Additional Helps for Teacher Development

បទពិសោធន៍ការរៀនសូត្រទី ១០ ៖ ការសម្រេចចិត្តពីអ្វីដែលត្រូវបង្រៀន ៖ ការប្រើបទគម្ពីរ និងសៀវភៅសិក្សាសម្រាប់គ្រូបង្រៀន

បទពិសោធន៍ការរៀនសូត្រទី ១០

បទពិសោធន៍ការរៀនសូត្រទី ១០ ៖ ការសម្រេចចិត្តពីអ្វីដែលត្រូវបង្រៀន ៖ ការប្រើបទគម្ពីរ និងសៀវភៅសិក្សាសម្រាប់គ្រូបង្រៀន

សេចក្ដីសង្ខេប

បទពិសោធន៍ការរៀនសូត្រនេះមាននូវគោលគំនិតដូចខាងក្រោម ៖

សេចក្ដីណែនាំដល់សៀវភៅសិក្សាសម្រាប់គ្រូបង្រៀន
ការសម្រប និងការសម្រួលកម្មវីធីសិក្សា
ការប្រើសៀវភៅសិក្សាសម្រាប់គ្រូបង្រៀន និងបទគម្ពីរដើម្បីរៀបចំមេរៀនមួយ

រូបភាព

ស្ត្រីកំពុងអានព្រះគម្ពីរ

គោលគំនិតសំខាន់ៗ

បងស្រី មើរ៉េ រីករាយនឹងការបង្រៀនថ្នាក់គោលលទ្ធិដំណឹងល្អជាច្រើនដងរាល់ខែក្នុងវួដរបស់គាត់ ។ ខណៈដែលគាត់រំភើបចិត្តធ្វើជាគ្រូបង្រៀនថ្នាក់សិក្ខាសាលាដែលត្រូវបានហៅថ្មីៗ នោះគាត់ងឿងឆ្ងល់ពីរបៀបដែលគាត់នឹងរៀបចំមេរៀនដោយមានប្រសិទ្ធភាពជារៀងរាល់ថ្ងៃ ៖ « ការរៀបចំ និងការបង្រៀនមេរៀនជារៀងរាល់ថ្ងៃហាក់ដូចជាវាជាការតាំងចិត្តដ៏ធំមួយ ។ តើមានធនធានអ្វីខ្លះដើម្បីជួយខ្ញុំ ? »

សេចក្ដីណែនាំដល់សៀវភៅសិក្សាសម្រាប់គ្រូបង្រៀន

ការរៀបចំមេរៀនជារៀងរាល់ថ្ងៃក្នុងសប្ដាហ៍អាចមើលទៅដូចជាការងារដែលត្រូវការពេលវេលាច្រើន និងភ័យខ្លាចមួយ ។

សូមមើលវីដេអូ« Introduction to the Teacher Manual »(៤:០១) មាននៅchurchofjesuschrist.org។ នៅក្នុងវីដេអូនេះ អ្នកនឹងរៀនអំពីរបៀបប្រើបទគម្ពីរ និងរបៀបប្រើសៀវភៅសិក្សាសម្រាប់គ្រូបង្រៀន ដើម្បីរៀបចំមេរៀនដោយមានប្រសិទ្ធភាព និងដោយសមត្ថភាព ។

កំណត់ចំណាំ ៖ប្រសិនបើអ្នកពុំទាន់ទទួលបានសៀវភៅសិក្សាសម្រាប់គ្រូបង្រៀនទេ សូមទាក់ទងនឹងអ្នកគ្រប់គ្រងរបស់អ្នក ។ អ្នកក៏អាចស្វែងរកសៀវភៅសិក្សាទាំងអស់នៅគេហទំព័រchurchofjesuschrist.org/manual/instituteសម្រាប់សៀវភៅសិក្សាថ្នាក់វិទ្យាស្ថាន និងchurchofjesuschrist.org/manual/seminaryសម្រាប់សៀវភៅសិក្សាថ្នាក់សិក្ខាសាលា ។

