វីខ្លះ ?
ការស្វែងរកចម្លើយ
នៅខាងក្រោមនេះ គឺជាធនធានដ៏ល្អបំផុត និងដែលទុកចិត្តបំផុតមួយចំនួន ដែលអ្នកអាចប្រើដើម្បីជួយអ្នកស្វែងរកចម្លើយចំពោះសំណួររបស់អ្នក ៖
-
ជំនួយការសិក្សាបទគម្ពីរ ដូចជាជំពូក និងដើមកណ្ឌ លេខយោង Bible Dictionary,Topical Guide,សេចក្ដីណែនាំដល់បទគម្ពីរទាំងឡាយ,លិបិក្រមចំពោះបណ្ដុំព្រះគម្ពីរផែនទី ជាដើម ។
-
វគ្គគម្ពីរដែលជាប់ទាក់ទង
-
ពាក្យសម្ដីរបស់ពួកព្យាការី និងពួកសាវកនៅរស់ ( ជាពិសេសសុន្ទរកថាទាំងឡាយដែលមាននៅក្នុងសុន្ទរកថាសន្និសីទទូទៅ )
-
កម្មវិធីសិក្សាវគ្គសិក្សាថ្នាក់សិក្ខាសាលា និងថ្នាក់វិទ្យាស្ថាន ( រួមមានសៀវភៅសិក្សាសម្រាប់គ្រូបង្រៀន និងសិស្ស ) ។
-
វចនានុក្រម
នៅពេលអ្នកបានយល់អំពីបរិបទ និងមាតិកានៃបទគម្ពីរ នោះអ្នកនឹងអាចបោះជំហានកាន់តែពេញលេញទៅក្នុងពិភពនៃមនុស្ស ទីកន្លែង ព្រឹត្តការណ៍ និងការបង្រៀន ដែលអ្នកកំពុងអាន និងមើលឃើញរឿងដែលអ្នកនិពន្ធបានមើលឃើញវា ។ ការណ៍នេះនឹងជួយឲ្យរកឃើញនូវសារៈសំខាន់នៃសេចក្ដីពិតដំណឹងល្អ ។
ការទទួលបានជំនួយពីព្រះនៅក្នុងការបង្រៀនដំណឹងល្អ
សូមមើលវីដេអូ«Understanding Context and Content»(៧:៣៩) មាននៅក្នុងchurchofjesuschrist.org។ នៅក្នុងវីដេអូនេះ គ្រូបង្រៀនទាំងបីពិភាក្សាអំពីកិច្ចខិតខំរបស់ពួកគេដើម្បីយល់អំពីបរិបទ និងមាតិកា ។
សូមកត់ត្រាគំនិតពីរឬបី ដែលអ្នកបានរៀនមកពីវីដេអូចូលទៅក្នុងសៀវភៅកំណត់ហេតុការសិក្សាមួយ ឬកន្លែងផ្សេងទៀត ដែលអ្នកអាចយកវាមកមើល ហើយចែកចាយជាមួយនឹងអ្នកដឹកនាំ ឬក្រុមវគ្គបំពាក់បំប៉នគ្រូបង្រៀន ។
សកម្មភាពបទគម្ពីរ
ឥឡូវដល់ពេលដើម្បីហាត់រុករកបរិបទ និងមាតិកាក្នុងបទគម្ពីរ ។
សូមអានលូកា ៥:១២-២៦នៅត្រង់កន្លែងដែលគ្រូបង្រៀននៅក្នុងវីដេអូ « ការយល់អំពីបរិបទ និងមាតិកា » បានឈប់ ។ សូមបង្កើតជាបញ្ជីសំណួរមួយអំពីមនុស្ស ទីកន្លែង ព្រឹត្តការណ៍ និងព័ត៌មានលម្អិតផ្សេងទៀត ដែលអាចជួយអ្នកឲ្យយល់អំពីបរិបទ និងមាតិកានៃខគម្ពីរទាំងនេះបានកាន់តែល្អប្រសើរ ។ បន្ទាប់មកចំណាយពេលពីរបីនាទីស្វែងរកចម្លើយចំពោះសំណួររបស់អ្នក ។