សកម្មភាពក្នុងសៀវភៅសិក្សាសម្រាប់គ្រូបង្រៀន

កំណត់ចំណាំ ៖មេរៀននីមួយៗនៅក្នុងសៀវភៅសិក្សាសម្រាប់គ្រូបង្រៀនថ្នាក់សិក្ខាសាលា និងថ្នាក់វិទ្យាស្ថាន ត្រូវបានរៀបចំឡើងដើម្បីជួយអ្នករៀបចំដោយមានប្រសិទ្ធភាព ។ ពុំមែនសៀវភៅសិក្សាសម្រាប់គ្រូបង្រៀនទាំងអស់ត្រូវបានរៀបចំ ឬបោះស្លាកឈ្មោះដូចគ្នានោះទេ ប៉ុន្តែមានសម្ភារស្រដៀងគ្នានៅក្នុងសៀវភៅសិក្សាសម្រាប់គ្រូបង្រៀនទាំងអស់ ។ សកម្មភាពនៅក្នុងបទពិសោធន៍ការរៀនសូត្រនេះ ផ្អែកទៅលើសៀវភៅសិក្សាសម្រាប់ថ្នាក់សិក្ខាសាលាថ្មីៗបំផុត ។

សូមបើកទៅសៀវភៅសិក្សាសម្រាប់គ្រូបង្រៀនរបស់អ្នកទៅមេរៀនណាមួយ ឬប្រើឯកសារចែកចាយដែលមានចំណងជើងថា« មេរៀនគំរូ --នីហ្វៃទី ៣ ១១:១-១៧ »ដែលផ្ដល់ឲ្យនៅក្នុងសេចក្ដីបន្ថែមនៃសៀវភៅសិក្សានេះ ។

សូមអានមេរៀន ហើយរកមើលធាតុដូចខាងក្រោម ។ នៅពេលអ្នកបានរកឃើញធាតុនីមួយៗ សូមគូសសញ្ញាកែងនៅលើបញ្ជីដូចតទៅនេះ ៖

ចំណងជើងមេរៀន

ចំណងជើងមេរៀនចង្អុលបង្ហាញអំពីជំពូកបទគម្ពីរដែលមាននៅក្នុងមេរៀន ។
សេចក្ដីណែនាំនៃបណ្តុំបទគម្ពីរ

សេចក្ដីណែនាំនៃបណ្តុំបទគម្ពីរ ផ្ដល់ជាទិដ្ឋភាពទូទៅនៃបរិបទ និងមាតិកានៃបណ្តុំបទគម្ពីរ ។
ក្រុមខគម្ពីរ និងសេចក្ដីថ្លែងការណ៍សង្ខេបខាងបរិបទ

ក្រុមខគម្ពីរ ថ្លែងអំពីលំដាប់ជាក់លាក់នៃខគម្ពីរដែលផ្ដោតទៅលើប្រធានបទ ឬសកម្មភាពជាក់លាក់ ។ សេចក្ដីថ្លែងការណ៍សង្ខេបខាងបរិបទ ជាការសង្ខេបអំពីព្រឹត្តការណ៍ ឬការបង្រៀននៅក្នុងក្រុមខគម្ពីរ ។
តួសេចក្តីនៃមេរៀន
សេចក្ដីថ្លែងការណ៍អំពីគោលលទ្ធិ ឬគោលការណ៍

សេចក្ដីថ្លែងការណ៍អំពីគោលលទ្ធិ និងគោលការណ៍ គឺជាសេចក្ដីថ្លែងការណ៍សង្ខេបអំពីសេចក្ដីពិតខាងបទគម្ពីរ ។
សេចក្តីអធិប្បាយ និង ព័ត៌មានសាច់រឿង និងយោបល់បង្រៀនបន្ថែម ( អ្វីៗទាំងនេះពុំមាននៅគ្រប់មេរៀននោះទេ )

សេចក្តីអធិប្បាយ និង ព័ត៌មានសាច់រឿង ផ្ដល់នូវពាក្យដកស្រង់ និងការពន្យល់បន្ថែមអំពីបរិបទខាងប្រវត្តិសាស្ត្រ ឬវគ្គបទគម្ពីរ ។ យោបល់បង្រៀនបន្ថែម ផ្ដល់ជាយោបល់សម្រាប់ការបង្រៀនគោលលទ្ធិ និង គោលការណ៍ដែលអាចរកមិនឃើញ ឬ សង្កត់ធ្ងន់នៅក្នុងតួមេរៀន ។ វាក៏ផ្តល់យោបល់ស្តីពីការប្រើប្រាស់ប្រព័ន្ធផ្សព្វផ្សាយសោតទស្សន៍ ដូចជាបទបង្ហាញ ឌី.វី.ឌី. និង វីដេអូនៅលើគេហទំព័រ churchofjesuschrist.org ផងដែរ ។

មូលដ្ឋានគ្រឹះនៃការបង្រៀន និងការរៀនសូត្រដំណឹងល្អនៅក្នុងសៀវភៅសិក្សាសម្រាប់គ្រូបង្រៀន

សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា និងថ្នាក់វិទ្យាស្ថាន ត្រូវបានរៀបចំឡើងដើម្បីជួយអ្នកឲ្យបញ្ជូលក្នុងមូលដ្ឋានគ្រឹះនៃការបង្រៀន និងការរៀនសូត្រដំណឹងល្អ នៅពេលអ្នករៀបចំ និងបង្រៀនមេរៀននីមួយៗ ។

សូមមើលវីដេអូ« The Fundamentals in the Curriculum »(២:១៥) មាននៅchurchofjesuschrist.org។ នៅពេលអ្នកមើល សូមរកមើលរបៀបដែលសៀវភៅសិក្សាសម្រាប់គ្រូបង្រៀនថ្នាក់សិក្ខាសាលា និងថ្នាក់វិទ្យាស្ថាន ជួយដល់គ្រូបង្រៀនឲ្យបញ្ជូលក្នុងមូលដ្ឋានគ្រឹះនៃការបង្រៀន និងការរៀនសូត្រដំណឹងល្អនៅក្នុងមេរៀននីមួយៗ ។

សម្រប និងសម្រួលកម្មវីធីសិក្សា

អែលឌើរ ដាល្លិន អេក អូកស៍ ក្នុងកូរ៉ុមនៃពួកសាវកដប់ពីរនាក់បានបង្រៀនដូចខាងក្រោមអំពីរបៀបដែលគ្រូបង្រៀនគួរប្រើសម្ភារកម្មវិធីថ្នាក់សិក្ខាសាសា និងថ្នាក់វិទ្យាស្ថាន ៖

រូបភាព
អែលឌើរ ដាល្លិន អេក អូកស៍

« ដំបូងយើងទទួលយក បន្ទាប់មកយើងកែសម្រួល ។ ប្រសិនបើយើងចេះច្បាស់នៅក្នុងមេរៀនដែលបានពិពណ៌នា ដែលយើងត្រូវបង្រៀន នោះយើងអាចធ្វើតាមព្រះវិញ្ញាណដើម្បីកែសម្រួលវា » (« A Panel Discussion with Elder Dallin H. Oaks » [ Seminaries and Institutes of Religion satellite broadcast ថ្ងៃទី ៧ ខែ សីហា ឆ្នាំ ២០១២ ] គេហទំព័រ sis.churchofjesuschrist.org) ។

ក្នុងនាមជាគ្រូបង្រៀនថ្នាក់សិក្ខាសាលា និងថ្នាក់វិទ្យាស្ថាន យើងសម្របកម្មវធីសិក្សានៅក្នុងសៀវភៅសិក្សាសម្រាប់គ្រូបង្រៀន ហើយសម្រួលវាដើម្បីបំពេញតាមតម្រូវការសិស្សរបស់យើង ។

សម្រប	សម្រួល
ការសម្របកម្មវិធីសិក្សា មានន័យថាជាការអាន និងការជ្រមុជខ្លួនអ្នកទៅក្នុងបទគម្ពីរ និងមេរៀនដែលបានពិពណ៌នានៅក្នុងសៀវភៅសិក្សាសម្រាប់គ្រូបង្រៀនរបស់អ្នក ។ កម្មវិធីសិក្សាជួយអ្នកយល់បទគម្ពីរ យល់ពីបំណងរបស់អ្នកសរសេរបទគម្ពីរដ៏បំផុសគំនិត គោលការណ៍ការផ្លាស់ប្រែចិត្តជឿ និងគោលលទ្ធិគ្រឹះ ។ ទុកចិត្តលើមាតិកា ហើយប្រើវានៅក្នុងថ្នាក់របស់អ្នក ។	ការសម្រួលកម្មវិធីសិក្សា មានន័យថាអ្នកកែសម្រួលមេរៀនតាមព្រះវិញ្ញាណដឹកនាំដើម្បីបំពេញតាមតម្រូវការរបស់សិស្សម្នាក់ៗ និងដើម្បីជួយពួកគេឲ្យបានជោគជ័យ ។