បន្ទាប់ពីអ្នកបញ្ចប់សកម្មភាពរួចហើយ សូមសរសេរសង្ខេបអំពីបទពិសោធន៍របស់អ្នកនៅក្នុងសៀវភៅកំណត់ហេតុការសិក្សាមួយ ឬកន្លែងផ្សេងទៀត ដែលអ្នកអាចយកវាមកមើល ហើយចែកចាយជាមួយនឹងអ្នកដឹកនាំ ឬក្រុមវគ្គបំពាក់បំប៉នគ្រូបង្រៀន ។ រួមមាន (១) អ្វីៗមួយចំនួនដែលអ្នកបានរៀនអំពីសារៈសំខាន់នៃបរិបទ និងមាតិកា នៅក្នុងការសិក្សាដំណឹងល្អ និង (២) គំនិតថ្មីៗមួយចំនួន ដែលអ្នកទទួលបានអំពី មនុស្ស ទីកន្លែង ព្រឹត្តការណ៍មកពីលូកា ៥:១២-២៦។
សេចក្ដីសង្ខេប និងការអនុវត្ត
គោលការណ៍ដើម្បីចងចាំ
-
បរិបទ ជួយបញ្ជាក់ និងជួយឲ្យមានការយល់ដឹងរបស់យើងកាន់តែជ្រៅជ្រះអំពីរឿង ការបង្រៀន គោលលទ្ធិ និងគោលការណ៍នានានៅក្នុងអត្ថបទព្រះគម្ពីរ ។
-
មាតិការ ផ្តល់ជាចំណាប់អារម្មណ៍ និងទាក់ទងចំពោះគោលលទ្ធិ និង គោលការណ៍ទាំងឡាយនៅក្នុងបទគម្ពីរ ។
-
ការយល់អំពីបរិបទ និងមាតិកានៃបទគម្ពីរនឹងជួយចាក់សោរបើកឲ្យឃើញពីសារៈសំខាន់នៃសេចក្ដីពិតដំណឹងល្អជាច្រើន ។
-
ដើម្បីយល់បរិបទ និងមាតិកានៃបទគម្ពីរនានា នោះយើងត្រូវតែសួរសំណួរ ហើយស្វែងរកក្នុងធនធានដែលទុកចិត្តបាននូវចម្លើយចំពោះសំណួរទាំងឡាយនោះ ។
« ត្រូវស្គាល់មេរៀនទាំងឡាយដែលព្រះគម្ពីរបង្រៀន ។ រៀនអំពីផ្ទៃរឿង និងទិដ្ឋភាពនៃរឿងប្រៀបធៀបរបស់លោកចៅហ្វាយ និងការដាស់តឿងរបស់ពួកព្យាការី ចូរសិក្សាបទគម្ពីរដូចជាបទគម្ពីរកំពុងនិយាយទៅកាន់អ្នក ដ្បិតនេះហើយគឺជាសេចក្តីពិត » ( ថូម៉ាស អេស ម៉នសុន « Be Your Best Self » Ensign ឬ Liahona ខែ ឧសភា ឆ្នាំ ២០០៩ ទំព័រ ៦៨ ) ។
« ហេតុដូច្នោះហើយ តើខ្ញុំត្រូវធ្វើយ៉ាងណា ? »
ដើម្បីបញ្ចប់បទពិសោធន៍ការរៀនសូត្រនេះ ចូរសរសេរនូវរឿងមួយចំនួនដែលអ្នកនឹងធ្វើ ផ្អែកទៅលើគោលការណ៍នានាដែលអ្នកបានរៀននៅថ្ងៃនេះ ។