សម្រប

សម្រួល

ការសម្របកម្មវិធីសិក្សា មានន័យថាជាការអាន និងការជ្រមុជខ្លួនអ្នកទៅក្នុងបទគម្ពីរ និងមេរៀនដែលបានពិពណ៌នានៅក្នុងសៀវភៅសិក្សាសម្រាប់គ្រូបង្រៀនរបស់អ្នក ។ កម្មវិធីសិក្សាជួយអ្នកយល់បទគម្ពីរ យល់ពីបំណងរបស់អ្នកសរសេរបទគម្ពីរដ៏បំផុសគំនិត គោលការណ៍ការផ្លាស់ប្រែចិត្តជឿ និងគោលលទ្ធិគ្រឹះ ។ ទុកចិត្តលើមាតិកា ហើយប្រើវានៅក្នុងថ្នាក់របស់អ្នក ។

ការសម្រួលកម្មវិធីសិក្សា មានន័យថាអ្នកកែសម្រួលមេរៀនតាមព្រះវិញ្ញាណដឹកនាំដើម្បីបំពេញតាមតម្រូវការរបស់សិស្សម្នាក់ៗ និងដើម្បីជួយពួកគេឲ្យបានជោគជ័យ ។

ការប្រើប្រាស់បទគម្ពីរនានា និងសៀវភៅសិក្សាសម្រាប់គ្រូបង្រៀនដើម្បីរៀបចំមេរៀន

នៅពេលអ្នកប្រើសៀវភៅសិក្សាសម្រាប់គ្រូបង្រៀនដោយមានប្រសិទ្ធភាព នោះអ្នកអាចរៀបចំមេរៀនដ៏ស្អាងឡើង ដែលពុំតម្រូវការពេលវេលាច្រើនម៉ោងដើម្បីរៀបចំទេ ។

សូមមើលវីដេអូ« Curriculum Overview »(៤:៤៥) មាននៅchurchofjesuschrist.org។ វីដេអូនេះ សង្ខេបអំពីរបៀបដែលការប្រើបទគម្ពីរ និងសៀវភៅសិក្សាសម្រាប់គ្រូបង្រៀនរបស់អ្នក អាចជួយអ្នករៀបចំមេរៀនដោយមានប្រសិទ្ធភាពសម្រាប់សិស្សរបស់អ្នក ។

សូមមើលវីដេអូ« Using the Scriptures and the Teacher Manual »(៥:១១) មាននៅលើគេហទំព័រchurchofjesuschrist.org។ វីដេអូនេះ បងស្រី វិលសុន ចែកចាយនូវការប្រឹក្សាដ៏សំខាន់ អំពីការប្រើបទគម្ពីរ និងកម្មវិធីសិក្សារួមគ្នានៅក្នុងការរៀបចំមេរៀន ។ នៅពេលអ្នកមើល សូមរកមើលគំនិតសំខាន់ៗដើម្បីចងចាំ នៅពេលអ្នករៀបចំមេរៀនរបស់អ្នក ។

សកម្មភាពការរៀបចំមេរៀន

ឥឡូវវាដល់វេណអ្នកដើម្បីប្រើបទគម្ពីរ និងសៀវភៅសិក្សាសម្រាប់គ្រូបង្រៀនរបស់អ្នកទៅអនុវត្តការរៀបចំមេរៀន ។ សូមបើកទៅសៀវភៅសិក្សាសម្រាប់គ្រូបង្រៀនរបស់អ្នកទៅមេរៀនណាមួយ ឬប្រើឯកសារចែកចាយដែលមានចំណងជើងថា« មេរៀនគំរូ --នីហ្វៃទី ៣ ១១:១-១៧ »ដែលផ្ដល់ឲ្យនៅក្នុងសេចក្ដីបន្ថែមនៃសៀវភៅសិក្សានេះ ។

នៅពេលអ្នកបំពេញតាមជំហានដូចខាងក្រោម សូមគូសសញ្ញាកែងដើម្បីបង្ហាញថាអ្នកបានបំពេញផ្នែកនៃការរៀបចំរបស់អ្នក ។

អានចំណងជើងមេរៀន ហើយបើកទៅបណ្ដុំបទគម្ពីរក្នុងគម្ពីររបស់អ្នក ។
សូមអានសេចក្ដីណែនាំអំពីបណ្ដុំបទគម្ពីរ ។
ជ្រមុជខ្លួនរបស់អ្នកទៅក្នុងវគ្គបទគម្ពីរដោយការអាន ការសិក្សា ការពិចារណា និងការអធិស្ឋានសម្រាប់ការបំផុសគំនិត ។
សិក្សាតួមេរៀន ផ្ដោតយកចិត្តទុកដាក់ទៅលើសេចក្ដីថ្លែងការណ៍អំពីគោលលទ្ធិ និងគោលការណ៍ ។
ពិចារណាអំពីតម្រូវការសិស្សរបស់អ្នក ហើយសម្រេចចិត្តថាគោលការណ៍អ្វីដែលអ្នកត្រូវការបំផុត ។
កំណត់ថាតើអ្នកចង់គូសបញ្ជាក់ដល់កម្រិតណា ទៅលើគោលការណ៍ផ្សេងៗ ដោយផ្អែកទៅលើតម្រូវការសិស្សរបស់អ្នក ។
សូមអានសម្ភារបន្ថែមនានា ដែលបានផ្ដល់ឲ្យនៅក្នុងមេរៀន ហើយពិចារណាអំពីរបៀបដែលអ្នកអាចប្រើសម្ភារនេះនៅក្នុងមេរៀនរបស់អ្នក ។

ត្រៀមខ្លួនដើម្បីពិភាក្សាអំពីបទពិសោធន៍នេះជាមួយនឹងអ្នកដឹកនាំ ឬក្រុមវគ្គបំពាក់បំប៉នគ្រូបង្រៀនរបស់អ្នក ។

សេចក្ដីសង្ខេប និងការអនុវត្ត

គោលការណ៍ដើម្បីចងចាំ

បទគម្ពីរគឺជាប្រភពនៃសម្ភារបង្រៀនរបស់អ្នក ហើយសៀវភៅសិក្សាសម្រាប់គ្រូបង្រៀនគឺជាធនធានរបស់អ្នកសម្រាប់ការរៀបចំមេរៀនរបស់អ្នក ។

កម្មវិធីសិក្សា ត្រូវបានរៀបចំឡើងតាមរបៀបមួយដើម្បីជួយអ្នករៀបចំមេរៀនដោយមានប្រសិទ្ធភាព និងសមត្ថភាព ។
អ្នកអាចសម្រប ហើយសម្រួលកម្មវិធីសិក្សាដើម្បីបំពេញតាមតម្រូវការសិស្ស ។
នៅពេលអ្នកសម្រួលកម្មវិធីសិក្សា សូមពិចារណាដោយយកចិត្តទុកដាក់ចំពោះតម្រូវការរបស់សិស្ស និងការបំផុសគំនិតពីព្រះវិញ្ញាណបរិសុទ្ធ ។
អ្នកអាចបំពេញតម្រូវការរបស់សិស្សនៅពេលអ្នករៀបចំមេរៀនដោយប្រើកម្មវិធីសិក្សាដោយមានប្រសិទ្ធភាព ។

រូបភាព
អែលឌើរ ហិនរី ប៊ី អាវរិង

« អស់អ្នកដែលបានហៅដោយព្យាការីឲ្យប្រកាសនូវភាពត្រឹមត្រូវនៃគោលលទ្ធិ ដែលបានបង្រៀននៅក្នុងសាសនាចក្រឲ្យរំឭកគ្រប់ពាក្យសម្ដី គ្រប់រូបភាព គ្រប់តារាង នៅក្នុងកម្មវិធីនោះដែលអ្នកបានទទួល ។ យើងអាចចាក់សោបើកនូវអំណាចនៃកម្មវិធីសិក្សាបានយ៉ាងងាយដោយការធ្វើទង្វើ ផ្អែកលើជំនឿរបស់យើងដែលវាត្រូវបានបំផុសគំនិតពីព្រះនោះ ។ …

« ការធ្វើតាមមាតិកានៃកម្មវិធីសិក្សាតាមលំដាប់លំដោយ នឹងធ្វើឲ្យមាននូវអំណោយទានពិសេសនៃការបង្រៀនរបស់យើង មិនមែនបន្ថយវាឡើយ » ( ហិនរី ប៊ី អាវរិង« The Lord Will Multiply the Harvest » [ ល្ងាចមួយជាមួយនឹង អែលឌើរ ហិនរី ប៊ី អាវរិង ថ្ងៃទី ៦ ខែ កុម្ភៈ ឆ្នាំ ១៩៩៨ ] ទំព័រ ៤, ៥ si.churchofjesuschrist.org ) ។

« ហេតុដូច្នោះហើយ តើខ្ញុំត្រូវធ្វើយ៉ាងដូចម្តេច ? »

ដើម្បីបញ្ចប់បទពិសោធន៍ការរៀនសូត្រនេះ ចូរសរសេរនូវរឿងមួយចំនួនដែលអ្នកនឹងធ្វើ ផ្អែកទៅលើគោលការណ៍នានាដែលអ្នកបានរៀននៅថ្ងៃនេះ ។